โครินธ์ อาเหร่อเล๊อ ต๊าบ่า 11:26 - ลีเทส่อพ๊าอาเซ เร๊อ เห่ขุทวาลู๊26 ซี เอ่ ค๊อมู เร๊อ ซี โอ แท๊ทือเส่เทอ เด๊อ เบกูเออ เบ๊อะเกเต๋ เบ่เบ่ เนอ, ซี แด๊โฉ่โลแถ่ เฮ๊อ แบ่เจ่ อาเตเซอ อาหรี่อาแก โต่ เฮ๊อ เด๊อ อา แฮ คยาแซ๊ ปา โตโพ๊ เนอ เฮ๊อ. အခန်းကိုကြည့်ပါ။Eastern Kayah Shadaw Dialect26 ꤞꤤ꤭ ꤢꤩ꤬ ꤋꤢꤪꤗꤢꤨ꤭ ꤚꤣꤧ꤬ ꤞꤤ꤭ ꤥ꤭ ꤎꤢ꤬ꤕꤛꤤꤓꤣꤧ꤭ ꤘꤣ ꤙꤢꤩ꤭ꤊꤢꤨ꤭ꤣꤧ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤞꤤ꤭ ꤟꤢꤩꤏꤥ꤬ꤜꤥ꤭ꤓꤢꤧ꤬ ꤟꤣꤧ ꤙꤢꤧ꤬ꤡꤢꤩ꤬ ꤢ꤬ꤒꤢꤩ꤬ꤞꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤒ꤫ꤥ꤬ ꤟꤣꤧ ꤘꤣ ꤢ꤬ ꤟꤢꤧ꤭ ꤋꤛꤢ꤭ꤞꤢꤧ ꤕꤢ꤭ ꤒꤣ꤬ꤖꤥ ꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 11:26
16 ပူးပေါင်းရင်းမြစ်များ
หม่าแน๊เรอ แบ่เจ่ อาม๊อเนอ เออเนอ, อา เก่ แฮโต่คย๊า แซ่เน๊อ เพรเอ่โห่ เตเพร แฮเนอ ปา. เบ๊อะเนอ เตอเนอ ปาเนอ, ม๊อ เก่ ครอ ตอปลอแลยอแถ่ ปา เร๊อ อา เก่ โอ่เหม่แก ปา. หมิ เก่ อือปย๊า หล่าตี๊กลิแก ลอ ต๊อเหมาะ, เล, เฉ่ เด๊อ อา โอ่ เด๊อ ม๊อเล ซีเต๊เห่ ปา. เร๊อ อา เก่ อือปย๊า หล่าตี๊กลิแก ลอ เห่ขุ เร๊อ เต เด๊อ อา โอ่ เด๊อ ลูเหน่ลู เนอเต๊เห่ ล๋อ ปลี ปา.
เมเตเฮ๊เรอ แบ่เจ่ อาเหน่แบ่เจ่ เร๊อดื่อ เก่ โอ่ เด๊อ ม๊อขุ เร๊อ แฮแล ปา. เร๊อ อา เก่ เอ๊โทตา อาโหง่ ตือมือ ปา. โทเรอ ม๊อขุเตเน่วพู๊ อา กู่กล๊อดุเล๊อ เตเพร เก่ เอ๊โท เฮ๊เบ่ตา ปา. โทเรอ อู เก่ หนิโฮ จอแปแหร่ อากวา พราแถ่ ปา เร๊อ แกแย เด๊อ อา หยื่อเอ่ ครี๊ เร๊อ อา เซอ โทเฮ๊อ เต๊เห่เนอ, อา เก่ ก๊อถ่อ กาเหร่อเล๊อ อู ปา.
หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.
ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.
ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.
เด๊อ แบ่เจ่ เหย่ซู่ เฮ๊ ฮู๊เออ อาขว่าอาคยา, โหง่ โลปีชีจว๊า บอบย่าลอ เด๊อ โป่แหว่ เพรหยื่อเอ่ เต๊เห่ อาเกล เร๊อ อา โคเจ่ เนอเตเพร อา เซอโต่ เฮ๊เนอ, อา เฮ๊ แลแค ฮู๊เนอ. หม่าแน๊เรอ แบ่เจ่ เหย่ซู่ เฮ๊ เร๊อ อา เซอโต่ ฮู๊เนอ หม่าโต่. อา เฮ๊ เน๊อ, “แว เก่ ซิหยื่อ นอโอ่เซอเพร โต่ ลู เด๊อ แว แฮปา เก่เฮ๊เนอ เร๊อ จู๊ดื่อ แว แพ๊, เนอหม่า เน เตเม หม่าโต่,” อา เฮ๊ ฮู๊เนอ แพ๊.
ကြော်ငြာတွေ