โครินธ์ อาเหร่อเล๊อ ต๊าบ่า 11:25 - ลีเทส่อพ๊าอาเซ เร๊อ เห่ขุทวาลู๊25 เหย่ซี เอ่โท ค๊อมู เร๊อ, อา พย๊าแถ่ลาติ แท๊ทือเส่เทอเบ เร๊อ อา เมแซ่ เกอ ฮู๊ อา เมเหร่อ เนอ, เร๊อ อา เฮ๊ เน๊อ, “แท๊ทือเส่เทอ เออเนอหมา หม่าเฮ๊อ จอแปแหร่ เตอ๊อแล อาเซ อา เตม๊าเตแด เต๊อเจ่อ. จอแปแหร่ เมหม่าเมกลอ ตาเตแก โทเฮ๊อ เตอ๊อแล เออเนอ เร๊อ แวสุ่ย เด๊อ อา ทุ๊ยตา เด๊อ ซิเง เออเนอ เฮ๊อ. ซี โอ แท๊ทือเส่เทอ เออ เบ๊อะเกเต๋ เบ่เบ่เนอ, แซ่ฮู๊ ซี เก่ ซิเงแถ่เบ่ โต่ แว ปว๋า โตโพ๊ เนอเรอ, เม แลแค ฮู๊เออ เนอ นี๋.” အခန်းကိုကြည့်ပါ။Eastern Kayah Shadaw Dialect25 ꤛꤢꤩ꤬ꤞꤤ꤭ ꤢꤩ꤬ꤓꤥ꤭ ꤋꤢꤪꤗꤢꤨ꤭ ꤚꤣꤧ꤬, ꤢ꤬ ꤖꤛꤢꤓꤢꤧ꤬ꤜꤢ꤭ꤒꤢꤩ꤬ ꤎꤢ꤬ꤕꤛꤤꤓꤣꤧ꤭ꤙꤢꤩ꤭ ꤚꤣꤧ꤬ ꤢ꤬ ꤗꤢꤩ꤬ꤞꤢꤧ ꤊꤣꤧ꤭ ꤟꤢꤨ ꤢ꤬ ꤗꤢꤩ꤬ꤚ꤫ꤣꤧ꤬ ꤔꤣꤧ꤬, ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤎꤢ꤬ꤕꤛꤤꤓꤣꤧ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤡꤣ꤬꤯ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤊꤜꤢꤪ꤬ꤗꤢꤩ꤬ꤗꤢ꤬ ꤒꤢ꤭ꤒꤢꤩ꤬ꤊꤢꤧ꤭ ꤓꤥ꤭ꤟꤣꤧ ꤒꤢꤩ꤬ꤢꤪꤜꤢꤧ꤬ ꤣꤧ꤭ꤔꤣꤧ꤬ ꤔꤢꤧ ꤠꤢꤧ꤭ꤞꤝꤤ꤬ ꤘꤣ ꤢ꤬ ꤓꤝꤤꤒꤢ꤭ ꤘꤣ ꤞꤤꤑꤢꤩ꤭ ꤣꤧ꤭ꤔꤣꤧ꤬ ꤟꤣꤧ꤯ ꤞꤤ꤭ ꤥ꤭ ꤎꤢ꤬ꤕꤛꤤꤓꤣꤧ꤭ ꤣꤧ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤒꤥ꤬ ꤠꤢꤧ꤭ ꤕꤝꤢ꤭꤮ ꤒꤣ꤬ꤖꤥ ꤔꤣꤧ꤬ꤚꤣꤧ꤬, ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨꤣꤧ꤭ ꤔꤣꤧ꤬ ꤔꤤ꤮꤯” အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 11:25
11 ပူးပေါင်းရင်းမြစ်များ
แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.
แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.
เบ๊อะเป เอ่โอ โหร่ลู แบ่เจ่ เตเอ่โอ บูโพ๊ เหมาะเฮ๊ เบ๊อะเนอ เร๊อ เป กุยแถ่ จอแปแหร่ เร๊อ อา เก่ เด๊อะบุ๊ยเด๊อะเตอเรอ แท๊ทือเส่เทอเบ เออ เบ๊อะเนอ, อา เด๊อะโล เฮ๊อ เร๊อ เด๊อ ครี๊ อาสุ่ย อาขว่าอาคยา, เป ทวาแถ่ เต๊อเจ่อเจ๋อ แพ๊ ลู เร๊อ อา เฮ๊อ หม่าโต่ แอ? ฮู๊เนอเฮ๊อ เบ๊อะเป บิกยา ค๊อมู เร๊อ เป เอ่ อา เบ๊อะเนอ, อา เด๊อะโล เฮ๊อ เร๊อ เป ทวาแถ่ เต๊อเจ่อเจ๋อ แพ๊ ลู เร๊อ ครี๊ อาเหน่กล่อ เฮ๊อ, หม่าโต่ แอ?
เบ๊อะเนอเค อิสราเอลพู๊ เต๊เห่เนอ, อา เถ่ บี๊ ตี๊ปิตาปา ลอ ลู ซิปล่อ. โต่กู๊แหน่ เจ๊อ เบ่เบ่, เบ๊อะอู แด๊ แถ่โล คูโมเสส อา เตซว๊าเตแส่ เด๊อ ลีเทส่อพ๊ากู เออ เบ๊อะเนอ, เหย่ซี ซิเงโปล เตอเจ๋อ โต่. เหย่ซี เก่ หยื่อเอ่ แบ่เจ่ เหย่ซู่ครี๊ ตื๊อหม่า อาซิปล่อ บี๊ตาปา เออเนอ เก่ โอ่โมแถ่ เร๊อ ซิเงโปลแฮ เบ๊โหน่ แพ๊.
ကြော်ငြာတွေ