โครินธ์ อาเหร่อเล๊อ ต๊าบ่า 10:6 - ลีเทส่อพ๊าอาเซ เร๊อ เห่ขุทวาลู๊

⁶ เปเพอเปโพ เออเต๊เห่ ลือครวาเม อา เตซิหยื่อ มู๊แหม่รีแจ่ เต๊เห่ อาขว่าอาคยา, อา ทวาแถ่ เฮ๊อ ฮู๊เนอ เฮ๊อ. แซ่ฮู๊ เป เก่ แม๊บือ ครวาเมเกอ แต่ ฮู๊ เหย่ซี เมเนอ แต่เหม่ เนอ, อา ทวาแถ่ เฮ๊อ เตอิซว๊า เต๊อเจ่อ เด๊อ เปเง เฮ๊อ.

Eastern Kayah Shadaw Dialect

⁶ ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤣꤧ꤭ꤒꤣꤧ꤬ꤟꤢꤩ꤬ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤟꤢꤨꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤧꤙꤢꤦ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒ꤫ꤢꤧ꤬ ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤤ꤬ꤞꤝꤢ ꤒꤣ꤬ꤡꤣ꤬ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯

โครินธ์ อาเหร่อเล๊อ ต๊าบ่า 10:6 ပူးပေါင်းရင်းမြစ်များ

ꤛꤢꤨꤘꤢ꤬ 1:7

ฮู๊เนอเฮ๊อ, เตเนแถ่ หนิคยาดื่อ แลแค วีโสโดม เร๊อ วีโกโมราห์ เร๊อ วี โอ่ เด๊อ อา โอ่ผื่อโอ่ว๊า เนอเต๊เห่. แกแยวีกู เบ๊อะเนอ เต๊เห่ หม่า อา เมซื๊อ แซ่เกอ ดื่อ เต ฮู๊เนอ เนอ เฮ๊อ. เหย่ซี ลือครวาเม แลแค สุ่ยหย่าเทอ เหล่โกล ซิหยื่อ มู๊แหม่ เต๊เห่. เร๊อ เมโมหนิ แลแค อาเหน่ เร๊อ เพรเหมาะเพรคู เหล่โกล มู๊แหม่รีแจ่ เต๊เห่. เหย่ซี ข่าเบ่ เตโซพ๊าโซแร เด๊อ หมิเผ่กู ตูจูเพร เออเนอหมา อา ทวาแถ่ ดื่อ เฮ๊อ อู เหล่แม๊บือ เด๊อ แกแย ล๋อ ปลี อาเง เฮ๊อ.

โครินธ์ อาเหร่อเล๊อ ต๊าบ่า 10:11

เตเออเต๊เห่ จว๊า ทวาแถ่ โต่ ลอปลี ฮู๊เนอ เมเตเฮ๊เรอ แซ่ฮู๊ แกแย เด๊อ อาโร เต๊เห่ เก่ ครวา แม๊บือ เมเกอ แต่ ฮู๊เนอ แต่เหม่ เนอ, อา เด๊อะโล เป่ อู แพ๊. แซ่ฮู๊ อู เก่ เด๊อะรอเด๊อะเร หนื่ออื่อ เป่ เป เด๊อ อา โอ่เซอเพร เด๊อ คยาเล๊อ อู เออตือทือ เต๊เห่ อาเงเนอเรอ, อู ราม๊าราแด โอ่แก เป่ เด๊อ ลีเทส่อพ๊ากู เออแพ๊.

ꤟꤤꤙꤚꤢꤨ 4:11

เป เพอโพ เด๋อ งย๊าเค เต๊เห่เนอ, อา ย๊อ หนิดา เกอ จอแปแหร่ อาโหง่ โต่ อาขว่าอาคยา, อา โนหนิ เกออู เด๊อ จอแปแหร่ เหล่โอ่โก๊ เตเบ๊ซิพร๊า อาเหล่โอ่ เออเนอ โต่. แซ่ฮู๊ เป เก่ ครวาแม๊บือ เกอ แต่ เปเพอเปโพ เตเพร่ว แต่เหม่, โท๊โต่ แซ่ฮู๊ เป เก่ โนหนิ เกออู เด๊อ เหล่โอ่โก๊ เตเบ๊ซิพร๊า อาเหล่โอ่ เออ อาเงเนอ, เป เตเพร เร๊อ เตเพร เก่ แอ๊จื๊อ แร๊ ตื๊อดื่อ โหร่ลู โป๋.

เปโตร เนอบ่า ต๊าบ่า 2:6

จอแปแหร่ เมจากาคยา วีโสโดม เร๊อ วีโกโมราห์, เร๊อ อา นอตาอือ ปย๊าแก ลอ เร๊อ หมิ. อา เมทวาแถ่ เป่ แกแย เด๊อ คยา เต๊เห่ เด๊อ อา เบ่หยื่อเบ่แหน่ เกออู จอแปแหร่ โต่ เต๊เห่ อาเหล่แม๊บือ อาเง แพ๊.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

ꤚꤥꤗꤢꤩ꤬ 5:14

เป๊อแถ่ เบ๊อะเพอาดัม หนิดา จอแปแหร่ อาโหง่ โต่ อาทือเคเนอ, เร๊อ อา โต่แฮ เด๊อ คูโมเสส อาทือเค เนอ, แกแย ล๋อ ปลี เบ่เซอลอ. แกแย เนอเต๊เห่ หม่า, อา เมซื๊อเกอ ฮู๊ เพอาดัม เมซื๊อ เนอ หม่าโต่ หม่าแน๊เรอ เหย่ซี เบ่เซอ เกอลอ แพ๊. เพอาดัม หม่า อาแซ่เน๊อ ครี๊ เด๊อ อา เตเร แฮปา เนอเตเพร เฮ๊อ.

ꤟꤤꤙꤚꤢꤨ 9:24

เมเตเฮ๊เรอ เหล่สื่อดุ บูโพ๊ เด๊อ อู เม เร๊อ แกแย กู๊ขุ เร๊อ อู แม๊บือ เมเกอ แพ๊ อาโหมะกล่อ หม่าแหน่ เออเตเม อากู เนอ, ครี๊ จว๊าโน เบ๊อะเนอ หม่าโต่. อา จว๊าโน เร๊อดื่อ เด๊อ ม๊อขุ เร๊อ กู๊แหน่เออ อา กุยซิยอ เป่ เป เด๊อ จอแปแหร่ อาเป๊เส่เง.