โครินธ์ อาเหร่อเล๊อ ต๊าบ่า 10:20 - ลีเทส่อพ๊าอาเซ เร๊อ เห่ขุทวาลู๊

²⁰ แว ซิหยื่อ เฮ๊ ฮู๊เนอ ตีกี๋ โต่. แว ซิหยื่อ เฮ๊ เร๊อ เต เด๊อ อู หลู่แถ่ เร๊อ เตแหย่โย เต๊เห่ เนอหม่า อา หลู่แถ่ แลแค แพ๊ โลเน๊โลหน่า แพ๊, อา หลู่แถ่ แลแค จอแปแหร่ หม่าโต่. ฮู๊เนอเรอ แว ซิหยื่อ นอ แบ๊ซว๊าแบ๊โค ซี เร๊อ โลเน๊โลหน่า โต่.

Eastern Kayah Shadaw Dialect

²⁰ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤟꤢꤨꤔꤣꤧ꤬ ꤗ꤫ꤢ꤬ ꤒꤣꤧ꤬ꤊꤤ꤬꤮ ꤒꤥ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤔꤢꤧ ꤒꤢꤩ꤬ ꤘꤣ ꤢꤨ꤭ ꤜꤢꤨ꤭ꤓꤢꤧ꤬ ꤔꤢꤧ ꤖꤚꤢꤩ꤬ꤛꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤜꤢꤨ꤭ꤓꤢꤧ꤬ ꤜꤢ꤭ꤋꤢꤧ꤭ ꤖꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤖꤢꤧ, ꤢ꤬ ꤜꤢꤨ꤭ꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ ꤙꤢꤧꤞꤝꤢꤙꤢꤧꤜꤢ꤬ ꤞꤤ꤭ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤒꤥ꤬꤯

โครินธ์ อาเหร่อเล๊อ ต๊าบ่า 10:20 ပူးပေါင်းရင်းမြစ်များ

เตเด๊อะโลแถ่ 9:20

แกแย เด๊อ อาโอ่ แลเปล๊แก เร๊อ เตเมจาเมจือ อาเต เซอหร่า เออเต๊เห่เนอ, อา เม แฮเง ตื๊อดื่อ หนิเร๊อปา อา เตมู๊แหม่รีแจ่ เนอเต๊เห่. อาถู่แหล่แต๊แกละกา เป่ แลแค อาซิปล่อ โต่. เหย่ซี จ๊อเบ ตื๊อดื่อปา แลแค โลเน๊มู๊แหม่รีแจ่, เตแหย่โย เด๊อ อู เมเร๊อ เท, อู เมเร๊อ รือ, อู เมเร๊อ ตีลี เร๊อ หล่อ เร๊อ ส่อ เด๊อ อา แม๊เถ่แจ่โต่, โทเรอ อา หนิโฮ แจโต่, อา จว๊าแจ่โต่ เนอเต๊เห่.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

มัทธิว 4:9

โลเน๊มู๊แหม่ กู่กล๊อ เฮ๊ เหย่ซู่ เน๊อ, “เน เก่ แด๊งือจ๊อเบ แว เก่เฮ๊เรอ, ล๋อ เออเต๊เห่เนอ แว เก่ เด๊อะลอ เร๊อ เน ปา.”

ꤊꤢ꤬ꤜꤢ꤬ꤒꤤ 4:8

ม๊อเนอ เด๊อ อา ตาลว๊า โท เต๊เห่เนอ, ซี ซิเง จอแปแหร่ โต่ อาขว่าอาคยา, ซี ทวาเฮ๊อ หลู่เล๊ เด๊อ จอแปแหร่ หม่าโต่ เต๊เห่ อาเล เฮ๊อ.

เตเด๊อะโลแถ่ 2:14

“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.

เตเด๊อะโลแถ่ 2:20

“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.