โครินธ์ อาเหร่อเล๊อ ต๊าบ่า 10:19 - ลีเทส่อพ๊าอาเซ เร๊อ เห่ขุทวาลู๊

¹⁹ หม่า แว ซิหยื่อ เฮ๊ เร๊อ เตแหย่โย เด๊อ แกแย จ๊อเบ เกอเร๊อ อา เออเนอหมา อา โอ่ เร๊อ อา เตอเรอฉว่าชอ ฮู๊เนอ แอ? โต่เร๊อหม่า แว ซิหยื่อ เฮ๊ เร๊อ เตเอ่เตโอ เด๊อ อู หลู่แถ่ เร๊อ เตแหย่โย เออเนอหมา อา โหล่ดุ เล๊อ, แว ซิหยื่อ เฮ๊ ฮู๊เนอ แอ?

Eastern Kayah Shadaw Dialect

¹⁹ ꤗꤢ꤬ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤔꤢꤧ ꤖꤚꤢꤩ꤬ꤛꤥ꤬ ꤘꤣ ꤊꤣꤧ꤬ꤛꤢꤧ꤭ ꤡꤢꤪꤙꤢꤩ꤭ ꤚꤣꤧꤘꤢꤦ꤬ ꤢ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤟꤢꤨꤔꤣꤧ꤬ ꤟꤢꤧ꤭? ꤒꤥ꤬ꤚꤣꤧ꤬ꤗꤢ꤬ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤔꤢꤧ ꤒꤢꤩ꤬ꤢꤩ꤬ꤒꤢꤩ꤬ꤥ꤭ ꤘꤣ ꤢꤨ꤭ ꤜꤢꤨ꤭ꤓꤢꤧ꤬ ꤔꤢꤧ ꤖꤚꤢꤩ꤬ꤛꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤜ꤫ꤥ꤬ꤘꤢꤨ꤬ ꤜꤣ, ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤟꤢꤨꤔꤣꤧ꤬ ꤟꤢꤧ꤭?

โครินธ์ อาเหร่อเล๊อ ต๊าบ่า 10:19 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 8:4

ฮู๊เนอ อาขว่าอาคยา, เอ่เฉ่เอ่ เด๊อ อู โบ่แถ่ เร๊อ เตแหย่โย เต๊เห่เนอ, เป ซิเง เร๊อ เตแหย่โย เออเนอหมา อา แกเด แพ๊, อาโหง่แลช๊า โอ่ เตอเจ๋อ โต่. เป ซิเง เกอ โป่ ดื่อ เร๊อ จอแปแหร่ เนอหม่า อา โอ่ แพ๊ เตเพรเพร่ว แพ๊.

โครินธ์ อาเหร่อเล๊อ ต๊าบ่า 13:2

แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.

โครินธ์ อาเหร่อเล๊อ ต๊าบ่า 3:7

เพรโหล่ตา เตกลุยเตลุ๊ย เร๊อ เพรยือเทอ เออเนอหมา อา โหล่ดุ ลา หม่าโต่. อา โหล่ดุเล๊อ อู หม่า เพร เด๊อ อา นอเพ๊แถ่ดุแถ่ เตกลุย เออเตเพรเนอ เฮ๊อ.

โครินธ์ อาเหร่อเล๊อ ต๊าบ่า 1:28

แซ่ฮู๊ จอแปแหร่ เก่ เมปย๊าแก เต เด๊อ แกแย เห่ขุพู๊ เตเนดุเร๊อ เนอเต๊เห่ อาเงเนอเรอ, อา เอ๊ แพ๊ แกแย เด๊อ อู แด่ดุ เหย่ซี โต่ เนอเต๊เห่ แพ๊, อู เตเนปีตี๊ เหย่ซี เนอเต๊เห่ เน๊อ อู แด่ เหย่ซี เน๊อ แกแย โอ่เล๊อโอ่กลอ เนอเต๊เห่ แพ๊.

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

เพรโด่แนพู๊ เต๊เห่ 19:26

คูเปาโล เฮ๊เออ เตเพรเนอ อา เมแคร๋ อิเต เนอหม่า ซี แม๊เถอะหนิโฮ ลอดื่อเฮ๊อ เร๊อ ซิเหน่ เฮ๊อ. อา จว๊า อิลออี๊โหล่ ปย๊า ลอ อู เร๊อ จอแปแหร่ เด๊อ แกแย แบ๊ เร๊อ อากู๊ขุ เต๊เห่เนอ, จอแปแหร่ หม่า ตีกี๋ โต่, อา เฮ๊ ฮู๊เนอ. เร๊อ อา อิลออี๊โหล่ หนิ โหร่แหน่เจ๊อ อู ตื๊อ แกแย โอ่เบ๊อะวีเอเฟซัส อากูเออ เต๊เห่เนอ หม่าโต่, อา ผือ อิลออี๊โหล่ หนิลอ เจ๊อเฮ๊อ เอเอเชีย เต๊เก๋เล เจ๊อเฮ๊อ.

โครินธ์ อาเหร่อเล๊อ ต๊าบ่า 10:14

แว โคแบ๊ซว๊าโม ซี, จ๊อเบ แต่ แลแค เตแหย่โย ตีกี๋ แต่เหม่ นี๋.