โครินธ์ อาเหร่อเล๊อ ต๊าบ่า 10:13 - ลีเทส่อพ๊าอาเซ เร๊อ เห่ขุทวาลู๊

¹³ ล๊อ เตอิลออี๊โหล่ เด๊อ เน แม๊เถอะ แฮเบ่น๊อ เต๊เห่ เนอหม่า อา แซ๊ แพ๊ เร๊อ แกแย เห่ขุพู๊ เด๊อ อาโร เต๊เห่ แม๊เถอะ ซิเต่อเบ่น๊อ เนอเต๊เห่ แพ๊. หม่าแน๊เรอ จอแปแหร่ เนอ อาจ๊อ เร๊อ อาโหง่, เมเตเฮ๊เรอ เตอิลออี๊โหล่ เด๊อ อาฉว่าอาชอ เด๊อ เน ข่าเบ๊ โต่ เต๊เห่เนอ, อา นอข่า เน โต่. เบ๊อะเตเมแม๊ แฮเบ่ เน เบ๊อะเนอ, แซ่ฮู๊ เน เก่ แด่ทูซิปล่อ เบ๊ อา, โท๊โต่ แซ่ฮู๊ เน เก่ เหล่แลเปล๊เบ๊ เน๊อ เตอิลออี๊โหล่ เออ อาเงเนอ, จอแปแหร่ เก่ โบ๊โม เป่ เน แกล๊ ปา.

Eastern Kayah Shadaw Dialect

¹³ ꤜꤢꤪ꤭ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤘꤣ ꤔꤢꤧ꤬ ꤗꤢꤧꤓ꤫ꤣꤧ꤬ ꤟꤢꤧ꤭ꤙꤢꤩ꤬ꤔꤢꤪ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤞꤢꤧ ꤖꤢꤧ ꤔꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤟꤢꤧ꤭ꤙꤢꤩ꤬ꤔꤢꤪ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤘꤣ ꤢ꤬ꤏꤝꤢ꤬ꤢ꤬ꤏꤢꤪ꤭ ꤘꤣ ꤔꤢꤧ꤬ ꤋꤢꤧꤙꤢꤩ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔꤢꤪ꤭ꤋꤢꤧ ꤔꤢꤧ꤬ ꤒꤥ꤬꤯ ꤙꤣꤧ ꤒꤢꤩ꤬ꤗꤢꤩ꤬ꤗꤢꤧ ꤟꤢꤧ꤭ꤙꤢꤩ꤬ ꤔꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤢ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤜꤣꤧ꤬ꤕꤜꤢꤩꤙꤢꤩ ꤔꤢꤧ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤙꤢꤗꤥ꤭ ꤕ꤫ꤢꤩ꤬ ꤔꤢꤧ꤬ ꤊꤜꤢꤧ ꤕꤢ꤭꤯

โครินธ์ อาเหร่อเล๊อ ต๊าบ่า 10:13 ပူးပေါင်းရင်းမြစ်များ

เปโตร เนอบ่า ต๊าบ่า 2:9

ฮู๊เนอเรอ แบ่เจ่ จอแปแหร่ เก่ เมแลเปล๊กา แกแย เด๊อ อา เมโต ลูซิปล่อ เร๊อ อา โอ่ เด๊อ เตจาเตจือ อากู เนอเต๊เห่ ฮู๊เต ปาเนอ อา ซิเง แพ๊. โท๊โต่ อา ปื่อโอ่หม่าหนิ แกแยจา เออเต๊เห่ เร๊อ อา เก่ เมจากาคยา แฮเง ตื๊อดื่อลอ เหย่ซี โต่เด๊อ เตเมจากาคยา อาม๊อเนอ เนอเตอเนอ ปา.

ทิโมธี เนอบ่า ต๊าบ่า 4:18

แบ่เจ่ เก่ เมแลเปล๊ แว เน๊อ เตมู๊แหม่รีแจ่ ล๋อปลี เออเต๊เห่ ปา. โท๊โต่ อา เก่ พย๊ากา แว ปา เร๊อ อา เก่ ตอกอตอเก เกอเร๊อ แว เด๊อ ม๊อขุ อา เทอเลเก่กู ปา. เตลีเตเค เก่ แลเบ่ ดื่อ แบ่เจ่ เออ ตูจูเพร ตาแลเคร๊ นี๋. อาเมน.

เธสะโลนิกา เนอบ่า ต๊าบ่า 3:3

หม่าแน๊เรอ แบ่เจ่ เออเนอ อาจ๊อ เร๊อ อาโหง่ เร๊อ อา เก่ เด๊อะฉว่าแถ่ ซี ซิปล่อ อาอ๊าอาเหร่ ปา, เร๊อ อา เก่ ตอกอเตเก ตาตือ เปเร๊อ ซี เร๊อ แกแยมู๊แหม่ เนอเตเพร ปา.

ꤟꤤꤙꤚꤢꤨ 12:4

ซี ช๊าฉื่อ เน๊อ เตซื๊อเตปล๊า เออเต๊เห่ หม่าแน๊เรอ ซี ข่าเบ่ เตจาเตจือ โต่ เจ๊อ เด๊อ อู เบ่เมเซอ ซีเนอ, อา โอ่ แต่ล๋าย เตเพร่ว โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:24

จอแปแหร่ เด๊อ อา เอ๊ ซี เออเตเพรเนอ, อา เก่ เม หม่าแหน่ เป่ดื่อ ซี ฮู๊เนอ ปา, เมเตเฮ๊เรอ อา หม่า จอแปแหร่ เด๊อ อาจ๊อ เร๊อ อาโหง่ เตเพร.

ꤜꤢꤨꤊꤢ꤬ 22:46

เหย่ซู่ เฮ๊ เหย่ซี เน๊อ, “ซี โอ่เมอ ตาปา ลอ แลแค ฮู๊เต? แซ่ฮู๊ ซี เก่ จว๊า ตาโน แต่ เด๊อ เตอิลออี๊โหล่ อากู แต่เหม่ เร๊อ ก๊อถ่อกุยจ๊อเบ ลอ มอ แลแค.”

โครินธ์ เนอบ่า ต๊าบ่า 1:10

เร๊อ จอแปแหร่ เมแลเปล๊กา เฮ๊อ เป เด๊อ เตเซอ อา เตต๊อหร่อเซ๊ ซิอิเช เด๊อ อาดุอาแย อากู เออเนอ เฮ๊อ. เป หยื่อเอ่หนิ เร๊อ จอแปแหร่ แกล๊ เมแลเปล๊กา แฮเง ตือดื๊อโป่ แหน่ เป แพ๊.

เตเด๊อะโลแถ่ 3:10

แว เฮ๊แก โหง่ เด๊อ เน เก่ แด่ทูซิปล่อ อาเง เออเนอ, เน โตเตเนหม่า พย๊าหม่า อาขว่าอาคยา, เตแป่เตเช เด๊อ อา เตเร แฮ เด๊อ เห่ขุเออ เร๊อ อา เก่ เมแม๊ ล๋อ แกแย โอ่เด๊อ เห่ขุ เออต๊าบ่า ลอปา เบ๊อะเนอ, แว เก่ ตอกอเตเก เกอเร๊อ เน ปา.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

เปโตร อาเหร่อเล๊อ ต๊าบ่า 4:19

ฮู๊เนอเรอ, ซี ข่าเบ่ เตจาเตจือ เออเนอ, อา เก่ โต เร๊อ จอแปแหร่ อาซิปล่อ เฮ๊เรอ, ซี โตเบ่ เมแร๊ แฮเง ลาโป่, โท๊โต่ ซี โต แด่แล ซี ซิปล่อ ซีเม เด๊อะ แบ่เจ่ เด๊อ อา แบ๊ตา เต เร๊อ อาจ๊อ เร๊อ อาโหง่ เออเตเพร อา กู๊ยากู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

หม่าแน๊เรอ เป เก่ แด๊โฉ่โล จอแปแหร่ เน๊อ เป เม เตซื๊อเตโอ่หร่า เต๊เห่ เฮ๊เนอหม่า จอแปแหร่ เออเนอ อาจ๊อ เร๊อ อา เตอ๊อแล เร๊อ อา เมโตเมเบ่ เต, โท๊โต่ อา เก่ ปลวาแก เป เตซื๊อ ล๋อ ปลี เร๊อ อา เก่ เมโพ๊เมปลี กาคยา คยาแซ๊ ลอ ล๋อ เป เมเตโต่ โต่ เนอเต๊เห่ ปา.

โครินธ์ อาเหร่อเล๊อ ต๊าบ่า 1:9

จอแปแหร่ เออเตเพร หม่า เหล่หยื่อเอ่หนิ แหน่เจ๊อ. อา หม่า เพร เด๊อ อา เอ๊ ซี เร๊อ อา ซิหยื่อ นอ แบ๊ซว๊าแบ๊โค ซี เน๊อ อาพู๊คู หม่าดื่อเฮ๊อ เป แบ่เจ่ เหย่ซู่ครี๊ เออเตเพรเนอ เฮ๊อ.

ꤟꤤꤙꤚꤢꤨ 11:11

เพอับราฮัม โหมะเผระ ลาเฮ๊อ, โท๊โต่ อาเม โหมะซาราห์ หม่า อา โชพู๊พู๊ หม่าแน๊เรอ เด๊อ อาเตหยื่อ อาขว่าอาคยา, อาพู๊ โอ่เบ๊ปา เร๊อ อา ทวาแถ่เบ๊ปา เพ เตเพร. อา หยื่อเอ่ เร๊อ จอแปแหร่ เนอ อาจ๊อ เร๊อ อา เตอ๊อแล.

ꤟꤤꤙꤚꤢꤨ 10:23

เป เก่ ปื่อหม่า เกอเร๊อดื่อ เป เตแม๊ชือ เด๊อ เป เฮ๊ เป่ โทเฮ๊อ อู เออเนอเต๊เห่ โป๋, เมเตเฮ๊เรอ เป ซิเง เร๊อ จอแปแหร่ เนอ อาจ๊อ เน๊อ อา เตอ๊อแล เร๊อ อา เมฮู๊ อา เฮ๊เนอ ปว๋า โตโพ๊ เจ๊อ.

ꤜꤢꤨꤊꤢ꤬ 11:4

ปลวาแก เหร่อเป่ เป เตซื๊อ เต๊เห่ นี๋. เมเตเฮ๊เรอ เป ปลวาแก โทเฮ๊อ อู เตเมซื๊อ เด๊อ อู เมซื๊อ เป เนอเต๊เห่ เฮ๊อ. นอจว๊าโน แต่ เป เด๊อ เตอิลออี๊โหล่ อาเกลเนอ แต่เหม่ นี๋.’”

ꤟꤤꤙꤚꤢꤨ 6:18

ฮู๊เนอเรอ จอแปแหร่ เด๊อะ ลอเฮ๊อ เป อา เตอ๊อแล เน๊อ อา เตแบแลหนิ อาโหง่เออ เนอเจ่อลอ เฮ๊อ. จอแปแหร่ แลโฮแจ่โต่ อาขว่าอาคยา, เออเนอเจ่อ เนอ อา ถู่แหล่ เต๊เปล่ โค๊แจ่ โต่โต่. เป เด๊อ อา แกล่ ตาดวา โอ่ว่าวโอ่โอ๊บี๊ เฮ๊อ เด๊อ จอแปแหร่ อา โอ่ เต๊เห่เนอ, เด๊อ จอแปแหร่ ถู่แหล่ เต๊เปล่ โค๊แจ่ ปา อา เตอ๊อแล โต่ อาขว่าอาคยา, เป ซิปล่อโม ซิปล่อชอแถ่ แหน่เจ๊อ. เด๊อ เป ซิปล่อโม ซิปล่อชอ อาขว่าอาคยา, เตแม๊ชือ เด๊อ จอแปแหร่ เด๊อ เปเออ เนอ, เป ปื่อหม่า แฮเง ตื๊อดื่อ เต่อเบ๊เฮ๊อ เด๊อ อาตื๊อดื่อ เฮ๊อ.

เตเด๊อะโลแถ่ 19:11

เบ๊อะเนออาเค แว แม๊เถอะ ม๊อขุ ลูโมโอ่ โทเฮ๊อ เร๊อ ตีซิเพบู ก๊อถ่อโอ่ เบ๊อะเนอ โตโด. แกแย แถ่แด๊ ตีซิ เออเตเพรเนอ อู เอ๊ ลูมูย เน๊อ, “จ๊อ เร๊อ โหง่” เร๊อ “เมเต โต.” แกแย เออเตเพรเนอ, เบ๊อะอา เมจากาคยา อู เบ๊อะเนอ, อา เมจากาคยา โต แพ๊ เร๊อ อา ช๊าฉื่อ เร๊อ เพร เด๊อ อา ซิเถ่ ลู เต๊เห่.

ꤜꤢꤨꤊꤢ꤬ 16:26

ตื๊อเนอโท๊โต่, เป เร๊อ ซี อาจอกู เออเนอ, แล ดาแย ดู๋ แหน่เจ๊อ โอ่ โตโบ. เร๊อ แกแย เด๊อ อา โอ่ เบ๊อะเนอ เต๊เห่เนอ, อา ซิหยื่อ จว๊า เด๊อ ซี โอ่ ตื๊อดื่อเรอ อา จว๊า แจ่ โต่. โท๊โต่ แกแย เด๊อ ซี โอ่ เต๊เห่เนอ, อา ซิหยื่อ แฮ เบ๊อะเป โอ่ เออ ตื๊อดื่อเรอ อา แฮ แจ่ โต่ โต่.’

เพรโด่แนพู๊ เต๊เห่ 27:44

แกแย เด๊อ อา โอ่แก เต๊เห่เนอ, แถ่แด๊หนิ ส่อบย่า เต๊เห่, หม่าโต่เรอ แถ่แด๊หนิ แลแค ส่อเกลอดุ เพ๊ ก๊ากีก๊ากว่า เออเต๊เห่ เร๊อ ครวา เป๊เหย่เถ่ เกอ แลแค. เร๊อ เหย่ซี เม ลอ แลแค พู๊ อา เฮ๊ เนอเรอ เหย่ซี เถ่โต่ แร๊แร๊โมโม ลอปลี เด๊อ โคขุ ปว๋า เตเพร.

มัทธิว 6:13

นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’