โครินธ์ อาเหร่อเล๊อ ต๊าบ่า 1:7 - ลีเทส่อพ๊าอาเซ เร๊อ เห่ขุทวาลู๊

⁷ ฮู๊เนอ อาขว่าอาคยา, เบ๊อะซี โอ่ป่อแม๊ชือ แบ่เจ่ เหย่ซู่ครี๊ เก่ แฮเด๊อะโลแถ่ ปา เออเนอ, ล๋อ แหย่โยบูโพ๊ แบ่เจ่ อาเชหยู่ หนิครา เด๊อ ซี โอ่ เต๊เห่เนอ จอแปแหร่ เด๊อะ ลอ เฮ๊อ ซี เฮ๊อ.

Eastern Kayah Shadaw Dialect

⁷ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤙꤣꤧ ꤞꤤ꤭ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤟꤢꤧ꤭ꤥ꤬ꤜꤥ꤭ꤓꤢꤧ꤬ ꤕꤢ꤭ ꤣꤧ꤭ꤔꤣꤧ꤬, ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤏꤢ꤭ꤛ꤫ꤢꤨ꤬ ꤔ꤫ꤤ꤬ꤋꤚꤢ꤭ ꤘꤣ ꤞꤤ꤭ ꤜ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤪ꤭ ꤟꤣꤧ ꤞꤤ꤭ ꤟꤣꤧ꤯

โครินธ์ อาเหร่อเล๊อ ต๊าบ่า 1:7 ပူးပေါင်းရင်းမြစ်များ

เห่ขุทวาลู่ 49:18

โทเร๊อ เพยาโคบ จ๊อเบแถ่ จอแปแหร่ เน๊อ, “เก๋อ จอแปแหร่ ตูจูเพร, แว โอ่ป่อแม๊ชือ เฮ๊อ เน เตเมแลเปล๊กา เฮ๊อ.”

มัทธิว 25:1

“เบ๊อะเนอ เค “ม๊อขุ เทอ เลเก่กู เนอ, อาแซ่เน๊อ เพร เหมาะ พู๊เส่ครวาโคร อู อาเพร เช๊อ พย๊าหนิ หมิเคว๊กอ เร๊อ จว๊าโอ่ป่อ แม๊ชือ กาฉู่แด่ เพรคู แฮ อาหรี่อาแก เออเนอเฮ๊อ.

ꤜꤢꤨꤊꤢ꤬ 12:36

เม แลแค ฮู๊ หี่แบ่เจ่ โอ่ เด๊อ ป่วย พย๊าพู๊พย๊าเม กา เร๊อ อาหลู่เล๊ เต๊เห่ โอ่ป่อฉื่อเกอเร๊อ ลูเนอ. เบ๊อะอา กา ด่อโน กู่ดา เบ๊อะเนอ, อาหลู่เล๊ เต๊เห่ บ๊าโม เป่ ลู กู่ดา โตโพ๊โต.

ꤜꤢꤨꤊꤢ꤬ 17:30

“ช๋า แกแยพู๊คู หม่าเฮ๊อ แวเออ เตเร แฮเฮ๊อ ปา เบ๊อะเนอ, อา เก่ ทวาแถ่ แซ่เกอดื่อ ฮู๊เออเนอ ปา.

ꤚꤥꤗꤢꤩ꤬ 8:19

ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา.

ꤚꤥꤗꤢꤩ꤬ 8:23

ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

โครินธ์ เนอบ่า ต๊าบ่า 12:13

เพรหยื่อเอ่เต ตู๊หมู่ตอกล๊อ เด๊อ อาโร เต๊เห่ เร๊อ แว แม๊ดุโค๊เล๊อ ลู, ซี เร๊อ แว แม๊ ตาโผ่เบ๊ขุ แก ซี ฮู๊เนอ แอ? อา โอ่ แพ๊ เต๊อเจ่อ เด๊อ แว กุยเกอ ซี เตเมจว่า โต่ เนอแพ๊ กอกอ. แว กุยเกอ ซี เตเมจว่า โต่ เออเนอเร๊อ แด่ทูซิปล่อ เร๊อ ปลวาแกเหร่อ แว เตซื๊อ นี๋.

ꤊꤢ꤬ꤜꤢ꤬ꤒꤤ 5:5

หม่าแน๊เรอ เด๊อ แหย่โยบูโพ๊ แบ่เจ่ อาขว่าอาคยาเร๊อ, เป หยื่อเอ่เกอเร๊อ เปเหน่ เร๊อ จอแปแหร่ เก่ แด่จ๊อแด่เต เป, เมเตเฮ๊เรอ เป หยื่อเอ่หนิ เหย่ซู่ครี๊. เป โอ่ป่อแม๊ชือ หม่าแหน่ เจ๊อ เตเออเนอ เฮ๊อ.

ฟีลิปปี 3:20

หม่าแน๊เร๊อ เปเออ เต๊เห่ เนอหม่า ม๊อขุ อา เทอพู๊เก่พู๊ เร๊อ เป ซิปล่อฉว่า โอ่ป่อแม๊ชือ เกอเร๊อ เป แบ่เจ่ เหย่ซู่ครี๊ เด๊อ อา เมแลเปล๊กา เปเออ เก่ โอ่ เด๊อ ม๊อขุ แฮแล ปา เออเนอ เตเพร เฮ๊อ.

โคโลสี 3:4

ครี๊ หม่า เพร เด๊อ อา เด๊อ ซี ซิปล่อเซอเพร เตเพร เร๊อ ช๋า อา ตาแล คยาแซ๊ ปา เนอ, อา เก่ โอ่ เน๊อ อา เตอเรอดุเตอเรอทู ปา. เบ๊อะเนอ อาเค ปาเนอ, ซี เก่ โอ่โลแถ่ เต่อเกอ เน๊อ อา เตอเรอดุเตอเรอทู เออเนอ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:10

โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.

เธสะโลนิกา เนอบ่า ต๊าบ่า 1:7

หม่าแน๊เรอ ซี เร๊อ เป ข่าเบ่ เตจาเตจือ เออเต๊เห่เนอ, จอแปแหร่ เก่ เมโม กาคยาแซ๊ดื่อ เป ปา. ช๋า แบ่เจ่ เหย่ซู่ โอ่โลแถ่ เบ๊อะเนอปาเนอ, อา เก่ เมโมแถ่ คยาแซ๊ เป ปา. อา เก่ แฮ เด๊อ หมิแกโลโซ อากู ปา. อา เก่ แฮเต่อ เร๊อ อา เตเน่วพู๊ เด๊อ อา โอ่เร๊อ อา เตโพรเตเตอเรอ เออเนอ เต๊เห่ ปา.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

ꤟꤤꤙꤚꤢꤨ 9:28

ฮู๊เนอเฮ๊อ แซ่ฮู๊ ครี๊ เก่ พย๊าจว๊า ตาพาแก ลอ แกแย โอ่โร๊ เต๊เห่ อาเตซื๊อ เต๊เห่เนอ เร๊อ อา ข่าเซอ แพ๊ โตโพ๊ แพ๊. อา แฮ คยาแซ๊ ปา หม่าแน๊เรอ อา เก่ แฮ พย๊าจว๊า ตาพาแก เป่ เป เตซื๊อ ปาเนอ หม่าโต่. อา เก่ แฮ เมแลเปล๊กา แกแย เด๊อ อา โอ่ป่อแม๊ชือ ลู เนอเต๊เห่ ปา แพ๊.

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.

เปโตร อาเหร่อเล๊อ ต๊าบ่า 4:13

หม่าแน๊เรอ, ช๋า ครี๊ แฮแล โอ่โลแถ่ เฮ๊อ เร๊อ เตอเรอดุเตอเรอทู ปาเนอ, แซ่ฮู๊ ซี เก่ ซิครือซิลอ เอ๊โทเอ๊โม เกออู ปา อาเง เนอเรอ, เต เด๊อ ซี ข่าจาข่าจือ เต่อเกอ เร๊อ ครี๊ ฮู๊เออ เต๊เห่เนอ, ตูรู๊ ซิครือ แลแค นี๋.

เปโตร อาเหร่อเล๊อ ต๊าบ่า 5:4

เร๊อ เบ๊อะเพรเกซิหมิ อากู่กล๊อ ดุเล๊อ ครี๊ เออ เก่ แฮ เบ๊อะเนอปาเนอ, อา เก่ เด๊อะ ซี เตเตอเรอดุ เตอเรอทู อากู๊โก่ เด๊อ อาเตอเรอ โอ่เหม่แก เป่ปา โตโพ๋ โต่ เออเนอ ปา.

เปโตร เนอบ่า ต๊าบ่า 3:12

เร๊อ แซ่ฮู๊ จอแปแหร่ อาม๊อเนอ เก่ แฮโต่ แพรแพร อาเงเนอ, โอ่เซอเพร แร๊แร๊ แลแค. เบ๊อะเนอ เตอเนอ ปาเนอ, หมิ เก่ แกแถ่ เด๊อ ม๊อเล ปา เร๊อ อา เก่ เมปย๊าแก ลอ ม๊อเล ปา. หมิแกกู่ ซื๊อลือ อาขว่าอาคยา, ม๊อเล อาครืออาขรว่า ล๋อ ปลี เก่ จูแลพรอตา ลอ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.

ꤛꤢꤨꤘꤢ꤬ 1:21

เบ๊อะซี โอ่ป่อแม๊ชือ แบ่เจ่ เหย่ซู่ครี๊ อา เตซิยอ เด๊อ อา เก่ เด๊อะ เป ซิปล่อเซอเพร ตูจูเพร เออเตเพร เก่ แฮ เบ๊อะเนอปาเนอ, โอ่หม่าโอ่กลอ แลแค เด๊อ จอแปแหร่ อาเตโม อากู นี๋.