โครินธ์ อาเหร่อเล๊อ ต๊าบ่า 1:5 - ลีเทส่อพ๊าอาเซ เร๊อ เห่ขุทวาลู๊5 เมเตเฮ๊เรอ, เด๊อ ซี เน๊อ ครี๊ ทวาแถ่เฮ๊อ ลู เต๊อเจ๋อ โต เฮ๊อ อาขว่าอาคยา, จอแปแหร่ เด๊อะบุ๊ยเด๊อะเตอเรอ เฮ๊อ ซี ปว๋า เต๊อเจ่อ เฮ๊อ. เร๊อ ล๋อ ซี เตเฮ๊เบ่เฮ๊โช เต๊เห่เนอ เบ่เบ่, ซี เตซิคว๊าซิเง เต๊เห่เนอ เบ่เบ่, อาเด๊อะบุ๊ยเด๊อะเตอเรอ ล๊อปลี เฮ๊อ ซี เฮ๊อ. အခန်းကိုကြည့်ပါ။Eastern Kayah Shadaw Dialect5 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤞꤤ꤭ ꤔꤢꤧ ꤋꤚꤤ ꤓꤝꤢ꤭ꤓꤢꤧ꤬ꤟꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤏꤢꤪ꤭ꤚꤤ꤬ꤏꤢꤪ꤭ꤙꤢꤨ꤭ ꤟꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯ ꤚꤣꤧ꤬ ꤜꤢꤪ꤭ ꤞꤤ꤭ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤞꤤ꤭ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤢ꤬ꤏꤢꤪ꤭ꤚꤤ꤬ꤏꤢꤪ꤭ꤙꤢꤨ꤭ ꤜꤢꤪ꤭ꤕꤜꤤ꤭ ꤟꤣꤧ ꤞꤤ꤭ ꤟꤣꤧ꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 1:5
27 ပူးပေါင်းရင်းမြစ်များ
แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.
แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.
จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.
แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.
เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.
แว โคแบ๊ซว๊า ซี, ฮู๊เนอเรอ เบ๊อะซี แฮจ๊อเบ โหร่ลู เบ๊อะเนอ, ซี โต เม ฮู๊เต? เต๊เห่เห่เนอ อา เก่ อิโร ถู่เซ๊แถ่ จอแปแหร่, เต๊เห่เห่เนอ อา เก่ อิซว๊าอี๊แส่ อู เร๊อ จอแปแหร่ อาลาอาโหง่, เต๊เห่เห่เนอ อา เก่ แด๊โฉ่ เป่ อู เร๊อ จอแปแหร่ เด๊อะโล ลู เต๊เห่, เต๊เห่เห่ เกอลาติ เร๊อ อา เก่ เฮ๊เบ่ เร๊อ โหง่โค๊ตีกลี๊ เต๊เห่, เต๊เห่เห่ ลาติ เร๊อ อา เก่ เฮ๊โปลเถ่ เป่ อู โหง่โค๊ตีกลี๊ เออเต๊เห่ อาโหง่แลช๊า. ซี เม แลแค ฮู๊เออ หม่า อาแร๊ วา. หม่าแน๊เรอ ซี เม เต อิเตเต๋ เบ่เบ่ เนอ, นอ หนิอ๊าหนิเหร่, นอ ทวาบุ๊ยทวาเตอเรอ เป่ เพร เด๊อ อา หนิโฮ เต เต๊เห่ อาเง เนอ.
เต๊เห่เห่เนอ แหย่โยบูโพ๊ แบ่เจ่ เด๊อะตา ลู เตโพรเตเตอเรอ เด๊อ อา เมโลแจ่ เตโค๊ตีกลี๊ เต๊เห่. เต๊เห่เห่เนอ แหย่โยบูโพ๊ แบ่เจ่ เด๊อะ เหย่ซี เตแจ่เตลีแม เด๊อ อา เก่ ทวาแถ่ เพรโพร เต๊เห่, เต๊เห่เห่เนอ อา เด๊อะตา ลู เตแจ่เตลีแม เด๊อ อา ซิเงแจ่ เต เด๊อ อู เฮ๊เบ่ เต๊เห่ เร๊อ อู เฮ๊เบ่ เต เออเต๊เห่ เนอหม่า อา โอ่ เด๊อ แหย่โยบูโพ๊ แบ่เจ่ อา โอ่ แฮ หม่า แอ, หม่า อาหม่าโต่ แอ ฮู๊เนอ. เต๊เห่เห่เนอ อา เด๊อะตา ลู เตเฮ๊เบ่แจ่ โหง่โค๊ตีกลี๊ เต๊เห่. เต๊เห่เห่เนอ อา เฮ๊โฉ่โปล กาคยาแจ่ เป่ คยา อู เร๊อ แกแยเฮ๊เบ่ โหง่โค๊ตีกลี๊ เด๊อ อู ซิเงทว๊า โต่ เออเต๊เห่ อาโหง่แลช๊า.
เด๊อ เหย่ซี เม เตซื๊อเตปล๊า อาขว่าอาคยา, จอแปแหร่ เด๊อะบุ๊ยเด๊อะเตอ เรอ เอ๊แหน่เจ๊อ เฮ๊อ แกแย โอ่ เด๊อ เห่ขุ เออต๊าบ่า เฮ๊อ. เด๊อ เหย่ซี แลจู่แก จอแปแหร่ อา เตแม๊ดุ เหย่ซี อาขว่าอาคยา, แกแยยิวพู๊ หม่าโต่ เต๊เห่ พย๊าหนิ เล๊อบาแก เฮ๊อ จอแปแหร่ อา เตแม๊ดุหนิ เหย่ซี เฮ๊อ. ฮู๊เนอเรอ ช๋า ล๋อ แกแยยิวพู๊ เด๊อ จอแปแหร่ นว๊าแถ่ เหย่ซี เนอเต๊เห่ เก่ หยื่อเอ่กา ลอเฮ๊อ ครี๊ เบ๊อะเนอ ปาเนอ, จอแปแหร่ เก่ เด๊อะบุ๊ยเด๊อะเตอเรอ ลอ เจ๊อ อู บ๋า เต ปาเนอ, เตเนแม๊ แลแค เมอ.
เป แม๊เถอะ เอ๊แหน่เจ๊อ เตแป่เตเช หม่าแน๊เรอ เป ซิลอซิอือ ปว๋า โตโพ๊ เจ๊อ. อา แซ๊ เร๊อ เป โซพ๊าโซแร แหน่เจ๊อ หม่าแน๊เรอ เด๊อ เป อิซว๊าอี๊แส่ เป่ อู อาขว่าอาคยาเร๊อ, อู ดุแหย่แถ่เซ เด๊อ แหย่โย ตากยา เนอ อา โอ่ เอ๊แหน่เจ๊อ เฮ๊อ. อา แซ๊ เร๊อ เปเต โอ่ เกออู เตอเจ๋อ โต่ หม่าแน๊เรอ เป พย๊าหนิ ลอเฮ๊อ เตปว๋า เต๊อเจ่อ เฮ๊อ.
ကြော်ငြာတွေ