โครินธ์ อาเหร่อเล๊อ ต๊าบ่า 1:29 - ลีเทส่อพ๊าอาเซ เร๊อ เห่ขุทวาลู๊

²⁹ ฮู๊เนอเรอ, เด๊อ จอแปแหร่ อา เป๊เส่เงเนอ, อู พย๊าแถ่โล แจ่ อูเหน่ เตเพร่ว โต่.

Eastern Kayah Shadaw Dialect

²⁹ ꤟꤢꤨꤔꤣꤧ꤬ꤚꤣꤧ꤬, ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ꤔꤣꤧ꤬, ꤢꤨ꤭ ꤖꤛꤢꤓꤢꤧ꤬ꤜꤥ꤭ ꤡ꤫ꤢꤧ꤬ ꤢꤨ꤭ꤔ꤫ꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

โครินธ์ อาเหร่อเล๊อ ต๊าบ่า 1:29 ပူးပေါင်းရင်းမြစ်များ

ꤚꤥꤗꤢꤩ꤬ 3:27

เก่เฮ๊ฮู๊เนอเรอ, เป เหล่พย๊าแถ่โล เกอเร๊อ เปเหน่ เนอ อาโอ่ เตอเจ๋อ โต่. เมเตเฮ๊เรอ จอแปแหร่ แด่จ๊อแด่เต แกแย เด๊อ อา หนิดา จูเอ่ เตซว๊าเตแส่ ขว่าคยา เนอ หม่าโต่. หม่าแน๊เรอ, แกแย ย๋อ หยื่อเอ่หนิ ครี๊ เซอ เป่ เด๊อ เหย่ซีเง อาขว่าอาคยา, จอแปแหร่ แด่จ๊อแด่เต เหย่ซี แพ๊.

เอเฟซัส 2:9

เด๊อ ซี เม เตแร๊ เนอเต๊เห่ อาขว่าอาคยาเน๊อ, จอแปแหร่ เมแลเปล๊กา ซี หม่าโต่. ฮู๊เนอเรอ, ซี เหล่ถู่เซ๊ แด่ดุแถ่โล เร๊อดื่อ ซีเหน่เนอ, อาโอ่ เตอเจ๋อโต่.

โครินธ์ อาเหร่อเล๊อ ต๊าบ่า 4:7

หม่าอูเป เตเพร เฮ๊ เน เร๊อ เนแจ่เนลีแม โค๊เล๊อ ดื่อ เร๊อ อู ฮู๊เนอ เตเพร เป? ล๋อ เต เด๊อ อาโอ่ เร๊อ ซีเต๊เห่ เนอหม่า จอแปแหร่ เด๊อะ ซี หม่าโต่ แอ? ฮู๊เนอเรอ, ซี จว๊าจ่า แถ่โหล่แถ่ม๊อ เกอเร๊อ ซีเหน่ แซ่เจ๊อเร๊อ จอแปแหร่ เด๊อะตา ครา ซี หม่าโต่ เนอ ฮู๊เตเต๊?

โครินธ์ อาเหร่อเล๊อ ต๊าบ่า 1:31

เมฮู๊เนอเรอ, ฮู๊ ลีเทส่อพ๊ากู เฮ๊ เน๊อ, “แกแย เด๊อ อา ซิหยื่อ พย๊าแถ่โล อาเหน่ เต๊เห่เนอ, อา โตเบ่ พย๊าแถ่โล แพ๊ตื๊อ ล๊อ แบ่เจ่ เมโท เป่ เฮ๊อ ลู เนอเต๊เห่ แพ๊.”

ꤚꤥꤗꤢꤩ꤬ 15:17

ฮู๊เนอเรอ, เด๊อ แว ทวาแถ่ เต๊อเจ๋อ โตเฮ๊อ เร๊อ เหย่ซู่ครี๊ เฮ๊อ อาขว่าอาคยา, แว เตเนดุ เกอเร๊อ แหน่เจ๊อ เตเม เด๊อ แว เม เป่ จอแปแหร่ เออเนอ เจ๊อ.

ꤚꤥꤗꤢꤩ꤬ 3:19

เป ซิเง เน๊อ ลอ เตซว๊าเตแส่ แด๊โฉ่ เต๊เห่เนอ, อา เฮ๊ เป่ แกแย เด๊อ อา พย๊าหนิ เตซว๊าเตแส่ เนอเต๊เห่ อาเงแพ๊. แซ่ฮู๊ เป เก่ เฮ๊เบ่ แลเปล๊แจ่ เกอ เร๊อ ปาแต่ เปเหน่ เร๊อ เป เม เตซื๊อ อาคยา เออ แต่เหม่ เนอเรอ, จอแปแหร่ เด๊อะตา เป่ เป เตซว๊าเตแส่ เออเนอ แพ๊. โท๊โต่ แซ่ฮู๊ จอแปแหร่ เก่ เมจากาคยา ล๋อ แกแย โอ่ เด๊อ เห่ขุ เออต๊าบ่า ปว๋า เตเพร ปา เนอเรอ, อา เด๊อะตา แพ๊.

โครินธ์ อาเหร่อเล๊อ ต๊าบ่า 5:6

ซี จว๊า เฮ๊เบ่ แถ่โล โต่ ซีโหง่ ฮู๊เนอหม่า อาหม่า โต่. ซิเหน่แถ่ แลแค โหง่ ตือมือ เด๊อ อา เฮ๊ เน๊อ, “โฮหมื่อ ตีกี๊ฮู๊ แพ๊ เร๊อ อา เมโต๊โผ่ลอ ค๊อมู ต๊อกล่อ,” อู เฮ๊ เนอหม่า ซี ซิเง แวเฮ๊. ฮู๊เนอเรอ แกแย เออเตเพร อา เตซื๊อเนอ, อา เด๊อะทวาแถ่ เต่อเกอ ลอ เฮ๊อ ซี ตู๊หมู่ลอ อาเตซื๊อ เฮ๊อ.

ꤚꤥꤗꤢꤩ꤬ 4:2

จอแปแหร่ เก่ แด่จ๊อแด่เต เพอับราฮัม เร๊อ อา เมแร๊ เต ขว่าคยา เก่เฮ๊เรอ อา เก่ พย๊าแถ่โล เกอเร๊อ อาเหน่ เน๊อ อา เม เตแร๊ เออเต๊เห่ ขว่าคยา เฮ๊เนอหม่า อาหนิ แพ๊. หม่าแน๊เรอ เด๊อ จอแปแหร่ อา เป๊เส่เง เนอ, อา พย๊าแถ่โล เร๊อ เตเออเต๊เห่ อาขว่าอาคยา เนอ อาหนิ โต่.