โครินธ์ อาเหร่อเล๊อ ต๊าบ่า 1:28 - ลีเทส่อพ๊าอาเซ เร๊อ เห่ขุทวาลู๊

²⁸ แซ่ฮู๊ จอแปแหร่ เก่ เมปย๊าแก เต เด๊อ แกแย เห่ขุพู๊ เตเนดุเร๊อ เนอเต๊เห่ อาเงเนอเรอ, อา เอ๊ แพ๊ แกแย เด๊อ อู แด่ดุ เหย่ซี โต่ เนอเต๊เห่ แพ๊, อู เตเนปีตี๊ เหย่ซี เนอเต๊เห่ เน๊อ อู แด่ เหย่ซี เน๊อ แกแย โอ่เล๊อโอ่กลอ เนอเต๊เห่ แพ๊.

Eastern Kayah Shadaw Dialect

²⁸ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤒꤢꤩ꤬ ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤔꤢꤩ꤬ꤘꤢꤨ꤬ꤚꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤢꤩ ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤘꤢꤧ꤬ꤘꤢꤨ꤬ ꤛꤢꤩ꤬ꤞꤤ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ, ꤢꤨ꤭ ꤒꤣꤧ꤬ꤔꤢꤩ꤬ꤕꤣꤧ꤬ꤒꤤ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤢꤨ꤭ ꤘꤢꤧ꤬ ꤛꤢꤩ꤬ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 1:28 ပူးပေါင်းရင်းမြစ်များ

ꤚꤥꤗꤢꤩ꤬ 4:17

ลีเทส่อพ๊ากู เฮ๊หนื่ออื่อ เน๊อ, “แว นอทวาแถ่ เฮ๊อ เน เร๊อ เมวเจอะ ตูปลูเต๊เผ่ อาเพ เฮ๊อ.” อา ทวา เป่ เปเพ เด๊อ จอแปแหร่ อาเป๊เส่เง. จอแปแหร่ เออเตเพร เนอหม่า, อา หม่าเฮ๊อ เปเพ เพอับราฮัม หยื่อเอ่เกอเร๊อ เนอเตเพร เฮ๊อ. อา หม่า จอแปแหร่ เด๊อ อา เมเซอเพร กาคยา แกแยเซอ, โท๊โต่ อา เฮ๊ตา แพ๊ อาโหง่ ตือมือ แพ๊ เร๊อ เต เด๊อ อา โอ่ ล๋ายโต่ เต๊เห่เนอ อา ทวาแถ่ ลอปลี เจ๊อ.

เตเด๊อะโลแถ่ 18:17

กู๊แหน่เออ จอแปแหร่ เมจากาคยาแพ๊ เน เตอเปลอฮู๊ อากู เนอ, ล๋อ เน เตดุแหย่แถ่เซ เนอเต๊เห่ โอ่เหม่แก ลอ เฮ๊อ เน.’ “ล๋อ ส่อเกลอดุ กู่กล๊อ เร๊อ เพรครวา แถ่แด๊เกอ เต๊เห่ เร๊อ หลู่เล๊ เต๊เห่ เน๊อ ล๋อ แกแย เด๊อ อาโร เต๊เห่ เด๊อ อา แม๊ปูเอ่ อาฮ๊อกูเฉ่ เร๊อ เตจว๊า เตกา เด๊อ เทอดุซาวากู เออเต๊เห่เนอ, อา เก่ จว๊า ก๊อถ่อโอ่ ตาพายาแก ปา.

โครินธ์ อาเหร่อเล๊อ ต๊าบ่า 2:6

แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

โครินธ์ อาเหร่อเล๊อ ต๊าบ่า 1:20

เก่ เมฮู๊เนอเรอ เพรลีแมลีเพ๊ เต๊เห่ เบ่เบ่, เพรแจ่ซิเง เต๊เห่ เบ่เบ่, เพร เด๊อ อา เคร่ฉื่อแจ่ อู เต๊เห่ เบ่เบ่, เป ซิเง เน๊อ เหย่ซี เตลีแม เต๊เห่เนอ, อา โอ่เล๊อโอ่กลอ แพ๊. อา เด๊อะโลโปล เจ๊อ เน๊อ, เห่ขุ อา เตซิคว๊าซิเง เออเต๊เห่เนอ อา โอ่เล๊อโอ่กลอ แพ๊.

เธสะโลนิกา เนอบ่า ต๊าบ่า 2:8

โทเรอ แกแย จามู๊แหม่ เออเตเพร เก่ โอ่โลแถ่ ปา หม่าแน๊เรอ เบ๊อะแบ่เจ่ เหย่ซู่ครี๊ แฮ ปา เบ๊อะเนอ, อา เก่ เมเซอแก ลู เร๊อ อา เตเซ๊เถ่ เด๊อ อาแกกู เออเนอ ปา, เร๊อ อา เก่ แฮ เมปย๊าแก ลู เร๊อ อา เตเตอเรอดุทู เออเนอ ปา.

ꤟꤤꤙꤚꤢꤨ 2:14

พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.