โครินธ์ อาเหร่อเล๊อ ต๊าบ่า 1:25 - ลีเทส่อพ๊าอาเซ เร๊อ เห่ขุทวาลู๊

²⁵ เมเตเฮ๊เรอ, เบ๊อะเป แด๊โฉ่โด่แน เป่ อู ครี๊ อาเตเซอ อาหรี่อาแก เบ๊อะเนอ, เต๊เห่เห่เรอ อา เฮ๊ แลแค เน๊อ จอแปแหร่ เมเต เออเนอ, อา โอ่เล๊อโอ่กลอ ลอ เฮ๊อ, อา เตเนซื๊อ แลแค ฮู๊เนอ. จอแปแหร่ เมเต เออเนอ, อาแจ่อาลีแม เล๊อ ปา เจ๊อ เน๊อ แกแยเห่ขุพู๊ เด๊อ อา เตแจ่เตลีแม ดุเล๊อ อู เตเพร ปา เจ๊อ. จอแปแหร่ อา เตอ๊าเจ่เหร่เจ่ เออเนอ, อา อ๊าฉว่าเหร่ชอ เล๊อ ปา เจ๊อ เน๊อ แกแย เห่ขุพู๊ เด๊อ อา อ๊าฉว่าเหร่ชอ เล๊อ อู เตเพร ปา เจ๊อ.

Eastern Kayah Shadaw Dialect

²⁵ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤋꤚꤤ ꤢ꤬ꤒꤢꤩ꤬ꤞꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤢꤩ꤭ꤔꤣꤧ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤒꤢꤩ꤬ ꤣꤧ꤭ꤔꤣꤧ꤬, ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤜꤢꤪ꤭ ꤟꤣꤧ, ꤢ꤬ ꤒꤣꤧ꤬ꤔꤢꤩ꤬ꤞꤢꤦ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤒꤢꤩ꤬ ꤣꤧ꤭ꤔꤣꤧ꤬, ꤢ꤬ꤡ꤫ꤢꤧ꤬ ꤜꤣ ꤕꤢ꤬ ꤡꤣꤧ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤢꤩ꤬ꤡ꤫ꤢꤧ꤬ ꤘꤢꤨ꤬ꤜꤣ ꤢꤨ꤭ ꤒꤣ꤬ꤖꤚꤢꤩ꤬ ꤕꤢ꤬ ꤡꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤣꤧ꤭ꤔꤣꤧ꤬, ꤢ꤬ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤜꤣ ꤕꤢ꤬ ꤡꤣꤧ ꤔꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤘꤣ ꤢ꤬ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤜꤣ ꤢꤨ꤭ ꤒꤣ꤬ꤖꤚꤢꤩ꤬ ꤕꤢ꤬ ꤡꤣꤧ꤯

โครินธ์ อาเหร่อเล๊อ ต๊าบ่า 1:25 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:18

แกแย เต๊เห่เห่ หยื่อเอ่ เต โต่ อาขว่าอาคยา, จอแปแหร่ เก่ เมจากาคยา เหย่ซี ปา. แกแย ฮู๊เนอ เต๊เห่เนอ, อา เตเน แลแค เน๊อ ครี๊ เซอ เด๊อ อี๊ถื่อดีเต่ลู อาหรี่อาแก เออเนอหมา อา โอ่เล๊อโอ่กลอ แพ๊. หม่าแน๊เรอ เป เด๊อ อา พย๊าหนิ เตเมแลเปล๊กา เออเต๊เห่ อาเงเนอ, เตหรี่เตแก เออ อา หม่าดื่อ จอแปแหร่ อา เตโพรเตเตอเรอ ฉว่าชอ เด๊อ เปเง เฮ๊อ.

โครินธ์ เนอบ่า ต๊าบ่า 13:4

เด๊อ เตอ๊าเจ่เหร่เจ่ อาขว่าอาคยา, ครี๊ ข่าเซอ อาซิปล่อ เด๊อ อี๊ถื่อดีเต่ อาลู. หม่าแน๊เรอ กู๊แหน่เออ เด๊อ จอแปแหร่ อา เตโพร ฉว่าชอ อาขว่าอาคยา, อา เซอเพร เฮ๊อ. ฮู๊เนอเฮ๊อ เป หม่า เป อ๊าเจ่เหร่เจ่ แซ่เกอดื่อ ฮู๊เนอ หม่าแน๊เรอ เบ๊อะเป เก่ เฮ๊ เฮ๊อ ซี ปา เบ๊อะเนอ, เป เก่ เด๊อะโล เป่ ซี เร๊อ จอแปแหร่ อา เตโพร ฉว่าชอ ปา, เมเตเฮ๊เรอ เป ย๋อ ทวา เฮ๊อ เตเต๊อเจ๋อ แพ๊ เร๊อ ครี๊ เด๊อ เป เตโอ่เซอเพรกู เฮ๊อ อาขว่าอาคยา, เป เก่ เมฮู๊เนอ ปา.

โครินธ์ อาเหร่อเล๊อ ต๊าบ่า 1:21

จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.

โครินธ์ อาเหร่อเล๊อ ต๊าบ่า 2:14

หม่าแน๊เรอ อูเปเป๋ เบ่เบ่, เด๊อ อา พย๊าหนิ เกออู แหย่โยบูโพ๊ แบ่เจ่ เด๊อ อา ซิปล่อกู โต่. เต๊เห่เนอ, อา พย๊าฉื่อ เกออู แหย่โยบูโพ๊ แบ่เจ่ อา เตอิซว๊าอี๊แส่ โต่. แกแย ฮู๊เนอ เต๊เห่เนอ, อา ซิเงโปลเบ๊ เกออู อาโหง่แลช๊า โต่, อา เตเน แลแค แพ๊ เน๊อ อา โอ่เล๊อโอ่กลอ แพ๊, เมเตเฮ๊เรอ, เพร เด๊อ อา เฮ๊โปลเบ๊ เป่ เหย่ซี เนอหม่า ตื๊อแพ๊ แหย่โยบูโพ๊ แบ่เจ่ เตเพร แพ๊.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.