โครินธ์ อาเหร่อเล๊อ ต๊าบ่า 1:20 - ลีเทส่อพ๊าอาเซ เร๊อ เห่ขุทวาลู๊20 เก่ เมฮู๊เนอเรอ เพรลีแมลีเพ๊ เต๊เห่ เบ่เบ่, เพรแจ่ซิเง เต๊เห่ เบ่เบ่, เพร เด๊อ อา เคร่ฉื่อแจ่ อู เต๊เห่ เบ่เบ่, เป ซิเง เน๊อ เหย่ซี เตลีแม เต๊เห่เนอ, อา โอ่เล๊อโอ่กลอ แพ๊. อา เด๊อะโลโปล เจ๊อ เน๊อ, เห่ขุ อา เตซิคว๊าซิเง เออเต๊เห่เนอ อา โอ่เล๊อโอ่กลอ แพ๊. အခန်းကိုကြည့်ပါ။Eastern Kayah Shadaw Dialect20 ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤖꤚꤢꤩ꤬ꤡ꤫ꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤖꤚꤢꤩ꤬ ꤘꤣ ꤢ꤬ ꤋꤚ꤫ꤢꤧ꤬ꤏꤢꤦ꤬ꤡ꤫ꤢꤧ꤬ ꤢꤨ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤤꤖꤢꤩ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ꤯ ꤢ꤬ ꤘꤣꤧꤜꤥ꤭ꤕꤜꤥ꤭ ꤡꤣꤧ ꤔꤢꤧ, ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ꤯ အခန်းကိုကြည့်ပါ။ |
แกแย เห่ขุพู๊ เต๊เห่ เตเน เร๊อ เออ หม่า เตลีแมลีเพ๊ เฮ๊อ เต๊เห่เนอ, เด๊อ จอแปแหร่ อาเง เนอหม่า อา หม่า แพ๊ เตโอ่เล๊อโอ่กลอ แพ๊. ลีเทส่อพ๊ากู เฮ๊ เน๊อ, “เพรลีแมลีเพ๊ เต๊เห่ เตเน เกอเร๊อ แลแค อาเหน่ เน๊อ เป แจ่ ลา เฮ๊อ หม่าแน๊เรอ จอแปแหร่ ปื่อหนิแก เฮ๊อ เหย่ซี เร๊อ เหย่ซี อาเตแจ่แหน่ เออเนอเฮ๊อ. เหย่ซี อาเตเมแจ่เมแหน่ เต๊เห่ เนอหม่า หม่าแพ๊ แด๊ปา แพ๊.”
ซ๊าร๊า เด๊อ อู เอ๊ เร๊อ, เอปิคูเรียนพู๊ เร๊อ สโตอิกพู๊ เต๊เห่ เฮ๊เบ่โด่แน เคร๊แขระ แลแค เร๊อ คูเปาโล. เหย่ซี อาเกล เต๊เห่เห่เนอ, อา เฮ๊ แลแค คูเปาโล เน๊อ, “แกแย เตซิเง โอ่เกออู เตอเจ๋อ โต่ เร๊อ อา จว๊าจ่าเม อาเหน่ ฮู๊ เพรเบ่แจ่เฮ๊แจ่ เออเตเพรเออ อา จว๊า เฮ๊แคร๋ อิเตเต?” เต๊เห่เรอ อา เฮ๊ติ เน๊อ, “อา แซ่เน๊อ อา โด่แน เทอโรเก่กลอ อา จอแปแหร่ เต๊เห่ อาหรี่อาแก,” อา เฮ๊ ฮู๊เนอ. เหย่ซี จว๊าเฮ๊โต่ แลแค ฮู๊เออ เมเตเฮ๊เรอ อา โตเบ๊อะคูเปาโล แด๊โฉ่โด่แน เป่ อู เร๊อ เหย่ซู่ อาหรี่อาแก เร๊อ อาเตเซอ ก๊อถ่อ เซอเพร กาคยา อาหรี่อาแก เบ๊อะเนอ อาขว่าอาคยา อา เฮ๊ แลแค ฮู๊เนอ.
เมเตเฮ๊เรอ เป๊อแถ่ เด๊อ จอแปแหร่ แบ๊แลลู่เห่ขุ เบ๊อะเนอ, แกแย เต๊เห่ ซิเงโปล แร๊แร๊แหน่แหน่ เจ๊อ เร๊อ จอแปแหร่ โอ่ เร๊อ อา เตอเรอฉว่าชอ ตูจูเพร เจ๊อ, โท๊โต่ เหย่ซี ซิเง โปล ปลื๊อ เจ๊อ เร๊อ อา หม่า จอแปแหร่ อา หม่าแหน่ เตเพรเจ๊อ. จอแปแหร่ อา เตอเรอฉว่าชอ ตูจูเพร เออเต๊เห่เนอ, เร๊อ อา หม่า จอแปแหร่ หม่าแหน่ เตเพร เจ๊อ เออเนอ, เหย่ซี แม๊เถอะแจ่ โต่ หม่าแน๊เรอ เหย่ซี ซิเงแจ่ แพ๊. เหย่ซี ย๋อ แม๊เถอะ จอแปแหร่ แบ๊ทวาแล เตเออเต๊เห่ อาขว่าอาคยา, เหย่ซี ซิเงแจ่ แลแค จอแปแหร่ อาหรี่อาแก เออเต๊เห่ แพ๊. ฮู๊เนอ อาขว่าอาคยา, ล๋อ เตเด๊อ เหย่ซี เมโทเฮ๊อ เต๊เห่เนอ, เหย่ซี เฮ๊โทเฮ๊แล แจ่ ปาโต่.
โป่แหว่ ซี๋, เตเนแม๊ เกอเร๊อดื่อ เกอ ซีเหน่ เบ๊อะจอแปแหร่ เอ๊ แต่ล๋าย ซี โต่ เบ๊อะเนอ กอกอ. เก่ เฮ๊ เน๊อ แกแยเห่ขุพู๊ อา เตแม๊เถอะ เฮ๊เรอ, เด๊อ ซีเกลเนอ, เพร เด๊อ อาแจ่อาลีแม เต๊เห่ เบ่เบ่, เพร เด๊อ อา โอ่ เน๊อ อา เตอเรอฉว่าชอ เต๊เห่ เบ่เบ่, แกแย เด๊อ อากลุยอาแล ดุแหย่แถ่เซ เต๊เห่เนอ เบ่เบ่, แกแย โอ่ โน เต่อเกอ ปีตี๊ แพ๊.
แซ่ฮู๊ แกแย เด๊อ อา เตเน เด๊อะ แลแค อาเหน่ เน๊อ แกแยแจ่แกแยลีแม เต๊เห่ เก่ ซิเตเรแก อาเงเนอ, จอแปแหร่ เอ๊เต๊เก่ แหน่ เฮ๊อ แกแย เด๊อ อู เตเน เหย่ซี เร๊อ อา โอ่เล๊อโอ่กลอ เนอเต๊เห่ แพ๊. แซ่ฮู๊ แกแย เด๊อ อา เตเน เด๊อะ แลแค อาเหน่ เร๊อ อา โอ่ เร๊อ เตอเรอฉว่าชอ เนอเต๊เห่ เก่ ซิเตเรแก อาเงเนอ, จอแปแหร่ เอ๊ เต๊เก่ แหน่ เฮ๊อ แกแย เด๊อ อู เตเน เหย่ซี เร๊อ อา เตอเรอฉว่าชอ โอ่ เกออู โต่ เนอเต๊เห่ เฮ๊อ.
แลโฮแล เกอเร๊อ แต่ ซีเหน่ เตเพร่ว แต่เหม่. แกแย เตเพรเพร เก่ เตเนโต่ เกอเร๊อ อาเหน่ เร๊อ แว หม่า เพรลีแมลีเพ๊ เตเพร เฮ๊เนอ, อา เบ่ ทวาแถ่ แกแย โอ่เล๊อโอ่กลอ เตเพร แว ซิหยื่อ เฮ๊เนอหม่า ฮู๊เตเฮ๊เนอ, อา เก่ เตเน เกอเร๊อ อาเง เร๊อ แว หม่า เพรลีแมลีเพ๊ เตเพร เออเนอ อาแซ่เน๊อ แกแย เด๊อ อา ซิเง เกออู จอแปแหร่ โต่ เต๊เห่ อาเต เตเน เนอ เฮ๊อ. แซ่ฮู๊ อา เก่ ทวาแถ่ เพรลีแมลีเพ๊ หม่าแหน่ เด๊อ จอแปแหร่ อาเป๊เส่เง เตเพรเนอ, อา เบ่ ทวาแถ่ แกแย โอ่เล๊อโอ่กลอ เตเพร เด๊อ แกแย เห่ขุพู๊ เต๊เห่ อา เป๊เส่เง.
แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.