โทเร๊อ อา จว๊ากาแล ติ เด๊อ วีเบธเอล เบ๊เถ่ โฉ่เกล เนอตากยา, เร๊อ อา จว๊าช๊อโอ่ แลแค อาเหล่สื่อเหล่แบ่ เบ๊อะ วีเบธเอล เน๊อ วีอัย อาเปล่กู เนอ. วีเบธเอล เร๊อ อา โอ่ เด๊อ อาเบ๊โน, วีอัย เร๊อ อา โอ่ เด๊อ เบ๊เถ่ ตากยา. เร๊อ อาต่าแถ่ เป่ จอแปแหร่ ตูจูเพร อาเง เตหลู่แตเหร่ เน๊อหล่อ เบ๊อะเนอ เต๊เหร่ เร๊อ อา จ๊อเบ แถ่เร๊อ จอแปแหร่ ตูจูเพร เบ๊อะเนอ.
โครินธ์ อาเหร่อเล๊อ ต๊าบ่า 1:2 - ลีเทส่อพ๊าอาเซ เร๊อ เห่ขุทวาลู๊2 เป ราจว๊า เป่ ลีเออ เด๊อ จอแปแหร่ เพรหยื่อเอ่เต ตู๊หมู่ตอกล๊อ โอ่ เด๊อ วีโครินธ์ อากู เต๊เห่ อา โอ่, เน๊อ ล๋อ แกแย เด๊อ อา จ๊อเบแถ่ แบ่เจ่ เหย่ซู่ครี๊ เร๊อ อา โอ่ แลแค เด๊อ เหล่โอ่ ปว๋า โต๊โผ่ เนอเต๊เห่ อาโอ่. เหย่ซู่ เออเนอ, เป แบ่เจ่ หม่า อาหม่าหม่า, เหย่ซี แบ่เจ่ หม่า อาหม่าหม่า. เด๊อ เหย่ซู่ครี๊ อาขว่าอาคยา จอแปแหร่ เมบูโพ๊เฮ๊อ ซี เร๊อ อา เอ๊เฮ๊อ ซี เด๊อ ซี เก่ โอ่เซอเพร บูโพ๊ เอ๊แถ่ โป่ อาเง เฮ๊อ. အခန်းကိုကြည့်ပါ။Eastern Kayah Shadaw Dialect2 ꤕꤢꤩ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤥ꤬ ꤘꤣ ꤠꤤ꤭ꤊꤢ꤬ꤚꤤ꤬ꤞꤢꤨ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬, ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬, ꤕꤢꤩ꤬ ꤙꤢꤧ꤬ꤡꤢꤩ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬, ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬꤯ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤞꤤ꤭ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤚꤣꤧ꤬ ꤢ꤬ ꤢꤩꤟꤣꤧ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤢꤩꤓꤢꤧ꤬ ꤕ꤫ꤥ꤬ ꤟꤢꤨ ꤢ꤬ꤊꤣꤧ꤬ꤛꤢꤧ꤭ ꤚꤣꤧꤘꤢꤦ꤬ ꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 1:2
45 ပူးပေါင်းရင်းမြစ်များ
เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’
ล๋อ แกแย เด๊อ อา หนิโฮ ลู เฮ๊เบ่ เต๊เห่เนอ, อา เถ่ตาปา ลอปลี เหย่ซี เร๊อ อา เฮ๊ แลแค เน๊อ, “อา หม่า แกแย เด๊อ อา จว๊าลือ เมเซอ แกแย เด๊อ อา จ๊อเบ เหย่ซู่ เด๊อ วีเยรูซาเล็ม อากู เนอเต๊เห่ เตเพร หม่าโต่ แอ? อา แฮ เบ๊อะเออ เร๊อ อา เก่ แฮปื่อ แกแย เพรหยื่อเอ่ เต๊เห่ เร๊อ อา เตเร ซูกา อู เด๊อ เพรหลู่แต ทวาดุทวาเต เต๊เห่ อา โอ่, แวเฮ๊โต่?”
จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.
หม่าแน๊เรอ เป ซิเง เร๊อ จอแปแหร่ หม่า อา โอ่แพ๊ เตเพรเพร่ว แพ๊. อา หม่า เปเพ, อา หม่า อา แบ๊แล เตปว๋า เต๊อเจ่อ เร๊อ เป โอ่เซอเพร เป่ เด๊อ ลูเง. แบ่เจ่ หม่า อา โอ่แพ๊ เตเพรเพร่ว แพ๊, อา หม่า เหย่ซู่ครี๊ เฮ๊อ จอแปแหร่ นอแบ๊ตา แฮเง เตปว๋า เต๊อเจ่อ เร๊อ เหย่ซู่ครี๊. เพร เด๊อ อา เด๊อะ เป ซิปล่อเซอเพร หม่า หม่า อา เฮ๊อ.
แว หม่า คูเปาโล. จอแปแหร่ ซิปล่อ โตดื่อเฮ๊อ เด๊อ อา เก่ นว๊าแถ่เฮ๊อ แว เร๊อ แบ่เจ่ เหย่ซู่ครี๊ อา เพรโด่แนพู๊ เต๊เห่ เตเพร เฮ๊อ. แว เร๊อ เป โป่แหว่ คูทิโมธี ราจว๊าเป่ ลีเออ เด๊อ ซี วีโครินธ์พู๊ เด๊อ อา หยื่อเอ่ จอแปแหร่ เต๊เห่ อาโอ่. โท๊โต่ เป ราจว๊าเต่อ เป่เกอดื่อ แกแย เด๊อ อา หยื่อเอ่ จอแปแหร่ เด๊อ อา โอ่ เด๊อ อาคายา เก่กู เนอเต๊เห่ อาโอ่.
เป หม่า คูเปาโล, คูสิลาส, เร๊อ คูทิโมธี. เป ราจว๊า โหร่ลู ลีเออต๊าบ่า เด๊อ ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา โอ่. ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ หม่า เพ จอแปแหร่ เร๊อ แบ่เจ่ เหย่ซู่ครี๊ อาแกแย เต๊เห่ เฮ๊อ. เตบุ๊ยเตเตอเรอ เร๊อ เตตู๊จุเตอเจ๊อ เก่ โอ่เกอดื่อ เร๊อ ซี นี๋.
หม่าแน๊เรอ แว เก่ แฮ แป่เหย่ลา เฮ๊เรอ เป โตเบ่ โอ่เซอเพร เด๊อ จอแปแหร่ อา หี่ด๊อหี่แพกู อาเง ฮู๊เต เนอ, แว ลี เออ เก่ เด๊อซิเง เน ปา. หี่เออ เนอหม่า หม่า เฮ๊อ จอแปแหร่ เด๊อ อา เซอเพร เตเพร อา เพรหยื่อเอ่ตู๊หมู่ตอกล๊อ เออเนอเฮ๊อ. เพรหยื่อเอ่ตู๊หมู่ตอกล๊อ เออเนอหมา อา เด๊อ ชอแถ่ เตจ๊อเตเต อา เตอิซว๊า เต๊เห่ เด๊อ อาแซ่เน๊อ อี๊ถื่อ เร๊อ หี่แกแร เด๊อ อา ช๊าต๊อป่อ หม่าหนิ หี่เออ เตเม เนอเฮ๊อ.
แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.
ကြော်ငြာတွေ