โครินธ์ อาเหร่อเล๊อ ต๊าบ่า 1:10 - ลีเทส่อพ๊าอาเซ เร๊อ เห่ขุทวาลู๊

¹⁰ แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

Eastern Kayah Shadaw Dialect

¹⁰ ꤠꤢꤧ꤭ꤕ꤫ꤥ꤬ꤠꤢꤧ꤭ꤠ꤫ꤢꤧ꤬ ꤞꤤ꤭꤮ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤏꤝꤢ꤬ꤔꤢꤧ꤭ ꤟꤣꤧ ꤞꤤ꤭ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣꤧ ꤠꤢꤧ꤭ ꤣꤧ꤭ꤔꤣꤧ꤬ꤟꤣꤧ꤯ ꤠꤢꤧ꤭ ꤞꤤꤛ꤫ꤢꤦ꤬ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤗꤢ꤬ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤘꤣ ꤞꤤ꤭ ꤊ꤫ꤢꤦ꤬ ꤋꤚꤥ꤭ꤊꤜꤢꤩ꤭ ꤜꤢꤨ꤭, ꤥ꤬ꤋꤥꤗꤢꤩ꤬ꤋꤥꤜꤢꤨ꤭ ꤒꤣ꤬ꤗꤢꤨ꤬ ꤔꤢꤧ ꤒꤣ꤬ꤗꤢꤨ꤬ ꤒ꤫ꤢꤧ꤬ꤗꤢꤩ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤏꤢꤧ꤬ꤋꤚꤝꤢ꤭ ꤞꤤ꤭ ꤔꤢꤧ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤔꤢꤪ꤭ ꤞꤢꤧ ꤖꤢꤧ ꤜꤢꤨ꤭ ꤒꤣ꤬ꤡꤣ꤬ꤡꤣ꤬꤮ ꤟ꤫ꤢꤨ꤬ ꤖꤢꤧ ꤔꤤ꤮꤯

โครินธ์ อาเหร่อเล๊อ ต๊าบ่า 1:10 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 12:25

แซ่ฮู๊ ซี ซิปล่อ เก่ ลูโค๊ แต่ ลู เตเพร เร๊อ เตเพร่ว แต่เหม่ เนอ, จอแปแหร่ เมโอ่แถ่หนิ ครี๊ อาเหน่กล่อ ฮู๊เนอ เฮ๊อ. ฮู๊เนอเรอ, กู๊แหน่เออ, เหน่กล่อ ครือขรว่า เต๊อเจ่อ เร๊อ เต๊อเจ่อ เออ เก่ เบ่ เมโหร่ลู เต เร๊อ เก่ เมจว่า แค ลู เตเพร เร๊อ เตเพร.

ꤚꤥꤗꤢꤩ꤬ 12:16

โอ่เซอเพร โหร่ลอ ลู เด๊อ ซิปล่อ เตเม๋ จือ อากู นี๋. พย๊าแถ่โล แต่ แลแค ซี ซิปล่อ แต่เหม่ นี๋. โท๊โต่ แบ๊ซว๊าเค๊โค หนิเกอ แลแค เร๊อ แกแย โซพ๊าโซแรพู๊ เนอเต๊เห่ นี๋. เตเนดุ เกอ เร๊อ เนเหน่ แต่เหม่ นี๋.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

โครินธ์ อาเหร่อเล๊อ ต๊าบ่า 11:18

อาเหร่อเล๊อ เต๊อเจ่อ หม่า หม่าเฮ๊อ ซี แฮ จ๊อบู่จ๊อเบ เต่อลู บ๊อเคเต๋ เบ่เบ่ เนอ, ซี ซิปล่อ ลูโค๊คยาลู, อู เฮ๊ เป่ แว ฮู๊เนอ. ฮู๊ อู เฮ๊ เป่ แว เนอ แว หยื่อเอ่ เร๊อ เต๊เห่เห่ หม่า อาโต แหน่ แพ๊.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

ꤚꤥꤗꤢꤩ꤬ 16:17

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

โครินธ์ อาเหร่อเล๊อ ต๊าบ่า 4:16

ฮู๊เนอเรอ แว กุยซิยอ ซี เร๊อ ซี เก่ ครวา แม๊บือ เกอ แว เตโอ่เซอเพร เออ.

เพรโด่แนพู๊ เต๊เห่ 4:32

เพร เด๊อ อา หยื่อเอ่แหน่หยื่อรี เต๊เห่เนอ เหย่ซี โอ่ลู เร๊อ ซิปล่อ เตเม๋ จือ, เตเตเน เต๊อเจ๋อลู. เหย่ซี ตาหมื่อตาเต เต๊เห่เนอ เหย่ซี แด่กว๊า เกอเร๊อ แลแค เร๊อ อาเต เตเพร่ว โต่. เตเด๊อ อา โอ่ เร๊อ เหย่ซี เต๊เห่เนอ เหย่ซี เอ่โหร่พย๊าโหร่ แคลู.

ꤛꤥ꤭ꤟꤢ꤬ 17:23

แซ่ฮู๊ เหย่ซี เก่ ซิปล่อ จิจือแร๊ ลู เตเมเม๋ แพ๊, โท๊โต่ แซ่ฮู๊ แกแย เห่ขุพู๊ เต๊เห่ เก่ ซิเงแฮ เร๊อ เน นอแฮแล แว, เร๊อ เน โมหนิเร๊อ เพร เด๊อ อา หยื่อเอ่ แว เต๊เห่ ฮู๊ เน โมหนิเร๊อ แว เนอเรอ, แว โอ่ เด๊อ เหย่ซี อากู เร๊อ เน โอ่ เด๊อ แวกู.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เด๊อ เหย่ซี เม แลแค ฮู๊เออ อาขว่าอาคยา, แด่ดุหยื่อแหน่ ส่าเผร่ เหย่ซี เร๊อ โม เหย่ซี เร๊อ ซิปล่อซีเม นี๋. โอ่ โครเกล เกอเร๊อ ลู เตเพร เร๊อ เตเพร นี๋.

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

ꤛꤥ꤭ꤟꤢ꤬ 10:19

เด๊อ อา เฮ๊เบ่ ฮู๊เนอ อาขว่าอาคยา, แกแยยิวพู๊ เต๊เห่ ลูโค๊แก แคลู เนอหมู่.

เปโตร อาเหร่อเล๊อ ต๊าบ่า 2:11

แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.

ทิโมธี เนอบ่า ต๊าบ่า 4:1

ช๋า เหย่ซู่ครี๊ แฮเป๊อเฮ๊อ ฮู๊ คุ๊ยจ๊อแผ่ เตเพร เบ๊อะเนอปาเนอ, อา เก่ แฮ เมจากาคยา แกแย เซอเพร เต๊เห่ เน๊อ แกแยเซอ เต๊เห่ เนอเจ่อลอ ปา. ฮู๊เนอเรอ เด๊อ จอแปแหร่ เน๊อ เหย่ซู่ครี๊ อา เป๊เส่เง เนอ, แว ซิหยื่อ เฮ๊หม่า เฮ๊กลอแก แวโหง่ เน๊อ เน ฮู๊เออ,

ฟีลิปปี 3:16

ฮู๊เตเต๋ เบ่เบ่, เป เก่ จว๊า โหร่ลู เด๊อ เง ฮู๊ เป ซิเง โทเฮ๊อ เนอเต๊เห่ โป๋.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

ꤛꤥ꤭ꤟꤢ꤬ 7:43

เด๊อ ครี๊ อาขว่าอาคยาเร๊อ, แกแย เบ๊หมู่ เต๊เห่ เตเน ลูโค๊ลู ตู๊หมู่ เร๊อ ตู๊หมู่.

ꤗꤢ꤬ꤊꤢꤨ 2:21

“อู เช๊เผ่ เห่อจาเลอ เร๊อ อิเกเซ เด๊อ อา ตียุ๊ย ล๋ายโต่เออ เนอ อา โอ่ เตเพร่ว โต่. อา เก่ เช๊เผ่ ฮู๊เนอ เฮ๊เนอหม่า อิเกเซเออ อา เก่ ท๊อตียุ๊ยกา เร๊อ อา เหล่ ท๊อตียุ๊ย แลยา จว๊าแหล่เล๊อ โป่ เห่อจาเลอเนอ ปา.

มัทธิว 9:16

“อู เช๊เผ่ เห่อจาเลอ เร๊อ เยขริเซ เด๊อ อา ตียุ๊ย ล๋ายโต่เออ เนอ อา โอ่ เตเพร่ว โต่, เมเตเฮ๊เรอ เก่ เช๊เผ่ เฮ๊เนอ, เยขริเซเออ อา เก่ ท๊อตียุ๊ยกา เร๊อ ลื๋อ อาท๊อตียุ๊ย แลเย แหล่โป่ เห่อจาเลอ เออ ปา.

ทิโมธี อาเหร่อเล๊อ ต๊าบ่า 5:21

เด๊อ จอแปแหร่ เน๊อ เหย่ซู่ ครี๊ เน๊อ เตเน่วพู๊ บูโพ๊ เต๊เห่ อา เป๊เส่เง เนอ, แว เฮ๊เบ่โหง่ เด๊อ อา อาหม่าอากลอ ตือมือ เน๊อ เน เก่ จูเอ่ เตอิซว๊าอี๊แส่ เด๊อ อาขุ เออเต๊เห่ เร๊อ เน เมเต อิเตเต๋ เบ่เบ่, แม๊เบ๊ขุ ตาโผ่ แต่ อู เตเพร่ว แต่เหม่ นี๋. โท๊โต่ แม๊ดุ แม๊ปีตี๊ แต่ อู เตเพร๊ แต่เหม่ นี๋.

เธสะโลนิกา เนอบ่า ต๊าบ่า 2:1

โป่แหว่ ครี๊พู๊ ซี๋, แว ซิหยื่อ แด๊โฉ่โล เป่ ซี เร๊อ ช๋า แบ่เจ่ เหย่ซู่ครี๊ แฮ เบ๊อะเนอ ปา อาหรี่อาแก เร๊อ เป เก่ กาโอ่ปล๊อ เต่อคยาลู เด๊อ อา โอ่ ปา อาหรี่อาแก เออเนอ แพ๊.

ꤊꤢ꤬ꤜꤢ꤬ꤒꤤ 4:12

โป่แหว่ ซี๋, แว กุยซิยอ ซี เน๊อ ซี เก่ แม๊บือ ครวาเม เกอดื่อ ฮู๊ แว เม เออเนอ, เมเตเฮ๊เรอ แว ทวาแถ่เฮ๊อ แกแยยิวพู๊ หม่าโต่ เด๊อ อาแซ่เน๊อ ซี เด๊อ อา ทวา ปา เตซว๊าเตแส่ อาหลู่เล๊ โต่ เตเพร เนอเฮ๊อ. เด๊อ อาเหร่ออาเนอ เนอหม่า ซี เมซื๊อน๊อ เร๊อ แว เตอเจ๋อ โต่.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤚꤥꤗꤢꤩ꤬ 15:30

โป่แหว่ ซี๋, เด๊อ เป แบ่เจ่ เหย่ซู่ครี๊ เร๊อ แหย่โยบูโพ๊ แบ่เจ่ อาเตโม อาขว่าอาคยา, แว กุยซิยอ ซี เร๊อ ซี เก่ กุยจ๊อเบ โหร่โต่เกอ เร๊อ แว ปา, เร๊อ ซี เก่ กุยจ๊อเบแถ่ เป่เกอ แว เด๊อ จอแปแหร่ อา โอ่ ปา. เร๊อ ซี เก่ กุยจ๊อเบ ลอซิปล่อเตเมลอ เป่เกอ เด๊อ แวเง ปา นี๋.

ꤛꤥ꤭ꤟꤢ꤬ 9:16

ฟาริสี เต๊เห่ เฮ๊ เน๊อ, “อา หม่า อา โอ่ เด๊อ จอแปแหร่ อา โอ่ แฮ หม่าโต่, เมเตเฮ๊เรอ อา โด่ เกออู ม๊อเนอโด่ โต่ เน๋อ.” หม่าแน๊เรอ เต๊เห่เห่เนอ อา เฮ๊ แลแค เน๊อ, “เพรเตซื๊อพู๊ เตเพร จว๊าเม แจ่ โต่ เตโค๊ตีกลี๊ ฮู๊เออ เต๊เห่ ฮู๊เต?” ฮู๊เนอเร๊อ เหย่ซี ซิปล่อ ลูโค๊ ลอแคลู ตู๊หมู่ เร๊อ ตู๊หมู่.

ꤚꤥꤗꤢꤩ꤬ 1:13

โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.

โครินธ์ อาเหร่อเล๊อ ต๊าบ่า 1:11

เมเตเฮ๊เรอ, โป่แหว่ ซี๋, เหมาะคะโลเอ อา โคแบ๊ซว๊า อาเกล เต๊เห่เห่ แด๊โฉ่โลโปล เป่ แว เน๊อ, ซีกย๊าตางา ซีวื๊อ เกอเร๊อ ลอ ลู เตเพร เร๊อ เตเพร เฮ๊ ว๋า.

โครินธ์ อาเหร่อเล๊อ ต๊าบ่า 3:3

เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.

โครินธ์ เนอบ่า ต๊าบ่า 13:9

เป เก่ โหล่ อิซว๊าแร๊กา ซี โต่ เฮ๊เนอ, เป นอเอ่แจ่ เป เตอเรอฉว่าชอ โต่, ฮู๊เนอเรอ อู เตเน แลแค เป เร๊อ เป อ๊าเจ่เหร่เจ่ แพ๊ หม่าแน๊เรอ ซี เก่ เม แฮเง ปา เตซื๊อ โต่ เฮ๊เนอ, ซี ทวาแถ่ แกแย เด๊อ อา อ๊าฉว่าเหร่ชอ เต๊เห่ เฮ๊อ อาขว่าอาคยา, เป ซิครือซิลอ แหน่เจ๊อ. เป กุยจ๊อเบ เป่ ซี เร๊อ ซี เก่ โอ่เซอเพร แร๊แฮ เด๊อ เง ตากยา เร๊อ ซี เก่ เม ปา แต่ แลแค เตซื๊อ แต่เหม่, ฮู๊เนอ แพ๊.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ꤗꤢ꤬ꤊꤢꤨ 3:24

เทอเก่พู๊ เร๊อ เทอเก่พู๊ เก่ ช่าย เกอเร๊อ คยาดื่อ ลู เฮ๊เรอ อาเทออาเก่ โอ่หม่าโอ่กลอ แฮเง โต๊แจ่ ปา ลู โต่.