Taitus 2:7 - Ekajuk New Testament

⁷ Wofono antahng jol ano ona go ejum ajehng ajehng, eji ane lꞌleeme nnoobo nyi a kpꞌlimi. A lꞌkehm tibi, ka jo be esamahr ane. Jo tib go mbang nyi ane bahke lohko kahn re, etib eba li etahntahn etib.

Ekajuk Scriptures NT

⁷ Wofono antahng jol ano ona go ejum ajehng ajehng, eji ane lꞌleeme nnoobo nyi a kpꞌlimi. A lꞌkehm tibi, ka jo be esamahr ane. Jo tib go mbang nyi ane bahke lohko kahn re, etib eba li etahntahn etib.

Taitus 2:7 ပူးပေါင်းရင်းမြစ်များ

2 Korint 1:12

Ejum ji ana, ji e kpꞌgeere kak. Tibre ntir atahng enyahre kp-r yiimi ntianse re, elkpin enahre ni e li a ni go njini nyia, asehngesehnge ngare nyi e jolo a nahne, e jo toono mbang anyehng, a eltim ni li saang. E tonngem go elkahne ni njini nyia, e tonngo go nnoobo nyi Esowo.

2 Korint 2:17

E limm ana egom ane bandiki gbalee, ba kpo yaange alum Esowo, fere jo kpiidi a nya. E kpo bung go etingitingi ana ane ba Esowo tumu bo. E kpo bung go esamahr bi Esowo ana alokeltum ba Kraist.

2 Korint 4:2

Wahr ebyake nsol ndon nyi ane kpo lim mbehr mbehr. E kpehme lim awak, fere jo yaange alum Esowo. E kpo lennge etingitingi, fere jo tib nne awohng awohng elnahre, eji bo lꞌjo kahn go bo a ntir atahng re, e kpꞌjene go esamahr bi Esowo.

2 Korint 8:8

N nehme bung ana nne no kpꞌjehke ntahm. Eji m ma nyehn eko ji ane bako kpꞌkake, owo wahnge n kpꞌsebe re me n wuung-n, joare elkoro enahne li etingitingi elkoro.

Efesus 6:24

Nong, nnoobo nyi Esowo jol a ane ba elkoro ebo lꞌkꞌtiki mal, ni Jisos Kraist Ntul ewahre kpi bo kor.

Filipai 1:10

nyi ḿ bahke ma jo liingi nsol nyi ga nob, eji ń lꞌjol saang, kꞌbel ebi ajehng ajehng efung bio bi Kraist,

2 Tesalonaika 3:9

Eji e jo lim ano, lohngem re, nsahm e kpimm nyi e bahke ma ko nsol alehke go egahne. E jo limi ano, tib eji ń lꞌkahn mbang nyi ḿ bahke jo toono.

1 Timoti 4:12

Nong, nne awohng awohng ki-a daange, tib eji a li njangkun. Jo tib eljini ni aneb Esowo bako bahke jo leeme, ana alum abungu, eljini atibi, elkoro, ekakesehk, go eljolo saang.

1 Timoti 5:10

Etingitingi nkalebun bahke bele elgahm ni á jo lim anoobo nsol, ana abon aleke tete bo gbal, fere jo vvrv ajenne, fere jo ru akpade nya aneb Esowo, fere jo kak ane ba nfem ma gbo tub bo ebo, fere yake elne ka, jo lim eltum anehng anehng ni nno.

Taitus 3:8

Alum nyaa li go etingitingi. N kpꞌsebe re, wo yiimi tꞌtahne go nsol nyia, eji ane ba ma taame tv Esowo lꞌjo kunu ekpu, jo rod ngare abo, jo lim nnoobo. Nsol nyia kpꞌnobo, kpi nsehng nyi bahke kake ane.

1 Pita 5:3

Kana jo seb re wahn jol atul ba ane bao ba bo kak-n go ebo. Nobo re wahn jol ane ba ejoro bahke jo leeme eljini enahne,