NWER NYI POL NYONO TV ANEB ERO BA LI GO ROM 7:7 - Ekajuk New Testament

⁷ Ejum aji e bahke bungu? E bahke bungu re, atahm ejum abiafem jia? Eꞌee, ano sang li no. Tibre ki li atahm, kehn n jolem kahne ana abiafem li li. Ki li ntahm bungu no re, “Ka jo baare amahr go ejum nne!” kehn n jolem kahne ana amahr abaare li li.

Ekajuk Scriptures NT

⁷ Ejum aji e bahke bungu? E bahke bungu re, atahm ejum abiafem jia? Eꞌee, ano sang li no. Tibre ki li atahm, kehn n jolem kahne ana abiafem li li. Ki li ntahm bungu no re, “Ka jo baare amahr go ejum nne!” kehn n jolem kahne ana amahr abaare li li.

NWER NYI POL NYONO TV ANEB ERO BA LI GO ROM 7:7 ပူးပေါင်းရင်းမြစ်များ

Matiu 5:28

Wo, me n kp-n tongo re, Nne awohng awohng no lꞌyehke amahr enye kunu nnenkal re á noongo a ne, yeblim abiafem nya erehbe go ege eltim.

NWER NYI LUK 12:15

Á kehm bungu tong bo ane kpee re, “Jo kunen ekpu, wahn jo gbere elnahne, eji ń lꞌkꞌjo baare amahr enyahne go nsol ane re wahn jo bel na bel bel bel budu. Tibre nsol gbalee nyi nne kpi no sang li elkpin ene.”

NWER NYI LUK 20:16

Á bahke bake ba wul abayaame etahngga bao, fere faake etahngga jio ka ane bandiki.” Eji ane bao wuku ano, bo kehm bungu re, “Esowo kꞌtaame!”

Eltum 20:33

N ka baare nne awohng awohng amahr re á ka-m akpohko, jol á ka-m abomo.

NWER NYI POL NYONO TV ANEB ERO BA LI GO ROM 13:9

Atahm nya li re, “Ka lim erehbe, ka wul nne, ka v ejv, ka jo baare amahr go nsol ane”, a ntahm anyehng anyehng nyehko gona, nne li ma fadde, fere bung ellumlum anehng re, “Nne ebjing ewa jo kor-a ana ebjing eba.”

NWER NYI POL NYONO TV ANEB ERO BA LI GO ROM 3:20

Tibre nnene limm, no bahke lehke eno go esamahr bi Esowo, tib eji á limi ji atahm bungu no. Tibre Esowo ka atahm, eji ane lꞌkahn re, bo li aneb abiafem.

NWER NYI POL NYONO TV ANEB ERO BA LI GO ROM 3:5

Alum nya n yahke bung a, n kpꞌbungu go mbang nyi ane kpo bung. Anv, abꞌbi enyahre lꞌtib re, Esowo li nne no ma li eno, e li ma bung re, Esowo ebsoodo, eji á kak-r erema?

NWER NYI POL NYONO TV ANEB ERO BA LI GO ROM 4:1

Jen ji e bahke bungu bade Ebraham nso ejahre, no e lohng go ege etꞌtohngo?

NWER NYI POL NYONO TV ANEB ERO BA LI GO ROM 4:15

Tibre atahm kpo ko erakatahng ji Esowo ba a ji. Edi ji atahm ki li, owo atahm agboko kil jo jol.

NWER NYI POL NYONO TV ANEB ERO BA LI GO ROM 5:20

Esowo ka atahm, eji ane lꞌkahn re abiafem ebtv sehng. Eji abiafem ma kpe tv, nnoobo ebkpe tv budu.

NWER NYI POL NYONO TV ANEB ERO BA LI GO ROM 6:15

Anv, jen ji e bahke limi? Wahr lim abiafema, tib eji e ki wob go elwo ni atahma, e wob go elwo ni nnoobo nyi Esowoa? Eꞌee! Nong, kꞌjol ano!

NWER NYI POL NYONO TV ANEB ERO BA LI GO ROM 7:11

Atahm nya wahnge abiafem bele eyake ba nehm-m, fere ko atahm ba wul-m.

NWER NYI POL NYONO TV ANEB ERO BA LI GO ROM 7:13

Anv, lohngo re nnoobo ejum nyi ma ko elkv ba ka-ma? Eꞌee, ano sang. Abiafem nya wahnge no. Tibre abiafem ko ejum ji kpꞌnobo ba wul-m, eji ane lꞌlohko nyehn re, abiafem lohko li abiafem, eji atahm lꞌfere tib re, abiafem sabe sꞌsehng.

NWER NYI POL NYONO TV ANEB ERO BA LI GO ROM 7:5

Ngare nyi e jolo ka ngubjing, atahm nya wahnge ekor abiafem jo mell-r go egahra ntim, jo lim eltum go egahre agubjing re jo kab akab ka elkv.

NWER NYI POL NYONO TV ANEB ERO BA LI GO ROM 7:8

Atahm nya wahnge abiafem bele eyake, jo mell-m go eltim. Owo wahnge n jo baare amahr go nsol kpee. Ki li atahm, kehn abiafem ekpakv ejum ji.

1 Korint 15:56

Etakelehk ji elkv, abiafem nya. Nsahm nyi abiafem, atahm nya.

Efesus 5:3

Jol kana jo gahm nsol ana anebkal akono, a nsol nyi ki li saang, a amahr abaare. Tibre fuumem re jol ano go egahne ellong, eji ń li aneb Esowo.

Kolosa 3:5

Owo fvfo nobo re wahn wul nsol njini nyi wob go egahne atahng, ana anebkal akono, nsol nyi ki li saang, nsol nyi kpo kor ane go ellimi, abꞌbi nya kpo melle ane go bo a ntim, ebaaramahr go nsol ane, ji li ana eblom ajomo.

1 Tesalonaika 4:5

Kana jo toono mbang nyi ane ba ki nyi Esowo kpo toono, eji bo kpo lim ji kpo kor agubjing ebo.

Hibru 7:19

Atahm nya Moses maam lim ejum ajehng ajehng jol go nseenga nseenge. Anv, wahr ebbel ekunukpu ji ga nob, ji kpo wahng e jeere kohlo Esowo.