NWER NYI MAK 12:14 - Ekajuk New Testament

¹⁴ Eji bo je no, bo kehm bungu tong-e re, “Ntꞌtibi, e kpꞌkahne re, wo etingi nne ji. E kpꞌkahne re, wo kpehme rang ane. Nne awohng awohng li jang jang go ega esamahr. Á kpo lohko tib mbang nyi Esowo go etingitingi. Nꞌnob re wahr jo tahb etak ka ntul a Roma, afi nobem? Wahr jo tahba, afi wahr kꞌjo tahb?”

Ekajuk Scriptures NT

¹⁴ Eji bo je no, bo kehm bungu tong-e re, “Ntꞌtibi, e kpꞌkahne re, wo etingi nne ji. E kpꞌkahne re, wo kpehme rang ane. Nne awohng awohng li jang jang go ega esamahr. Á kpo lohko tib mbang nyi Esowo go etingitingi. Nꞌnob re wahr jo tahb etak ka ntul a Roma, afi nobem? Wahr jo tahba, afi wahr kꞌjo tahb?”

NWER NYI MAK 12:14 ပူးပေါင်းရင်းမြစ်များ

Matiu 22:16

Bo kehm tumu abatꞌtoono ebo, a aneb ntul a Herod tv goji Jisos. Bo kehm song bahb-e re, “Ntꞌtibi, e kpꞌkahne re, wo etingi nne ji. A kpo tib mbang nyi Esowo go etingitingi. A kpehme rang nnene. Jol esamahr ane, a kpehme be.

Matiu 22:17

Tong-r ana a kpꞌtiri bade ejum jia. Nꞌnob re wahr jo tahb etak ka ntul a Roma, afi nobem?”

NWER NYI MAK 12:13

Bo kehm tumu egom Farisi jindiki, fere tob tum egom ane ba Herod tv Jisos re bo song bob-e go ege alum nnyo.

NWER NYI MAK 12:15

Jisos kꞌkahn awak ebo, kehm fere tong bo re, “Jen ji wahnge ń kp-m gare? Ka-m wahn nsiring, me n tohko nyehn!”

NWER NYI MAK 14:45

Judas rehnge kan a me, á kehm jeere rehng goji Jisos, kehm-e lungu re, “Ntꞌtibi!” kehm soro sod-e nnyo.

NWER NYI LUK 20:22

Anv, atahm enyahre tꞌtaame ka-r re wahr jo tahb etak ka ntul a Roma, afi taamem?”

NWER NYI LUK 23:2

Owo bo kehm-e kehme ebi ka re, “E sebe kahn re, nne noa kpi ane ebahre rannge, fere jo sahd-r re wahr kꞌkpe tahb etak ka Ntul a Rom, fere jo bung re, ye wo li Kraist ji li ntul.”

NWER NYI JON 7:18

Nne no kpo bung go ege a nsahm, á kpo seb ellub nꞌne. Nne no kpꞌsebe ellub ni nne no tum-e no, á lohko li go etingitingi, ebꞌbi ajehng ajehng á kpimm.

NWER NYI POL NYONO TV ANEB ERO BA LI GO ROM 13:6

Esi jꞌnehm ji wahnge ḿ bahke jo tahb etak. Tibre atubesi, alokeltum Esowo ba kpi nlimi nlimi eltum nio asongo.

2 Korint 2:17

E limm ana egom ane bandiki gbalee, ba kpo yaange alum Esowo, fere jo kpiidi a nya. E kpo bung go etingitingi ana ane ba Esowo tumu bo. E kpo bung go esamahr bi Esowo ana alokeltum ba Kraist.

2 Korint 2:2

Tibre n lꞌlim-n, ń jol ndon ndon, nne awo bahk-m kake eyebatahng? Nne no n lim-e no, á jol ndon ndon woa?

2 Korint 4:1

Fvfo, eji Esowo ma-r ka eltum nia tib go ege a ndon, e nehm yini ekpu.

2 Korint 5:11

Fvfo, eji e kpꞌkahne re, Ntul Esowo li nne no fuumu re wahr fahl-e, owo wahnge e kpo gare re wahr sennge ane ntim. Tibre Esowo kp-r kahne kpee ana wahr li no. Wo, n kpꞌbumu re, ń kpꞌtob kahn go egahna ntim.

2 Korint 5:16

E kpehme kpe ko ane ana bo li go njini nyia. Ngare anyehng e ko Kraist go eyaame ji nne. Wo anv, e nehme kpe lim ano.

Galesa 1:10

Anv, n kpꞌsebe re me n jol ntem no anea, afi ntem no Esowo? Anv, n kpꞌsebe re me n lim ji kpꞌkoro anea afi? Li re n kpꞌkpeke lim ji kpꞌkoro ane, kehn me nlokeltum no Kraist sang.

Galesa 2:6

Ane bandiki baa, ba bo jo bum bo ana atubesi. Jol afi bo jolo elkohn ani, me nehme lub. Tibre Esowo kpehme rang nne awohng awohng. Jol atubesi bao me tibem ejumjum budu.

1 Tesalonaika 2:4

E kpo kono elbungu ana Esowo kpꞌsebe re wahr bung. Tibre ye wo yehk-r no, fere bum-r go etingitingi, eji á ma yake nnoobo etib ebe kak-r go ebo. E kpehme seb re, wahr lim ji kpꞌkoro ane, e kpo lim ji kpꞌkoro Esowo, ye ji kpo wuungu ntim enyahre.