Eltum 6:5 - Ekajuk New Testament

⁵ Alum nya bo bungu no, yebe ellong ane bao atahng sehng. Owo bo kehm yehke Stiven ji etohko ji Esowo ruru go ege atahng, á fere gbal go ekakesehk, a Filip, go Prokoros, Nikanor, Taimon, Parmenas, a Nikolas ji ki jol nne a Jus, ye ji lohng go Antiok.

Ekajuk Scriptures NT

⁵ Alum nya bo bungu no, yebe ellong ane bao atahng sehng. Owo bo kehm yehke Stiven ji etohko ji Esowo ruru go ege atahng, á fere gbal go ekakesehk, a Filip, go Prokoros, Nikanor, Taimon, Parmenas, a Nikolas ji ki jol nne a Jus, ye ji lohng go Antiok.

Eltum 6:5 ပူးပေါင်းရင်းမြစ်များ

Matiu 23:15

“Eyuu a nahne, wahn atꞌtibi ba atahm, a Farisis! Wahn aneb alum abal abal ba! Ń kpo yannge go njini kpee, jo siiri agburu aya, eji ń lꞌlub were nne awohng, á fere yel-n. Ń lꞌting nne, ń rod-e, lim mmon ellulagun no sahb sꞌsab sehnge wahnfono antahng.

Eltum 11:19

Ngare nyi bo wulu Stiven, ebnohko gbale sehng, aneb Esowo yꞌyaame. Bandiki be rehng go Fenisa, bandiki be rehng go Saiprus, bandiki be rehng go Antiok. Bo jo bungu alum Esowo tong Jus ji ji.

Eltum 11:20

Aneb Esowo bandiki ba lohngo go Saiprus, a Sirin kehm tahme go Antiok. Bo kehm song bung alum Esowo bade Jisos tong aneb Grik fvfo.

Eltum 11:22

Aneb ero ba jolo go Jerusalem kehm wuku ana ji ma lim go Antiok. Bo kehm tumu Barnabas tv go Antiok.

Eltum 11:24

Tibre Barnabas jolo nnooba nne no bele ekakesehk, etohko ji Esowo ruru go ege eltim. Ellong ane gbalee ba kpe jo taame tv Ntul a Jisos.

Eltum 11:26

Eji á nyehn-e no, á kehm-e koko ba a ne go Antiok. Bo kehm jolo ona elya anehng, a aneb ero, jo tib ane gbalee. Go Antiok wo, bo gbo mbang lung abatꞌtoono Jisos re ane ba Kraist.

Eltum 11:27

Ngare nyio nyi abanyehnamahr Esowo kehm lohngo go Jerusalem ba go Antiok.

Eltum 13:1

Abanyehnamahr Esowo jolo go ero bio bi Antiok, a atꞌtibi fvfo. Abing ebo, noko, bo jo lung-e re Barnabas, noko Simeon ji bo jo lung-e re Naija, noko Lusius ji jolo nne a Sirin, noko Manaen ji bo jolo nlaaga anyehng a ntul a Herod tete bo gbal, noko Sol.

Eltum 15:22

Abatiingetib Jisos, a anebkul ero, a aneb ero kpee, bo toobo re bo yehke ane go bo ellong tum tv go Antiok. Bo yehke Judas ji bo jo lung-e re Barsabas, fere yehke Sailas, ane abal baa ba jo sahb lꞌlub aneb ero bao. Bo toono Pol, a Barnabas.

Eltum 2:4

Etingi Etohko kehm ruru bo kpee go atahng. Bo kehm kehme elbungu alum ajahbe nyandiki, ana Etingi Etohko jo lim bo re bo bung.

Eltum 21:8

Njahmfungfu e kehm tahme song rehng go Sisaria. Owo e song rehng etahk Filip ji jolo mbungalum Esowo, kehm jolo a ne. Á jolo nne no woomo go ellong ane asehma ba bo yehke bo go Jerusalem.

Eltum 22:20

Eji bo wulu Stiven, nne a ntianse ewa, mefono antahng tob jolo o. N tꞌtaame, eji bo wul-e no, fere jo baabe abomo nya ane ba wul-e no.’

Eltum 6:10

Etohko ji Esowo ka Stiven elkahne gbalee. Eji á jo bung, á jo ga bo. Bo kpeem jo kahn ana bo bahk-e jo faange.

Eltum 6:3

Abonanee, yehken ane asehma go egahne ellong, ba kpꞌyiimi ntianse nyi nno, ba etohko ji Esowo, a elkahne ma rur go bo atahng, wahr ka bo eltum nio.

Eltum 6:8

Stiven jolo nne no Esowo fuul-e no, fere ka-e nsahm gbalee. Á jo limi akpokosi go esamahr ane.

Eltum 7:1

Ntubesi abalimajom noo kehm bahbe Stiven re, “Anv, lohko li anoa?”

Ellennge 2:15

Egom ejahne jindiki jia, ji kpꞌtoono eltibi ni abatꞌtoono ba Nikola.

Ellennge 2:6

Ejum ji ana, ji m bahk-a tehke. Nsol nyi abatꞌtoono ba Nikola kpo lim, kpo sab-a jang jang ana kpo tob sab-m.