Eltum 3:20 - Ekajuk New Testament

²⁰ Á bahke tob tum Jisos Kraist ji á yehke no ka-n.

Ekajuk Scriptures NT

²⁰ Á bahke tob tum Jisos Kraist ji á yehke no ka-n.

Eltum 3:20 ပူးပေါင်းရင်းမြစ်များ

Matiu 16:27

“Tibre Mmon no nne yahke ba elbake go ellub ni nde, a enjel enye. Owo á bahke tuuru nne awohng awohng jang jang ana á limi no.

Matiu 24:3

Eji Jisos song ji go ewong ji bo kpo lung re Oliv, owo abatꞌtoono ebe kehm song kpir-e bo bo, kehm-e bahbe re, “Tong-r ngare nyi ejum jio bahke limi, wo fere tib-r elliingi ni bahke tibi elbake ena ni a bahke bake, a ni esꞌkohro eying jia.”

NWER NYI MAK 13:26

“Owo bo bahke nyehne Mmon no nne kpꞌbake go akparesemsem, a egburu nsahm enye, a ellub.

NWER NYI LUK 19:11

Eji ane bao wuku nsol nyio, Jisos kehm tubu bo elgan. Tibre ngare nyio yebkabbe go Jerusalem, ane bao jo fere tir re, etul bi Esowo bahke soro ba tvtv.

NWER NYI LUK 21:27

Owo bo bahke nyehne Mmon no nne kpꞌbake go ekparesemsem, a nsahm, a egburu ellub.

Eltum 17:31

Tibre yebkunu afung nya á bahke njini nyia kpee lam nob nob go nnyo mi nne no á ma yehke. Esowo eblennge jia ka nne awohng awohng, eji á nyahme nne noo go elkv.”

Eltum 3:19

Ano wo fvfo nobo re, wahn gbo ndon, fere sennge njahm go egahne abiafem, eji Ntul Esowo lꞌfvvdv abiafem enyahne, ngare nyio nyi eyebatahng nfenfe ji lohng goji Esowo bahk-n kpiri.

Eltum 3:21

“Jisos bahke tohko jol go ejahbetul Esowo tete ngare rehng nyi nsol kpee bahke yaange, jol nfenfe, ana Esowo bungu no tong abanyehnamahr ebe, bomo mahne mahne tete sik anv.

2 Tesalonaika 2:2

eltim kꞌjo gul-n eljoobo. Kana jo fahl, jol eji ane bandiki kpꞌbꞌbung re, efung bi Ntul ewahre bahke bake ebrehng. Fundiki nne nyehne amahr, fundiki nne bungu na tong-n, fundiki nne nyono na go nwer re, wahr ba kpꞌtibi elkohn eltibi ana nio.

2 Tesalonaika 2:8

Owo nne abiafem noo bahke kehm lohngo ba. Ntul a Jisos bahk-e wulu go elfeb ni á bahke fahle go ege a nnyo, fere ranng-e go elbake ni á bahke bake.

Hibru 9:28

ano wo fvfo Esowo ma rod Kraist ka ana ejum njom nkpelkpel anyehng, eji á lꞌsol abiafem nya ane gbalee. Á bahke kpe ba, ba tahre ane ba jehk kp-e siki. Á nehme kpe ba tib go abiafem.

Ellennge 1:7

Á bahke gulu elbake go akparesemsem. Nne awohng awohng bahk-e nyehne, budu ane bao ba jahm-e elkong. Ye wo bahke wahnge nnahb anyehng anyehng nyi li go njini bahke kehme ellingi ndon ndon. Bahke jolo ano. Emen.