Eltum 20:3 - Ekajuk New Testament

³ Owo á kange nnyahng era. Á jo toobo ebjing bi á bahke tahme go Siria. Eji á sebe no kahn re, Jus kpꞌlame kak-e, owo á kehm toobo re, elfeere, á bahke sehnge mbang a Masedonia.

Ekajuk Scriptures NT

³ Owo á kange nnyahng era. Á jo toobo ebjing bi á bahke tahme go Siria. Eji á sebe no kahn re, Jus kpꞌlame kak-e, owo á kehm toobo re, elfeere, á bahke sehnge mbang a Masedonia.

Eltum 20:3 ပူးပေါင်းရင်းမြစ်များ

Matiu 4:24

Ane kpee ba jolo go Siria wuku kan elgahm ene, owo bo kehm koko aneb ayam kpee ba go ege, ba jo yam ajoobo ayam tvv, fere jo nyehn ajoobo arem, a ane ba bele abi atohko go bo a ntim, a aneb eyam atatehk, a ane ba ma banne. Jisos limi bo kpee, bo nob.

Eltum 16:12

Owo e sehnge no song rehng go Filipai ji jolo ngbokambang ejahbe go Masedonia. Ejahbe jio woomo go elwo ni Rom. Owo e kange abon afung.

Eltum 16:9

Pol kehm nyehne nkpokosi anyehng atv. Á nyehne nne a Masedonia yim no, kp-e gboongo re, “Ba ga Masedonia, wo ba kak-r ebo!”

Eltum 18:18

Pol kpe kang afung gbalee a abon Esowo go Korint, kehm tahme bo sa. Go Kenkrea Pol kehm soro kpud esi o, tibre á nyame ejum tong Esowo. Pol, bo kehm yele egbang, ye a Akwila, a Priskilla, jo tahm go Siria.

Eltum 19:21

Eji nsol nyio ma sehng kpee, Pol kehm tiri re, á bahke sehnge go Masedonia rehng go Akaya, sehng song rehng go Jerusalem. Á kehm bungu re, “N lꞌje o, m bahke tob rehng go Rom.”

Eltum 20:1

Eji nfem nyio o ma mal, Pol kehm lungu abon Esowo, bo ba kono edi ajehng. Á kake kan bo eltim mal, á kehm tahme bo sa, tahm go Masedonia.

Eltum 20:19

ana n jolo rede rede, jo loko Ntul Esowo a abonngo abonngo go amahr, fere jo bel elgaare go nsol nyi Jus jo lam kak-m.

Eltum 20:2

Eji á jo yannge ajahbe nyao, jo kak aneb Esowo eltim, fere jo bung alum gbalee, á kehm tahme go Gris.

Eltum 21:3

Eji e nyehne Saiprus go ejang ebobkal, e kehm maake song rehng go Siria. Go Taya wo, e yiimi no, tibre owo bo raade nsol are go egbang.

Eltum 25:3

á lim bo nnoobo, ko Pol ba a ne go Jerusalem. Tibre bobtohko lam wuku wuku re bo biiri go mbang wul-e.

2 Korint 1:15

Eji n jo sahb kꞌkahn ano, owo wahnge n jo seb re me n tohko ba go egahne, eji ń lꞌkpe bel elfuulu nehko budu.

2 Korint 11:26

Go egame eljen tvv ni m ma jen, n jolo go efin efin, efin bio bi aya, a bi awajv, a bi aneb ejahbe ebame, a bi ane baka baka, a efin bi jo jol a name go ajahbe, go elka emahng, go agburu aya, a ellong akimfahnge abonanee.

2 Korint 7:5

Eji e ba rehng go Masedonia, e belem erekekv ajehng ajehng. E jo bele afemfem edi ajehng ajehng. Ane jo taange a nahre. Elfahle jolo go egahra ntim.

Galesa 1:21

Owo n kehm tahme go ejang bi Siria, a bi Silisa.