Eltum 17:18 - Ekajuk New Testament

¹⁸ Atꞌtibi bandiki ba jo toono eltibi ni Epikur, a atꞌtibi bako ba bo jo lung bo re Stoik, kehm tob song kpiri Pol. Ane bandiki kehm bungu re, “Jen ji á kpꞌbꞌbung o? Akpaale abuuru nyaa lohngo renan?” Ane bandiki re, “Li are á kpꞌbungu bade ajen eblom bi ane bamongo.” Tibre Pol jo bungu bada Jisos, a elnyahme ngubjing go elkv.

Ekajuk Scriptures NT

¹⁸ Atꞌtibi bandiki ba jo toono eltibi ni Epikur, a atꞌtibi bako ba bo jo lung bo re Stoik, kehm tob song kpiri Pol. Ane bandiki kehm bungu re, “Jen ji á kpꞌbꞌbung o? Akpaale abuuru nyaa lohngo renan?” Ane bandiki re, “Li are á kpꞌbungu bade ajen eblom bi ane bamongo.” Tibre Pol jo bungu bada Jisos, a elnyahme ngubjing go elkv.

Eltum 17:18 ပူးပေါင်းရင်းမြစ်များ

NWER NYI MAK 9:14

Bo feere kan ana, bo kehm ba kpiri abatꞌtoono baka gana, fere nyehn ellong ane tvv ma sennge bo kak. Atꞌtibi ba atahm bandiki jo limi nfaabe a abatꞌtoono Jisos.

NWER NYI LUK 11:53

Eji Jisos ma tahm edi jio, owo atꞌtibi ba atahm, a Bab Farisi kehm-e kehme alum jamme, fere jo bahb-e abahbe gbalee bada nsol tvv,

Eltum 26:23

nya li re, Kraist bahke nyehne erem kpo, fere jol ngbokambang a nne no bahke nyahme go elkv, eji á lꞌtiingi Jus etib bio bi bahke kake bo ellennge, a ane baka baka ba ki li Jus fvfo.”

Eltum 4:2

Eltim jo rake bo, tibre Pita abola Jon jo tibi ane re, Jisos ebnyahme go elkv, ji ma lohng re, akvne bahke fere nyahme, bel elkpin.

Eltum 5:42

Efung abehng abehng bo tikem rahke eltibi go etahk Esowo, fere jo tib go ntahk ane, fere jo tiingi nnoobo etib re Jisos wo li Kraist.

Eltum 6:9

Ane bandiki joom taame tv-e. Bo kehm kehme nfaabe lim a Stiven. Bandiki lohng go ejahbe ji bo jo lung re Silisia, bandiki lohng go Esia, bandiki jo kono elkono go etahk ero ji ane bao ba bo jo lung bo re aforfor ane.

NWER NYI POL NYONO TV ANEB ERO BA LI GO ROM 1:22

Eji bo kpꞌrodo elbo bum ana akahnkahn, bobfere jol agboolo.

1 Korint 3:18

Nong, nne awohng awohng kꞌnehm elne. Nne awohng awohng go egahne ellong no lꞌtong re, ye li ekahnkahn nne go njini nyia, nong, á fere jol egboolo nne, eji á lꞌfere jol ekahnkahn nne ji nno a nno.

1 Korint 4:10

Wahr agboolo ane ba tib go esi ji Kraist. Wahn akahnkahn ane ba go ejang bi Kraist. Wahr li lenge lenge, wahn kpꞌtahne. Wahr, bo kpo daang-r daange, wahn, bo jo kak-n.

Kolosa 2:8

Jo gberen elnahne, eji nne lꞌkꞌrannge ntir atahng enyahne go elkahne nehka nehka ni ane leeme goji babnde ebo, ni ki li ni Kraist, fere nehm-n go awak nya atohko nya li go njini nyia.