2 Korint 9:8 - Ekajuk New Testament

⁸ Esowo bahk-n ma ka elfuulu anehng anehng, eji ejum ajehng ajehng lꞌki-n kpe rin ngare anyehng anyehng, eji ń lꞌbel gbalee, fere sa-n gbalee nya ḿ bahke jo ko, lim eltum anehng anehng ni nno.

2 Korint 9:8 ပူးပေါင်းရင်းမြစ်များ

Eltum 9:36

Nnenkal awohng jolo go Jobba, no bo jo lung-e re Tabita. Á tob jolo ntꞌtoona Jisos. Mbing enye nyi Grik, bo jo lung-e re Dorkas ji lohngo re mbilekpa. Á jo limi nnoobo ngare anyehng anyehng, fere jo kak akpak ebo.

1 Korint 15:58

Owo abonanee, nobo re wahn jo yiimi tꞌtahne, eji nne lꞌki-n ma nyeenge go mbang anyehng anyehng. Yelen kꞌkahb go eltum Esowo, wahn jo lim, eji ń kpꞌkahne re, eltum ni ń kpꞌlimi ka Ntul ewahre, ń nehme lim mbol mbol.

2 Korint 13:3

tib eji ń kpꞌsebe re me n tib-n re Kraist kpꞌbungu go egame atahng, ye jio ji kil jo leenge go egahne ellong, ye ji ń kpo nyehn nsahm enye go egahne ellong.

2 Korint 8:19

Jol ano ano sang. Aneb ero ba m-e yehke re á toon-r, eji e kpꞌlimi eltum nia ni elkoro, ni li ka ellub ni Esowo, fere tib ana kp-r koro re, wahr kak aneb ero ba li go Judea ebo.

2 Korint 8:2

Bo yele go egburu nfem nyi Esowo wuungu bo. Wo tvtv o, bo gbale go eyebatahng sehng. Owo wahnge bo jo wehr abo, jol eji bo sahb gbꞌgbo ekpak.

2 Korint 8:7

Wahn ebfang go ejum ajehng ajehng ana eltaame, alum abungu, elkahne, eko ji ń kpꞌkak go eltum Esowo kpee, a elkoro ni e kp-n koro. Anv, tob koon gbalee, wahn ka go eltum nio ni elkoro.

2 Korint 9:11

Á bahk-n limi, ń gbo afang kpee, nya ḿ bahke male jo wehr abo ngare anyehng anyehng, eji ane gbalee lꞌjo kak Esowo saam tib wahr.

Efesus 2:10

Wahr ba li eltum ni Esowo limi no. Á lim-r goji Kraist Jisos re wahr lim nnoobo nyi Esowo toobo bum wuku wuku re wahr jo lim.

Efesus 3:20

ye ji bahke ma lim sehnge ana ji e bahbe no, a ji e tiri no tib go nsahm nyi wob-r go atahng,

Filipai 4:11

N nehme bung alum nyaa tib eji nsol ma-m lehng. N kpili re, afi n jolo elkohn ani, ebnob a name.

Kolosa 1:10

E kpo kak ero re, wahn lim eljini ni bahke fuumu a ni Ntul a Jisos, ni kpo kor-e ngare anyehng anyehng, wahn fere jo kab akab go nnoobo eltum anehng anehng ni ń kpꞌlimi, fere jo gbal go elkahne ni Esowo,

2 Tesalonaika 2:17

nong, bo jo kak-n eltim, fere lim-n, wahn tahne, eji ń lꞌmal jo lim ejum ajehng ajehng ji kpꞌnobo, afi jolo elbungu, afi fere jolo eltum.

2 Timoti 2:21

Nne awohng awohng no lꞌbum elne saang, yake nsol nyi kpꞌsabe, á bahke jolo ana ekpingi ji nno, ji bo ma bum eje eje, eji nde nne lꞌjo ko, lim ejum ajehng ajehng ji nno.

2 Timoti 3:17

eji nne Esowo lꞌjol nob nob, fere jo mal ellimi eltum anehng anehng ni nno.

Taitus 2:14

ye ji yake elne ka tib go egahre esi, eji á lꞌfak-r yake go abꞌbi kpee, fere lim-r, e jol ane ba li saang ka-e, fere jo kak ekpuku go nnoobo alimi.

Taitus 3:14

Nong, ane ebahre kpili ana bo bahke jo yake ngare ebo, kak go nnoobo eltum ni fuumu ellimi, a ni lubu lub, eji bo lꞌkꞌjol na jol, kꞌkab akab.

Taitus 3:8

Alum nyaa li go etingitingi. N kpꞌsebe re, wo yiimi tꞌtahne go nsol nyia, eji ane ba ma taame tv Esowo lꞌjo kunu ekpu, jo rod ngare abo, jo lim nnoobo. Nsol nyia kpꞌnobo, kpi nsehng nyi bahke kake ane.

1 Pita 4:10

Ana wahn, nne awohng awohng ma bel ayare nyanye, nya Esowo m-e ka. Nobo re wahn ko, jo lim nnoobo ka atemtem, ana ane ba kpꞌmale ajoobo ayare nya Esowo go elkuuru nob nob.