2 Korint 9:13 - Ekajuk New Testament

¹³ Bo lꞌbel ayare enyahne nya kpꞌtibi re wahn ebsehng mbahbe, bo bahke Esowo ellub ka, bo lꞌnyehn ana ń kpꞌbumu alum nya nnoobo etib bi Kraist, bi ń kpꞌyiimi ntianse, fere yare bo gbalee, fere tob yare ane bako kpee.

2 Korint 9:13 ပူးပေါင်းရင်းမြစ်များ

Matiu 5:16

Nong, ellennge enahne ni ń kpi no jo ya go esamahr ane, eji bo lꞌnyehn nnoobo enyahne nyi ń kpo lim, fere jo tehk nso ejahne no li go ejahbetul.

Matiu 9:8

Eji ane bao nyehne ano, bo kehm kehme elfahle, fere jo tehk Esowo bi ma ka ane elkohn nsahm ana nyio.

NWER NYI LUK 6:46

“Jen ji wahnge ń kpo lung-m re, ‘Ntul, Ntul!’ ń kil jo lim nsol nyi n kpo tong-n re wahn lim?

NWER NYI JON 15:8

Ana wo Nsoo bahke jo bel ellub, ń lꞌjo kab akab. Tibre nyao nya bahke tibi re, wahn abatꞌtoono ebame ba.

Eltum 11:18

Eji bo wuku ano me, bo kehm belle na belle soom, kehm kehme Esowo tehk re, “Esowo ebtob ka ane baka baka eyake re bo gbo ndon, fere bel elkpin.”

Eltum 4:21

Bo kehm kpe rehke bo tꞌtahne, kehm yake bo, bo song. Bo nyehnem mbang anyehng anyehng nyi bo bahke kake bo erem tib ane ba jolo o. Tibre nne awohng awohng jo tehke Esowo tib go nkpokosi nyi ma lim.

NWER NYI POL NYONO TV ANEB ERO BA LI GO ROM 10:16

Ane kpee sang ma taame tv nnoobo etib bio. Tibre Aisaya bungu re, “Ntul, nne awo no ma taame tv etib ebahre bi e tiingi no?”

NWER NYI POL NYONO TV ANEB ERO BA LI GO ROM 12:8

Nne no kpo kak erehke, nong, á jo rehke. Nne no kpo yare ane ka nsol, nong, á jo ka go eltim eltim anehng. Nne no li ntubesi, nong, á jo kak ekpuku go ejum ajehng ajehng. Nne no kpo lim nnoobo, nong, á jo lim go eyebatahng.

NWER NYI POL NYONO TV ANEB ERO BA LI GO ROM 15:31

eji Esowo lꞌtahr-m yehke go abo nya ane ba kala taame tv-e ba li go Judea, eji aneb Esowo ba li go Jerusalem lꞌko ekakebo ji m bahke bo ka go eyebatahng.

NWER NYI POL NYONO TV ANEB ERO BA LI GO ROM 16:26

Anv, nsol nyia eblennge gbuul sehng go alum nya abanyehnamahr Esowo nyono no, ane kpee ebkahn ana Esowo bi li go njinanjini tongo no re bo taame tv-e, fere jo wuk-e.

2 Korint 10:5

bi li nfaabe alimi, a ejum ajehng ajehng ji ane kpo bum wahre wahre, ji kil jo koono a elkahne ni Esowo. E kpo bob ntir anyehng anyehng, fere rod kak go elwo ni Kraist.

2 Korint 2:12

Eji n rehnge go Troas re me n song tiingi nnoobo etib bi Kraist, Ntul Esowo lꞌlim eyake ka-m.

2 Korint 8:4

Bo gboong-r sehng re, wahr tob nongo bo, bo tob jo kak aneb Esowo ba li go Judea ebo.

2 Korint 9:14

Owo bo bahke kehme ero kak ka-n a egburu elkoro tib go nnoobo nyi Esowo nyi ma rur wꞌwohng go egahna ntim.

Galesa 1:24

Bo kehm kehme Esowo ellub ka tib me.

1 Timoti 6:12

Jo nok nnoobo ebta bi ekakesehk, wo gbo ejahm go elkpin ni li go njinanjini, elkpin nio ni wahnge Esowo lung-a no ngare nyi a yiimi nnooba ntianse nyi eltaame ena go esamahr atianse gbalee.

1 Timoti 6:13

Go esamahr Esowo bi kpo ka ejum ajehng ajehng elkpin, a esamahr bi Jisos Kraist ji yiimi ntianse nyi nno go esamahr Pontus Pailet, owo n kp-a tongo re,

Hibru 10:23

Nong, wahr yiimi tꞌtahne go ntianse ayiimi ka ekunukpu ejahre, kꞌgbiingi elnahre. Tibre ye ji ma nyam tong-r, fuumu re wahr bum-e go etingitingi.

Hibru 13:16

Kana yini nnoobo alimi, wahn fere jo kak atemtem ebo. Tibre ajom ana nyao nya kpo kor Esowo.

Hibru 3:1

Abarebare abonanee ba Esowo ma-n tob lung, jo seengen Jisos ji li ntiingetib, a ntubesi abalimajom no e kpo yiimi ntianse ka-e.

Hibru 4:14

Eji e kpi ntubesi abalimajom no nnen, no sehnge elbung sa rehng go ejahbetul Esowo, ye ji li Jisos Mmon Esowo, nong, wahr jabbe nsol nyi e kpꞌtaame tv tꞌtahne.

Hibru 5:9

Eji á ma mal go nseenga nseenge, owo á kehm fere jol ana esi ebgba bi eltahre ni li go njinanjini kpo lohng ka ane ba kp-e wuku,

1 Pita 2:9

Wahn ba li akahmekahme ane ba Esowo ma jak, wahn ba li abalimajom ba Ntul Esowo, ba li ebo ebo, ba li ka Esowo ntahngtahng. Esowo ma-n yehke re wahn tib nnoobo eljini ene. Esowo bꞌnehm bi lung-n no, yehke go ejannge, fere ko-n, ba a nahne go ege a nkpokosi ellennge.

1 Pita 4:11

Nne awohng awohng no lꞌkehm bungu, nong, á jo bung alum Esowo. Nne awohng awohng no lꞌkehm loko, nong, á jo loko go eko ji Esowo kpo ka, eji Esowo lꞌjo bel ellub go ejum ajehng ajehng, ni kpo sehng go abo nya Jisos Kraist. Nong, ellub jol ka-e, a nsahm go njinanjini. Emen.