2 Korint 8:7 - Ekajuk New Testament

⁷ Wahn ebfang go ejum ajehng ajehng ana eltaame, alum abungu, elkahne, eko ji ń kpꞌkak go eltum Esowo kpee, a elkoro ni e kp-n koro. Anv, tob koon gbalee, wahn ka go eltum nio ni elkoro.

2 Korint 8:7 ပူးပေါင်းရင်းမြစ်များ

Matiu 25:22

“Nne no ko ekpa akpohko ebbal kehm tob ba, ba bung re, ‘Nsoo, a ka-m ekpa akpohko ebbal, nyehn ekpa ebbal behka bi m ma li nsehng.’

NWER NYI POL NYONO TV ANEB ERO BA LI GO ROM 15:14

Abonanee, mefono antahng kpꞌsahb kꞌkahn re, nnoobo ebrur go egahna ntim, a elkahne kpee, fvfo, ḿ bahke ma tob jo rehke atemtem.

1 Korint 1:5

Tib eji ń li ajehng a Jisos, owo wahnge ḿ ma fang go alum abungu kpee, a elkahne anehng anehng.

1 Korint 12:13

Go etohko na ajehng wo, e ma bel ewohngalahb, fere jol ngubjing anyehng, wahr ane kpee, Jus, a Grik, a aju, go ane ba ki li aju. Wahr kpee bo ma-r ka etohko na ajehng.

1 Korint 12:8

Etohko jꞌnehm ji kpo lim nne noko jo bung alum nya nne a ngbere, jꞌnehm ji kpo tob lim nne noko jo bung alum elkahne,

1 Korint 13:2

Afi m bele nsahm nyi amahr anyehne, fere jo kahn ejum ajehng ajehng ji li mbehr mbehr, fere bel ellennge kpee, bel eltaame kpee ni bahke jo melle awong, kꞌbel elkoro, n tohkem lꞌli ejumjum.

1 Korint 13:8

Elkoro esꞌkohlo kpimm. Enyehnamahr bahke male. Elbungu go ajahbe nfenfe bahke male. Elkahne fvfo bahke tob mal.

1 Korint 14:12

Ano wo tob li ka wahnfono antahng. Ana ń kpꞌnoko re wahn bel ayare nya Etingi Etohko, gbehden, eji ń lꞌbel ayare nyao nya kpo lim aneb ero gbal.

1 Korint 4:7

Nne awo tong-a tong re wobnob sehnge ate eba? Ejum aji a kpi no, ji ki li Esowo ka-a no? Anv, jen ji wahnge a kpꞌworo nnyo kunu ejum ji a kpi no? Esowo sang ka-aa?

2 Korint 7:7

Lohngem re elbake ene ni ni kak-r eltim. Ji á tong-r no bade ana á bobo eltim tib wahn, ji ji tob kak-r eltim. Tibre á tong-r bade ana kp-n sahb kꞌkor re wahn nyehn-m, ana ń li ndon ndon, ana ń kp-m yiimi njahm. Owo wahnge n kpe bel eyebatahng budu.

2 Korint 8:6

Owo wahnge e kehm rehke Taitus re, á soro asi go ege eltum ni á ma bom, fere kak-n ebo, wahn gohro lim eltum nio ni elkoro.

2 Korint 9:14

Owo bo bahke kehme ero kak ka-n a egburu elkoro tib go nnoobo nyi Esowo nyi ma rur wꞌwohng go egahna ntim.

2 Korint 9:8

Esowo bahk-n ma ka elfuulu anehng anehng, eji ejum ajehng ajehng lꞌki-n kpe rin ngare anyehng anyehng, eji ń lꞌbel gbalee, fere sa-n gbalee nya ḿ bahke jo ko, lim eltum anehng anehng ni nno.

Efesus 4:29

Nong, ebi ellum anehng anehng kꞌjo lohngen go nnyo. Jo bungen alum nya nno, nya fuumu no, nya bahke jo kak ane ebo, eji lꞌjo nob a ane ba lꞌwuk.

Filipai 1:11

fere bel akab gbalee, nya lohng go egahne etingitingi elkpin, nya Jisos Kraist kpo wahng kehm kabe, eji Esowo lꞌbel ellub, bo fere jo tehk-e.

Filipai 1:9

N kpꞌkake ero re, elkoro enahne jo gbal na asongo asongo, wahn fere bel elkahne budu, a ngbere,

2 Tesalonaika 1:3

E bahke tiki jo ka Esowo saam ano ano, abonanee, tib wahn. Fꞌfuumu re wahr lim ano, tibre ekakesehk ejahne kpꞌgbale na, fere bꞌbudu. Elkoro enahne ni ń kpꞌkoro atemtem kpꞌtob gbal na budu fvfo.

2 Timoti 2:1

Mmon ewame, yiimi tꞌtahne go nnoobo nyi li go abo nya Kraist Jisos.

Hibru 12:28

Owo fvfo nobo re wahr kak saam, wahr ji bahke bele ejahbetul ji lꞌkꞌma gbehke. Nong, wahr jo kak Esowo go mbang nyi bahk-e koro, a ekpunu, a elfahle elfahle.

1 Pita 1:22

Anv, ana ḿ ma ru ntim enyahne saang, eji ń kpꞌtoono etingitingi, abonane ejahne fere jo sahb kor-n kor, jo belen etingitingi elkoro atemtem, a ntim a ntim enyahne kpee.

2 Pita 3:18

Jo gbalen go nnoobo nyi Ntul a Jisos Kraist ntꞌtahre ewahre, wahn fere gbal go elkahne ene. Nong, ellub jol ka-e anv tete go njinanjini. Emen.

Ellennge 3:17

Tibre a kpꞌbungu re, ‘Me n fang, anv, me n jol njꞌjoka nne. Ejumjum limm, ji n kpꞌkpeke seb.’ Na nyehne ga, a nehme kahn re, a li erem erem, fere kpꞌfili ane ndon. Wobgbo ekpak, fere wa amahr, fere kpꞌjene ebun ebun.