2 Korint 8:23 - Ekajuk New Testament

²³ Taitus wo li nne no e kpꞌlimi eltum ano, ye wo li nne no kpo kak-m ebo go eltum ni n kpꞌlimi ka-n. Abonanee bako ba li ane ba aneb ero yehke bo tum, bo ji li ellub nio ni Kraist.

2 Korint 8:23 ပူးပေါင်းရင်းမြစ်များ

NWER NYI LUK 5:10

Ano wo fvfo, Jems a Jon ba jolo abon Sibidi, bo ji jo lim eltum ano a Pita, jo tob kpo bo esi. Owo Jisos kehm tongo Saimon re, “Ka kpe fahl! Bomo anv asongo, a bahke fere jo bim ane.”

NWER NYI LUK 5:7

Owo bo kehm soro kehme atem ba woomo go egbang behko mahk re bo ba tob bo. Bo kehm bake, ba yehke nsahre nyio, ruru agbang abal abal, fere jol are agbang yahke ter.

NWER NYI JON 13:16

Etingitingi, n kpꞌbungu tong-n re, Nlokeltum kpehme gbal sehnge nde no á kp-e loko. Ntiingetib awohng awohng limm, no kpo gbal sehnge nde no tum-e no.

1 Korint 11:7

Fuumem re nnenlum bulu esi eje, eji á li efꞌtu ji Esowo, fere kpꞌtibi ellub ene. Nnenkal kpo tib ellub ni nnenlum.

2 Korint 12:18

N gboongo Taitus re á je, fere tum mmonannee noka, á toon-e. Anv, Taitus li-n li nsehnga? Anv, e joom jen go etohko jꞌnehm na ajehnga? Anv, ariidakpade nyanehm sang e jo toona?

2 Korint 7:6

Esowo bi kpo kak ane ba nfem ma nyede bo eltim, ye wo kak-r eltim, eji Taitus ba no.

2 Korint 8:16

E kpꞌkake Esowo saam, bi kpꞌlimi Taitus re á jo kak ekpuku ana wahr kpꞌkake go eltum ni á kp-n kake ebo.

2 Korint 8:18

E kpꞌtob tum mmonannee noko re á toono Taitus, no aneb ero kpee kpo tehk-e, tib eji á kpo tiingi nnoobo etib.

2 Korint 8:19

Jol ano ano sang. Aneb ero ba m-e yehke re á toon-r, eji e kpꞌlimi eltum nia ni elkoro, ni li ka ellub ni Esowo, fere tib ana kp-r koro re, wahr kak aneb ero ba li go Judea ebo.

2 Korint 8:22

E kpꞌtob tum mmonanne ejahre noko re á tob toono bo, no e m-e wuungu gbalee, lohko nyehn ana á kpo kak eko, jo lim ajoobo ntum tvv. Anv, eji á kp-n bumu go etingitingi wo, á kpꞌsahb kpe kꞌkak na eko budu, jo kak-n ebo.

2 Korint 8:6

Owo wahnge e kehm rehke Taitus re, á soro asi go ege eltum ni á ma bom, fere kak-n ebo, wahn gohro lim eltum nio ni elkoro.

Filipai 2:25

N tiri re, nꞌnob re me n tum mmonanne Epafroditus tv-n, ye ji e kpꞌlimi eltum a ne ano. Á tob li nne a nsoja no Kraist ana me. Ye wo li nne no ń tum-e re, á ba kak-m ebo.

Filipai 4:3

Sisigus, nkakesehk a nte ewame, n kp-a gboongo re, wo lub kak bo ebo. Tibre bo jo noko, jo tob-m eltum nio ni nnoobo etib, a Klement fvfo, a ane bako ba e jo tob lim eltum ano a bo, ba abing ebo wob go nwer nyi elkpin.

Kolosa 1:7

Tibre ń kpili goji Epafras ji li nkakesehk a nlokeltum no Kraist ka-n. Á kpo lim eltum ana wahr, ye ji kpo sahb kor-r kor.

1 Tesalonaika 2:2

Ń kpꞌkahne ana bo jo nohk-r go Filipai, fere jo su-r. Esowo ebahre fere ka-r esahb, e jo tiing-n nnoobo etib ebe, jol eji erem jolo jol a nahre.

2 Timoti 4:10

Tibre Demas, njini nyia m-e kehme elkoro. Á ma-m tahm sa, tahm eje go Tesalonaika. Kresens ebtahm go Galesa. Taitus ebtahm go Dalmesa.

Taitus 1:4

N kpꞌnyono nwer nyia tv Taitus ji li etingitingi mmon ewame, ye ji e kpi eltaame na anehng. Nong, Esowo Nsoo, a Kraist Jisos ntꞌtahre ewahre ka-a nnoobo, a elkoono.

Failimon 1:17

A lꞌbum-m ana nte ewa, lub ko Onesimus jang jang ana a jol-m koko.

Failimon 1:24

Mak, Aristarkus, Demas, a Luk, bo ji e kpo lim eltum ano, bo kp-a tob kak nnyo.

3 Jon 1:8

Wahr ba fuumu re, wahr kak elkohn ane bao ebo, eji e lꞌtob jol ane ba kpꞌtob lim eltum ka etingitingi ana bo.