2 Korint 7:9 - Ekajuk New Testament

⁹ Wo anv, me m bel eyebatahng, lohngem re, tib eji m ma-n lim, ḿ ma jol ndon wo. M bele eyebatahng, tib eji ndon enyahne ma-n lim, ḿ ma yaange mbang enyahne. Tibre ndon nyi fil-n no, jolo elkohn ndon nyi kpo kor Esowo. Wahr sang wahng ka ń rannge no go eyaame ajehng ajehng.

2 Korint 7:9 ပူးပေါင်းရင်းမြစ်များ

Matiu 3:8

Limen nsol nyi bahke tibi re, wahn eblohko yaange elkpin enahne.

NWER NYI LUK 15:10

“N kp-n tongo re, Ano wo fvfo enjel nyi Esowo kpo bel eyebatahng, nne abiafem awohng lꞌgbo ndon.”

NWER NYI LUK 15:32

Fꞌfuumu re wahr lim elkak, fere bel eyebatahng. Tibre mmonanne noa kpꞌkpo, anv, yebfere jol go elkpin. Á tꞌtan, anv a, m m-e nyehn.’ ”

NWER NYI LUK 15:7

“N kp-n tongo re, Eyebatahng bahke ga gbal go ejahbetul Esowo, nne abiafem awohng lꞌgbo ndon, sehnge atingitingi ane gbalee ba kil sebe re bo gbo ndon.

Eltum 20:21

N jo lennge tong Jus, fere tong Grik re bo gbo ndon go bo abiafem, feere goji Esowo, fere jo taame tv Ntul a Jisos Kraist.

2 Korint 1:12

Ejum ji ana, ji e kpꞌgeere kak. Tibre ntir atahng enyahre kp-r yiimi ntianse re, elkpin enahre ni e li a ni go njini nyia, asehngesehnge ngare nyi e jolo a nahne, e jo toono mbang anyehng, a eltim ni li saang. E tonngem go elkahne ni njini nyia, e tonngo go nnoobo nyi Esowo.

2 Korint 2:16

Go ejang bi ane ba kpꞌtane, esꞌsvv jio, ejum elkv ji kpo wul nne ji. Goji ane baka esꞌsvv jio, ejum ji kpo ka nne elkpin ji. Nne awo bahke ma jol elkohn nne ana noa?

2 Korint 7:8

Jol afi nwer enyame nyi n nyono no tv-n lim-n re, wahn jol ndon ndon, ndon me nehme fili. Ndon jol-m fili, eji n sebe kahn re ń jolo ndon ndon, jol eji jolo jol mmongare ntiil.