2 Korint 7:7 - Ekajuk New Testament

⁷ Lohngem re elbake ene ni ni kak-r eltim. Ji á tong-r no bade ana á bobo eltim tib wahn, ji ji tob kak-r eltim. Tibre á tong-r bade ana kp-n sahb kꞌkor re wahn nyehn-m, ana ń li ndon ndon, ana ń kp-m yiimi njahm. Owo wahnge n kpe bel eyebatahng budu.

2 Korint 7:7 ပူးပေါင်းရင်းမြစ်များ

Matiu 26:75

Pita kehm soro buumu alum nya Jisos tong-e re, “Re nkok kehm kuku, a bahk-m tene nkpel era.” Pita kehm lohngo ona, song kehme ellingi ndon ndon.

Matiu 5:4

“Elfuulu li ka ane ba jehk ndon ndon. Tibre bo bahke kake bo eltim.

NWER NYI LUK 22:44

Eji ala jo sahb teel-e teele, á kehm nyennge, jo kak ero. Nwuuru nyi á wuuru no, nyi jo toongo wohngo ndi jolo ana agburu atoongo alung.

Eltum 11:23

Eltim yeb-e sehng, eji á je no, song nyehn ana Esowo ma fuulu bo. Á kehm rehke bo ane kpee re, bo soro asi go eltoono Ntul a Jisos a ntim a ntim ebo.

NWER NYI POL NYONO TV ANEB ERO BA LI GO ROM 1:12

Jia lohngo re, e bahke jo kak atemtem eltim. Ekakesehk ejahne bahk-m eltim kak, ekakesehk ejame tob kak-n eltim.

1 Korint 5:2

Bahke limi renan, ń kehm gꞌgeere? Ji ga nob li re, wahn jo guunu. Yehken ye jio ji ma lim elkohn ejum ana jio go egahne ellong!

2 Korint 1:14

ane egom ejahne jindiki ma kahn anv re, ń li ma geere kak-r, ana wahr bahke geere kak-n go efung bi Ntul a Jisos Kraist.

2 Korint 1:4

Á kpo kak-r eltim go egahre afemfem kpee, eji e lꞌko ekakeltim eje ji á ma-r kak, fere tob jo mal kak ane eltim, ba wob go elkohn nfem anyehng anyehng.

2 Korint 2:9

Ji wahnge n nyono nwer nyio, n nyono re me n kahn ana ń sehnge mbahbe nyio, fere kahn, joare ń kpꞌlimi ejum ajehng ajehng ji n lꞌtong-n.

2 Korint 5:2

Anv, e kpꞌtahnge etahng, eji e kpeke li go ngubjing nyia. E kpꞌsahb sꞌseb re wahr bel ngubjing nyio nyi li go ejahbetul Esowo.

2 Korint 7:6

Esowo bi kpo kak ane ba nfem ma nyede bo eltim, ye wo kak-r eltim, eji Taitus ba no.

2 Korint 7:8

Jol afi nwer enyame nyi n nyono no tv-n lim-n re, wahn jol ndon ndon, ndon me nehme fili. Ndon jol-m fili, eji n sebe kahn re ń jolo ndon ndon, jol eji jolo jol mmongare ntiil.

2 Korint 8:16

E kpꞌkake Esowo saam, bi kpꞌlimi Taitus re á jo kak ekpuku ana wahr kpꞌkake go eltum ni á kp-n kake ebo.

Filipai 1:20

Jo jol-m go eltim gbalee, n fere jo kunu ekpu re, ejum ajehng ajehng kꞌjol ji bahke wahnge bo rik-m ndon, eji n lꞌjol esahb esahb ngare anyehng anyehng, Kraist fere kpe bel na ellub go egama ngubjing, afi n li go elkpin, afi n kpo na.

Kolosa 2:5

Jol eji n ki lꞌli a nahne go ngubjing, me n noa a nahne go etohko. Atahng kp-m yebe, eji m ma seb kahn ana ń kpꞌjene go nseenge, fere yiimi tꞌtahne go ekakesehk ji ń kpꞌtoono Kraist.

1 Tesalonaika 3:6

Anv, Timoti eblohng go egahne, feere ba ga egahre. Yebko nnoobo etib ba tiing-r bade ekakesehk ejahne, a elkoro enahne ni ń kpi no. Á tooro tong-r re, ń kpo buum-r ngare anyehng anyehng go elkoro. Kp-n koro re wahn nyehn-r, jang jang ana kp-r tob kor re wahr nyehn-n.

1 Tesalonaika 3:8

Anv wo, e ma lohko bel elkpin, eji e ma wuk re, wahn eblohko yiimi tꞌtahne go mbang nyi Ntul Esowo.

Hibru 2:1

Ano wo wahnge nobo re wahr jo sahb kꞌkunu ekpu go nsol nyi e ma wuk, eji e lꞌkꞌfab tahm.

Jems 5:17

Elaija jolo nne ana wahr. Á kake ero eltim eltim ene re elahb kꞌna. Elahb tikem na go ndi nyio nya era kunu nnyahng erakera.

2 Jon 1:4

Atahng jo yeb-m sehng, eji n nyehne re, abon ebahne bandiki kpꞌtoono etingitingi, jang jang ana Nso ejahre tong-r no.

NWER NYI JUD 1:3

Akpondahme enyame, sahb kor-m kor re me n nyon tv-n bade eltahre ni e ma bel jang jang egom egom. Anv, me n seb kahn re, ga li re me n nyon nwer tv-n, nyi m bahk-n rehke re wahn nok ka etingitingi ji Esowo ma si yꞌyake kak ane ebe go ebo.