2 Korint 7:6 - Ekajuk New Testament

⁶ Esowo bi kpo kak ane ba nfem ma nyede bo eltim, ye wo kak-r eltim, eji Taitus ba no.

2 Korint 7:6 ပူးပေါင်းရင်းမြစ်များ

Matiu 5:4

“Elfuulu li ka ane ba jehk ndon ndon. Tibre bo bahke kake bo eltim.

NWER NYI JON 14:16

M bahke gboongo Nsoo, á fere tum nkakebo noko tv-n, eji á lꞌba jol a nahne go njinanjini.

NWER NYI POL NYONO TV ANEB ERO BA LI GO ROM 15:5

Nong, Esowo bi elkpuumu, bi kpo kak ane eltim, lim-n, wahn jol go elkoono atemtem, ana Kraist tibi no,

2 Korint 7:13

Jia ji ma-r kak eltim. Fvfo, e jo tob bele eyebatahng gbalee budu tib go eyebatahng ji Taitus bele no. Tibre wahn ane kpee eblim eltim m-e naange.

2 Korint 7:14

Nsol kpee nyi n tong-e bada nahne, nyi n woro nnyo kun-n, ndon me ń rikem. Ana ejum ajehng ajehng ji e bungu tong-n jolo go etingitingi, ano wo fvfo nnyo aworo emahre mi e woro tong Taitus ma tob jol go etingitingi.

2 Korint 7:7

Lohngem re elbake ene ni ni kak-r eltim. Ji á tong-r no bade ana á bobo eltim tib wahn, ji ji tob kak-r eltim. Tibre á tong-r bade ana kp-n sahb kꞌkor re wahn nyehn-m, ana ń li ndon ndon, ana ń kp-m yiimi njahm. Owo wahnge n kpe bel eyebatahng budu.

Filipai 2:1

Eji ń kpo rehke atemtem go mbang nyi Kraist, elkoro ene fere jo kak-n eltim, n fere jo jen a Etingi Etohko, fere bel elkoro, a ndon,

1 Tesalonaika 3:2

fere tum mmonanne ejahre Timoti ji kpo lim eltum a nahre ni nnoobo etib atiingi bi Kraist, re á ba lim-n, wahn yiimi tꞌtahne go mbang nyi Esowo, fere jo rehk-n,