2 Korint 7:5 - Ekajuk New Testament

⁵ Eji e ba rehng go Masedonia, e belem erekekv ajehng ajehng. E jo bele afemfem edi ajehng ajehng. Ane jo taange a nahre. Elfahle jolo go egahra ntim.

2 Korint 7:5 ပူးပေါင်းရင်းမြစ်များ

Eltum 20:1

Eji nfem nyio o ma mal, Pol kehm lungu abon Esowo, bo ba kono edi ajehng. Á kake kan bo eltim mal, á kehm tahme bo sa, tahm go Masedonia.

NWER NYI POL NYONO TV ANEB ERO BA LI GO ROM 15:26

Tibre aneb ero ba li go Masedonia, a Akaya ebkor bo re bo tahb akpohko nya bo bahke kake aneb Esowo ba li go Jerusalem, ba li akpak.

1 Korint 15:31

Abonanee, n kpꞌkpoko efung abehng abehng. N kpꞌbungu jia tib go elgeere ni n kpꞌgeere kak-n, eji n li ka Kraist Jisos Ntul ewahre.

1 Korint 16:5

N lꞌrehng go Masedonia, m bahke soro rehng go egahne. Tibre mbang a Masedonia nyi m bahke sehnge.

2 Korint 2:13

Eltim me tikem naange, eji n ki nyehn mmonannee Taitus ona. Owo n kehm kake bo nnyo, tahm bo sa, song rehng go Masedonia.

2 Korint 2:3

Ejum jꞌnehm ji n nyono go nwer nyehko nyi n tumu tv-n. N joom seb re me m ba, ba jol ndon ndon tib ane bao ba jol-m kake eyebatahng. Tibre n kpꞌsahb kꞌkahn re, n lꞌbel eyebatahng, wahn kpee bahke tob bel eyebatahng fvfo.

2 Korint 2:9

Ji wahnge n nyono nwer nyio, n nyono re me n kahn ana ń sehnge mbahbe nyio, fere kahn, joare ń kpꞌlimi ejum ajehng ajehng ji n lꞌtong-n.

Galesa 4:11

N kpꞌfahle re, eltum ni n limi go egahne, n limi na tane.

1 Tesalonaika 3:5

Ano wo wahnge, eji ki kpe nob elkpooro, n kehm tumu Timoti re me n seb kahn ana ekakesehk ejahne li no. Fundiki nnehm ma-n gare, eltum enahre ni e limi no, e limi na lim mbol mbol.