2 Korint 7:4 - Ekajuk New Testament

⁴ N kp-n sahb bꞌbum go etingitingi. N kpꞌsahb gꞌgeere kak-n. Esowo ma-m kak eltim gbalee. Tvtv go erem abehng abehng bi e kpꞌnyehne, n kpꞌbele na eyebatahng budu.

2 Korint 7:4 ပူးပေါင်းရင်းမြစ်များ

Eltum 5:41

Abatiingetib Jisos kehm lohngo, ane bao sa ekpꞌkpa esub o, tahm ebo. Bo bele eyebatahng tib eji Esowo kpunu bo, bo nyehn erem bio bi esono tib go esi ji Jisos.

NWER NYI POL NYONO TV ANEB ERO BA LI GO ROM 5:3

Jol ano ano sang, e kpꞌtob geere kak erem ebahre, tibre e kpꞌkahne re, erem kpo ko elkpuumu ba a ni.

1 Korint 1:4

N kpo kak Esowo saam ngare anyehng anyehng tib wahn, tib go nnoobo nyi Esowo ma-n ka, eji á ka-r Kraist Jisos.

2 Korint 1:14

ane egom ejahne jindiki ma kahn anv re, ń li ma geere kak-r, ana wahr bahke geere kak-n go efung bi Ntul a Jisos Kraist.

2 Korint 1:4

Á kpo kak-r eltim go egahre afemfem kpee, eji e lꞌko ekakeltim eje ji á ma-r kak, fere tob jo mal kak ane eltim, ba wob go elkohn nfem anyehng anyehng.

2 Korint 10:8

Tibre n nehme be ndon, jol afi n woro nnyo sehng ana kehn n jol woro kunu go nsahm nyi Ntul Esowo ma-m ka re me n lim-n, wahn gbal. Me á kaam re me n lim-n, wahn rannge.

2 Korint 11:21

N kpꞌbungu re, a ejum ndon ji. Wo, wahr sahbem lim ano. N kpꞌkpeke bung ana egboolo nne re, Nne awohng awohng lꞌfere sahb wor nnyo kunu ejum ajehng ajehng, me n tob sahb fvfo.

2 Korint 2:14

Wahr kaken Esowo saam, bi kpo lim-r re wahr jo ga anebekv ebahre ngare anyehng anyehng, fere jo geere, tib eji e li ajehng a Kraist. Esowo ma-r ko kpꞌlimi, eji ane lꞌkahn Kraist edi ajehng ajehng, ana esꞌsvv eleenge ji kpꞌyeele edi ajehng ajehng.

2 Korint 3:12

Tib eji e kpi elkohn ekunukpu ana jia, wahr ebbel esahb.

2 Korint 7:14

Nsol kpee nyi n tong-e bada nahne, nyi n woro nnyo kun-n, ndon me ń rikem. Ana ejum ajehng ajehng ji e bungu tong-n jolo go etingitingi, ano wo fvfo nnyo aworo emahre mi e woro tong Taitus ma tob jol go etingitingi.

2 Korint 8:24

Tiben bo elkoro enahne ni ń kpi no go esamahr aneb ero kpee, wahn fere tib re, nnyo mi n woro kun-n, lohko li go etingitingi.

Filipai 1:14

Abonanee bandiki gbalee ebbel esahb go eltoono ni bo kpꞌtoono Jisos, tib eji n wob go ngbekobo. Bobkpe bel esahb gbalee budu go alum Esowo abungu, kꞌfahl.

Filipai 1:20

Jo jol-m go eltim gbalee, n fere jo kunu ekpu re, ejum ajehng ajehng kꞌjol ji bahke wahnge bo rik-m ndon, eji n lꞌjol esahb esahb ngare anyehng anyehng, Kraist fere kpe bel na ellub go egama ngubjing, afi n li go elkpin, afi n kpo na.

Filipai 1:26

Elgeere ni ḿ bahke geere kak-m go esamahr bi Kraist bahke gbale sehng ngare nyi n lꞌkpe feere ba go egahne.

Filipai 2:17

Lꞌfere jol re bo bahk-m rodo, yaange ana alahb njom wohng go ejum njom, ji li elloko ni ń kpꞌloko Esowo bi ḿ ma taame tv-e, n kpꞌgeere, fere bel eyebatahng a nahne.

Kolosa 1:24

Eltim kp-m yebe go egame erem bi n kpꞌnyehne tib go egahne esi. Tibre n kpꞌgohro nyehn erem bi Kraist nyehne no sa go egama ngubjing, tib go esi ji ngubjing enye nyi li aneb ero.

1 Tesalonaika 2:19

Wahn sang li ane ba ma wahng e kpi ekunukpu re e bahke bele ekpasi eltuuru, a eyebatahng fere geere go esamahr bi Kraist ngare nyi á lꞌbaa?

1 Tesalonaika 2:2

Ń kpꞌkahne ana bo jo nohk-r go Filipai, fere jo su-r. Esowo ebahre fere ka-r esahb, e jo tiing-n nnoobo etib ebe, jol eji erem jolo jol a nahre.

2 Tesalonaika 1:4

Owo wahnge e kpo wor nnyo kun-n goji aneb Esowo ba li go aro nyako. Tibre wahn ebsoro asi go ekakesehk, fere kpꞌkpuumu, jol eji bo kp-n gbꞌgbak, fere jo kak-n erem.

Failimon 1:7

Mmonannee, wahr ebbel egburu eyebatahng, fere bel ekakeltim tib go ega elkoro. Tibre wo wo ma lim re eltim yebe abon Esowo.

Jems 1:2

Abonanee, jo bumen ana ejum eyebatahng, ngare anyehng anyehng nyi ń lꞌjo yel go elgaare ni li nkohn a nkohn.