2 Korint 7:15 - Ekajuk New Testament

¹⁵ Ano wo wahnge elkoro ni ń kp-e koro kpꞌgbale, eji á kpꞌbuumu ana wahn ane kpee jo wuk-r, fere vvr-e afahlafahle, fere jo kꞌkahm.

2 Korint 7:15 ပူးပေါင်းရင်းမြစ်များ

NWER NYI JON 16:21

Eji nnenkal yahke jel, á kpo nyehn erem, tibre ngare erem enye ebrehng, ngare nyi á ma jel mmon, á nehm kpe tiki buumu erem bi á nyehne no, tib go eyebatahng ji á ma jel mmon kak go njini nyia.

Eltum 16:29

Mbꞌbaabe agbekobo noo kehm lungu ane re, bo ko agun ba. Á kehm beke yel ekpꞌkpa ngbekobo jio, kehm kehme elfahle, jo kꞌkahm, gbo jamme Pol, a Sailas alahng go alata.

1 Korint 2:3

Eji n jolo a nahne, n leenge sehng, jo fahl, fere jo kꞌkahm.

2 Korint 2:9

Ji wahnge n nyono nwer nyio, n nyono re me n kahn ana ń sehnge mbahbe nyio, fere kahn, joare ń kpꞌlimi ejum ajehng ajehng ji n lꞌtong-n.

2 Korint 6:12

Ń wob-r go egahra ntim, ntim enyahne ń ka lennge.

Efesus 6:5

Aju, jo wuken babnso ejahne ba njini nyia, wahn fere jo fahl bo, fere jo kahm bo. Jo loken bo a eltim anehng, ana ń kpꞌloko Kraist.

Filipai 1:8

Esowo bi li ntianse enyame. Ye wo kpꞌkahne elkoro ni ń kp-m koro re me n nyehn-n, elkoro nio ni lohng go eltim ni Kraist Jisos.

Filipai 2:12

Akpondahme enyame, ana ń jo wuk-m ngare anyehng anyehng eji n jolo a nahne, anv, eji n ki kpe li a nahne wo ga nob re, wahn jo ga-m wuk. Noken go elfahle, a akahb akahme, eji ń lꞌgohro bel eltahre enahne.

Kolosa 3:12

Wahn ane ba koro Esowo, á yehk-n no re wahn jol ejahne ejahne. Fvfo, belen nsol nyi kpo fuumu aneb Esowo, ana ndon, nnoobo eljini, eltim ni li rede rede, eljolo soom, go elkpooro.

2 Tesalonaika 3:14

Nne awohng awohng no lꞌten elbumu alum nya e nyono go nwer nyia, nyonen mbing enye kak go nwer, wahn kꞌkpe jo jen a ne, eji ndon lꞌfil-e.

1 Jon 3:17

Lꞌjol re nne ebfang afang nya njini nyia, á lꞌnyehn mmonannyehn ejum m-e lehng, á lꞌlahm re, we á nehm ka, á bahke ma bung renan re, elkoro ni Esowo nia, wob-e go ege atahng?