2 Korint 7:14 - Ekajuk New Testament

¹⁴ Nsol kpee nyi n tong-e bada nahne, nyi n woro nnyo kun-n, ndon me ń rikem. Ana ejum ajehng ajehng ji e bungu tong-n jolo go etingitingi, ano wo fvfo nnyo aworo emahre mi e woro tong Taitus ma tob jol go etingitingi.

2 Korint 7:14 ပူးပေါင်းရင်းမြစ်များ

NWER NYI JON 17:19

Tib go bo esi wo wahnge, n kpꞌrodo elname ka, eji bofono antahng lꞌjol ebo ebo, fere sa go etingitingi.

2 Korint 10:8

Tibre n nehme be ndon, jol afi n woro nnyo sehng ana kehn n jol woro kunu go nsahm nyi Ntul Esowo ma-m ka re me n lim-n, wahn gbal. Me á kaam re me n lim-n, wahn rannge.

2 Korint 12:6

Lꞌkor-m re me n wor nnyo, n gboolem na, tibre etingitingi ji kehn n jol bungu. Me n yake nnyo aworo bum go, eji nne awohng awohng lꞌki-m jo bum wahre wahre go ege a ntir atahng, á lꞌjo bum-m wahre wahre tib go nsol nyi á kp-m nyehne, n kpꞌlimi, a nsol nyi á wuku go egame.

2 Korint 2:13

Eltim me tikem naange, eji n ki nyehn mmonannee Taitus ona. Owo n kehm kake bo nnyo, tahm bo sa, song rehng go Masedonia.

2 Korint 7:13

Jia ji ma-r kak eltim. Fvfo, e jo tob bele eyebatahng gbalee budu tib go eyebatahng ji Taitus bele no. Tibre wahn ane kpee eblim eltim m-e naange.

2 Korint 7:4

N kp-n sahb bꞌbum go etingitingi. N kpꞌsahb gꞌgeere kak-n. Esowo ma-m kak eltim gbalee. Tvtv go erem abehng abehng bi e kpꞌnyehne, n kpꞌbele na eyebatahng budu.

2 Korint 7:6

Esowo bi kpo kak ane ba nfem ma nyede bo eltim, ye wo kak-r eltim, eji Taitus ba no.

2 Korint 8:24

Tiben bo elkoro enahne ni ń kpi no go esamahr aneb ero kpee, wahn fere tib re, nnyo mi n woro kun-n, lohko li go etingitingi.

Filipai 1:26

Elgeere ni ḿ bahke geere kak-m go esamahr bi Kraist bahke gbale sehng ngare nyi n lꞌkpe feere ba go egahne.

2 Tesalonaika 1:4

Owo wahnge e kpo wor nnyo kun-n goji aneb Esowo ba li go aro nyako. Tibre wahn ebsoro asi go ekakesehk, fere kpꞌkpuumu, jol eji bo kp-n gbꞌgbak, fere jo kak-n erem.