2 Korint 7:13 - Ekajuk New Testament

¹³ Jia ji ma-r kak eltim. Fvfo, e jo tob bele eyebatahng gbalee budu tib go eyebatahng ji Taitus bele no. Tibre wahn ane kpee eblim eltim m-e naange.

2 Korint 7:13 ပူးပေါင်းရင်းမြစ်များ

NWER NYI POL NYONO TV ANEB ERO BA LI GO ROM 12:15

Jo tob belen eyebatahng a ane ba kpi eyebatahng, wahn tob jo ling a ane ba kpꞌlingi.

NWER NYI POL NYONO TV ANEB ERO BA LI GO ROM 15:32

Owo m bahke kehm bake go egahne a eyebatahng, Esowo lꞌtaame, fere ba bel ekakeltim a nahne a nahne.

1 Korint 12:26

Ejum ngubjing ajehng lꞌnyehn erem, ngubjing kpee bahke nyehne erem. Ejum ngubjing lꞌbel ellub, ngubjing kpee bahke bele eyebatahng.

1 Korint 16:13

Jo baaben! Yiimen tꞌtahne go egahne eltaame! Belen esahb, wahn bel nsahm!

1 Korint 16:18

Bo ma-m kak eko, fere tob kak-n eko. Jo kaken ane ba li ana bo.

2 Korint 2:13

Eltim me tikem naange, eji n ki nyehn mmonannee Taitus ona. Owo n kehm kake bo nnyo, tahm bo sa, song rehng go Masedonia.

2 Korint 2:3

Ejum jꞌnehm ji n nyono go nwer nyehko nyi n tumu tv-n. N joom seb re me m ba, ba jol ndon ndon tib ane bao ba jol-m kake eyebatahng. Tibre n kpꞌsahb kꞌkahn re, n lꞌbel eyebatahng, wahn kpee bahke tob bel eyebatahng fvfo.

2 Korint 7:14

Nsol kpee nyi n tong-e bada nahne, nyi n woro nnyo kun-n, ndon me ń rikem. Ana ejum ajehng ajehng ji e bungu tong-n jolo go etingitingi, ano wo fvfo nnyo aworo emahre mi e woro tong Taitus ma tob jol go etingitingi.

2 Korint 7:15

Ano wo wahnge elkoro ni ń kp-e koro kpꞌgbale, eji á kpꞌbuumu ana wahn ane kpee jo wuk-r, fere vvr-e afahlafahle, fere jo kꞌkahm.

2 Korint 7:6

Esowo bi kpo kak ane ba nfem ma nyede bo eltim, ye wo kak-r eltim, eji Taitus ba no.

Filipai 2:28

Owo wahnge sahb li-m li re me n tum-e, eji ń lꞌkpe-e nyehn, fere bel eyebatahng, kꞌkpe ga jol ndon ndon.

2 Timoti 1:16

Nong, Ntul Esowo tib ndon enye go etahk Onesiforus. Me á nyaarem. Á jo ba nkpel a nkpele, ba kak-m eltim, jol eji n wobo wob ngbekobo.

Failimon 1:20

Mmonannee, n kpꞌsebe re me n li-a nsehng go ejang bi Ntul Esowo. Lim, eji eltim ename lꞌjol yebe yebe go ejang bi Kraist.

Failimon 1:7

Mmonannee, wahr ebbel egburu eyebatahng, fere bel ekakeltim tib go ega elkoro. Tibre wo wo ma lim re eltim yebe abon Esowo.

1 Pita 3:8

Esꞌkohro, nobo re wahn ane kpee, wahn jol go ntir ntir anyehng. Jo tiiren ane bako, wahn fere bel elkoro atemtem ana abonanyehn nne, ane bako jo fil-n ndon, wahn fere jo rede elnahne.