2 Korint 7:11 - Ekajuk New Testament

¹¹ Nyehnen ana ndon nyia nyi fil-n go esamahr Esowo lim-n no re nkpa jo tab-n, wahn fere jo yiim-m njahm, atahng wahn joom yebe, ń jo fꞌfahl, fere sahb jo sꞌseb re wahn nyehn-m, jo sahb mell-n melle go egahna ntim re wahn kak nne no ma soodo erem. Wahn ebtib go ejum ajehng ajehng re, ebo ebahne o wobem.

2 Korint 7:11 ပူးပေါင်းရင်းမြစ်များ

NWER NYI MAK 3:5

Jisos, atahng kehm-e rake, eji á mehle no jang. Ndon kehm-e fere fili bada bo. Tibre bo bele etahnsi. Á kehm tongo nne noo re, “Tanne ebo eba!” Á kehm tanne ebo ebe, lohko nob tvtv.

NWER NYI JON 2:17

Abatꞌtoono ebe kehm soro buumu ana nwer Esowo bungu no re, “Ntir nyi n yehke kak, eji n tuungu etahk Esowo, nyi nyi bahke fere wul-m.”

Eltum 17:16

Eji Pol ji go Atens, jo sik Sailas, a Timoti, eltim rak-e sehng, tibre ejahbe jio alokelom tv sehng.

NWER NYI POL NYONO TV ANEB ERO BA LI GO ROM 11:20

Jio lohko li go etingitingi. Abꞌbo nyao Esowo gbakke tib go bo ekꞌtaame. Eltaame ena ni wahnge a kpeke yim. Ka jo geere! Ga nob re wo jo fahl.

NWER NYI POL NYONO TV ANEB ERO BA LI GO ROM 14:18

Nne lꞌloko Kraist go mbang nyia, Esowo bahk-e koko, ane bahke jo tehk-e tehk.

NWER NYI POL NYONO TV ANEB ERO BA LI GO ROM 3:5

Alum nya n yahke bung a, n kpꞌbungu go mbang nyi ane kpo bung. Anv, abꞌbi enyahre lꞌtib re, Esowo li nne no ma li eno, e li ma bung re, Esowo ebsoodo, eji á kak-r erema?

1 Korint 12:25

eji nyꞌyabe anyehng anyehng lꞌkꞌjol go ngubjing, eji ejum ngubjing ajehng ajehng lꞌjo kak ejum jehko ebo.

1 Korint 5:13

Esowo bi kpo lam ane baka baka. Tibre nwer Esowo bungu re, “Kamen ebi nne yehke go egahne ellong!”

1 Korint 5:2

Bahke limi renan, ń kehm gꞌgeere? Ji ga nob li re, wahn jo guunu. Yehken ye jio ji ma lim elkohn ejum ana jio go egahne ellong!

2 Korint 13:7

E kpꞌkake ero ka Esowo re, wahn kꞌlim ebi ajehng ajehng. E nehme seb re wahr tib re, wahr ebsehng mbahbe. E kpꞌsebe re wahn lim ji kpꞌnobo, jol eji li li ana e ma gbo mbahbe.

2 Korint 2:6

Anv, ebgbal, eji egom ejahne gbalee ma ka nne noo erem.

2 Korint 6:4

E kpo tib elnahre go ejum ajehng ajehng re wahr alokeltum Esowo ba. E kpo kpuumu erem abehng abehng, afi e yele nfem, afi e yele ejahkjahk ajehng ajehng, afi ejum ajehng ajehng ji kpan-r,

2 Korint 7:1

Akpondahme enyame, eji Esowo ma nyam elkohn anyam ana nyaa tong-r, nong, wahr ru elnahre, yehke ndahn ndahn go egahre agubjing, a atohko enyahre, fere jol ejahre ejahre ka Esowo abo akpade akpade, tib eji e kpꞌjene go elfahle ni Esowo.

2 Korint 7:7

Lohngem re elbake ene ni ni kak-r eltim. Ji á tong-r no bade ana á bobo eltim tib wahn, ji ji tob kak-r eltim. Tibre á tong-r bade ana kp-n sahb kꞌkor re wahn nyehn-m, ana ń li ndon ndon, ana ń kp-m yiimi njahm. Owo wahnge n kpe bel eyebatahng budu.

2 Korint 7:9

Wo anv, me m bel eyebatahng, lohngem re, tib eji m ma-n lim, ḿ ma jol ndon wo. M bele eyebatahng, tib eji ndon enyahne ma-n lim, ḿ ma yaange mbang enyahne. Tibre ndon nyi fil-n no, jolo elkohn ndon nyi kpo kor Esowo. Wahr sang wahng ka ń rannge no go eyaame ajehng ajehng.

2 Korint 9:2

Tibre n kpꞌkahne re, kp-n koro re wahn kak ebo. Owo wahnge n kpꞌworo nnyo tib wahn go esamahr aneb Masedonia re, “Aneb Akaya toobo ebjing yamahne yamahne.” Ekpuku ji ń kpꞌkake ji ma melle ane gbalee go bo ellong.

Efesus 4:26

Ntim lꞌrak-n, kana jo taame, eji erakatahng ejahne lꞌko-n, ń song lim abiafem. Kana taame re, njul lahm tv-n erakatahng go egahna ntim.

Efesus 5:11

Kana jo yel ellong ane ba kpo lim nsol nyi ki lohng ejumjum, nyi li ka ejannge. Ga nob re wahn jo tib gbul gbul gbuul re, nsol nyio ejumjum o lohngem.

Filipai 2:12

Akpondahme enyame, ana ń jo wuk-m ngare anyehng anyehng eji n jolo a nahne, anv, eji n ki kpe li a nahne wo ga nob re, wahn jo ga-m wuk. Noken go elfahle, a akahb akahme, eji ń lꞌgohro bel eltahre enahne.

1 Tesalonaika 4:6

Nong, nnene kꞌjo soodo mmonannyehn, fere wer-e taare nsol enye. Tibre nne awohng awohng no lꞌlim ano, Ntul Esowo wo bahk-e bongo ana e ma-n tohko rehke tꞌtahne.

1 Timoti 5:20

Ane ba kpo lim abiafem, jo rehke bo go elkab ane, eji ane bako lꞌfahl.

2 Timoti 2:15

Jo nok, eji a lꞌjol nlimeltum no nno go esamahr bi Esowo, ana nlimeltum no kil jo be ndon, eji á kpi eltum Esowo lim. Jol nne no kpo tooro atingitingi alum nya Esowo go nseenga nseenge.

Taitus 3:8

Alum nyaa li go etingitingi. N kpꞌsebe re, wo yiimi tꞌtahne go nsol nyia, eji ane ba ma taame tv Esowo lꞌjo kunu ekpu, jo rod ngare abo, jo lim nnoobo. Nsol nyia kpꞌnobo, kpi nsehng nyi bahke kake ane.

Hibru 4:1

Enyam bi Esowo nyame no re e bahke yele go ege edi erekekv bia, kpeke li. Nong, wahr jo fahlen, eji Esowo lꞌkꞌtong nne awohng awohng ewahne re, yebsa go njahm.

Jems 3:17

Elkahne ni lohng go ero ni a. Ngbokambang, li saang, kpi elkoono seb, li soom, esi kpehme tahne, kpi ndon gbalee, a akab nya nno, nfaabe anyehng anyehng limm, awini limm.

1 Pita 1:17

Ń kpo lung Esowo re, Nsoo, ń lꞌkak ero ka-e, ye ji kpo lam nne awohng awohng, jang jang ana ji á limi no. Ano wo fvfo nobo re wahn jo jen go ege elfahle, eji ń kpeke li go njini nyia ana ajenne.

1 Pita 2:2

Jolen ana abonbili ba abel kpo kor bo ngare anyehng anyehng, bo jo yab. Ń lꞌyab abel nyao nya etohko, owo ḿ bahke gbale, fere bel eltahre.

NWER NYI JUD 1:23

Tahren egom jindiki yehke go agun. Jo tiben ndon nyi li semme elfahle. Nong, ewobo ji kpi adale nyao nya abiafem jo sab-n.

Ellennge 3:19

N kpo nyam ane ba kp-m koro, fere jo kak bo erem. Niiri lꞌlun, wo yake mbang enya nyio.