2 Korint 6:6 - Ekajuk New Testament

⁶ E kpo tib elnahre re, wahr alokeltum Esowo ba, eji e li saang, e ma fere bel elkahne, a elkpooro, a nnoobo eljini, a Etingi Etohko, go elkoro ni li go etingitingi,

2 Korint 6:6 ပူးပေါင်းရင်းမြစ်များ

NWER NYI POL NYONO TV ANEB ERO BA LI GO ROM 12:9

Nong, elkoro enahne jol elkohn ni li go etingitingi, abꞌbi jo sab-n, wahn fere tahm tonngo go nsol nyi kpꞌnobo.

NWER NYI POL NYONO TV ANEB ERO BA LI GO ROM 15:19

Tibre Esowo ka-m nsahm re me n tib nliingi, fere lim akpokosi go nsahm nyio nyi Etingi Etohko. Owo n kehm tahme song tiingi nnoobo etib bi Kraist, tong nne awohng awohng, bomo go Jerusalem, woor tete song rehng Illirikum.

1 Korint 12:8

Etohko jꞌnehm ji kpo lim nne noko jo bung alum nya nne a ngbere, jꞌnehm ji kpo tob lim nne noko jo bung alum elkahne,

1 Korint 13:4

Elkoro ni kpo lim nne á mal elkpooro, fere jol soom. Elkoro kpimm ala ateele, kpimm ejum nnyo aworo, kpimm elgeere.

1 Korint 2:16

Nwer Esowo bungu re, “Nne awo li nne no kpꞌkahne ntir nyi Ntul Esowo, nyi á bahk-e tubu elle?” Wahr ba kpi ntir nyi Kraist.

1 Korint 2:4

Etib bi n tiingi no, a alum nya m bungu no, m bungem ana nne no kpo sahb mꞌmal elbungu go elkahne ni nne. N fere jo tib nsahm nyio nyi etohko ji Esowo,

2 Korint 1:23

N kpꞌlungu Esowo bi kpꞌkahne eltim ename re á yiim-m ntianse. N kpeem ba go Korint, tib eji n lꞌyak-n, ki-n kak erem.

2 Korint 11:11

Jen ji wahnge n kehm bꞌbung ana fono? Anv, lohngo re, me ń nehme kora? Esowo kpꞌkahne re ń kp-m koro.

2 Korint 11:4

Nne nondiki lꞌba, ba bung bada Jisos go mbang nyindiki nyi e ki bung, ń soro taame tvtv. Ń lꞌfere bel etohko jindiki ji ń ki bel wuku wuku, fere wuk nnoobo etib bi ń ki taame tv wuku wuku, ń soro taame na taame tv.

2 Korint 11:6

Jol afi n limm nne no kpo mal elbungu, n kpi elkahne ni ń jo nyehn go egahre elkpin ngare anyehng anyehng go ejum ajehng ajehng.

2 Korint 12:15

Atahng kp-m yebe re me n fad ejum ajehng ajehng ji n kpi no, kak a mefono antahng tib go esi ji atohko enyahne, jol eji elkoro ni n kp-n koro ki bꞌbik a ni wahn kpi me kor.

2 Korint 13:10

N kpꞌnyono nsol nyia, eji n ki li a nahne, eji n lꞌba, n lꞌkꞌba bib a nahne tib go nsahm nyi Ntul Esowo ma-m ka re me n jo lim ane, bo gbal. M-e á kaam re me n jo lim bo, bo rannge.

2 Korint 2:10

Nne awohng awohng no ń lꞌtahm ka-e, m bahke tob tahm ka-e. Lꞌjol re, ejum lꞌlohko jol ji nne noo sood-m no, ejum jio, me n tahm ka-e go esamahr bi Kraist tib go egahne esi,

2 Korint 2:4

Eji n nyono nwer nyio, n joom bang, eltim jo gbiing-m sehng, n nyono a abonngo go amahr. N nyonem, eji ń lꞌjol na ndon ndon. N nyono, eji ń lꞌkahn elkohn egburu elkoro ni ń kp-m koro.

2 Korint 3:3

Eblohko tib re, wahn ba li nwer nyi Kraist ko-r nyon. Á nyonem go alahb nwer, á nyono go etohko ji Esowo bi li go elkpin. Á fikem go atal, á nyono kak go ntim ane.

2 Korint 4:6

Tibre Esowo bꞌnehm bi bungu re, “Ellennge jol go ejannge,” bꞌnehm bi ma kak ellennge go egahra ntim, nio ni elkahne ni ellub ni Esowo go esamahr bi Kraist.

2 Korint 7:2

Nong, wahr woom-n go egahna ntim. E ka soodo nnene. Jol e ka rannge nne awohng awohng. E ka lim a lim nne awohng awohng amahr.

Galesa 3:2

Ejum ajehng ji ji n kpꞌsebe re wahn tong-m. Anv, ḿ bele Etingi Etohko tib eji ń jo bum atahma, afi eji ń wuku alum Esowo, fere taame?

Galesa 3:5

Wo anv, eji Esowo ma-n ka Etingi Etohko, fere kpꞌlimi akpokosi go egahne ellong, á kpꞌlimi ano tib eji ń kpꞌbumu atahma, afi tib eji ń kpꞌwuku alum Esowo, fere taame?

Galesa 5:22

Akab nya etohko nya a, elkoro, eyebatahng, elkoono, elkpuumu, eljini anobo, nnoobo alimi, eltaame,

Efesus 3:4

Ń lꞌlung alum nyao, owo ḿ bahke kahne elkahne ename ni n kpꞌkahne nkpokosi nyi li bada Kraist, nyi Esowo behre no,

Efesus 4:2

Jo reden elnahne, wahn jol soom, jo kpooro. Jo tiben elkoro enahne, eji ń kpo kpuumu ka atemtem.

Efesus 4:32

Ga nob re wahn jo tib atemtem nnoobo eljini, fere bel eltim ndon, fere jo tahm ka atemtem, ana Esowo ma tahm ka-n, tib eji n li ajehng a Kraist.

Kolosa 1:27

ba á ma yehke re bo kahn afang nya ellub ni wob go ejum ji Esowo behre mahne mahne, ji li Kraist ji wob go egahne atahng, wahn ji li ane ba ki li Jus. Ye wo wahnge ekunukpu ejahne li re, ḿ bahke jolo go ellub ni Esowo.

Kolosa 2:3

Goji Kraist wo Esowo behre afang nya elkahne ene kpee, ni á kpꞌkahne.

Kolosa 3:12

Wahn ane ba koro Esowo, á yehk-n no re wahn jol ejahne ejahne. Fvfo, belen nsol nyi kpo fuumu aneb Esowo, ana ndon, nnoobo eljini, eltim ni li rede rede, eljolo soom, go elkpooro.

1 Tesalonaika 2:10

Wahn ba li atianse enyahre, ano wo fvfo Esowo tob li ntianse enyahre, ana e jo lim eljini ni Esowo go egahne ellong, wahn ane ba ma taame tv Esowo, fere jol go etingitingi, egahme ajehng ajehng e belem.

1 Timoti 4:12

Nong, nne awohng awohng ki-a daange, tib eji a li njangkun. Jo tib eljini ni aneb Esowo bako bahke jo leeme, ana alum abungu, eljini atibi, elkoro, ekakesehk, go eljolo saang.

1 Timoti 5:2

Anebkal ba li anebkul, jo ko bo ana babnne. Agbahme, jo ko bo ana abonane ba nkal. Nobo re wo jo bum elna saang.

2 Timoti 3:10

Wo Timoti, wobwuk eltibi ename, fere nyehn eljini ename. A kpꞌkahne ji wahnge n kpi elkpin ana nia. A nyꞌnyehn ekakesehk ejame, fere nyehn ana n jolo soom. A nyꞌnyehn elkoro ename, fere nyehn ana n jo kpuumu.

2 Timoti 4:2

wo jo bung alum Esowo, kꞌjo be ndon, afi jolo ngare anyi. Jo lennge abiafem tong bo, wo fere jo nyam bo, fere jo rehke bo. Lim nsol nyia kpee go mbang nyi a kpꞌtibi na bo, a elkpuumu.

Taitus 2:7

Wofono antahng jol ano ona go ejum ajehng ajehng, eji ane lꞌleeme nnoobo nyi a kpꞌlimi. A lꞌkehm tibi, ka jo be esamahr ane. Jo tib go mbang nyi ane bahke lohko kahn re, etib eba li etahntahn etib.

Jems 3:17

Elkahne ni lohng go ero ni a. Ngbokambang, li saang, kpi elkoono seb, li soom, esi kpehme tahne, kpi ndon gbalee, a akab nya nno, nfaabe anyehng anyehng limm, awini limm.

1 Pita 1:12

Esowo lennge ka abanyehnamahr bao re, etib bio jolem ka bo, li ka wahn. Etib bia bi li nnoobo etib bi abungalum Esowo tiing-n no. Nnoobo etib bia, Etingi Etohko ji tumu go ejahbetul Esowo tv. Jol babenjel bahke tob kor bo re, bo tob fahng, eji bo lꞌtob kahn nsol nyia.

1 Pita 1:22

Anv, ana ḿ ma ru ntim enyahne saang, eji ń kpꞌtoono etingitingi, abonane ejahne fere jo sahb kor-n kor, jo belen etingitingi elkoro atemtem, a ntim a ntim enyahne kpee.

1 Jon 3:18

Abon ebame, nong, wahr kꞌbel elkoro go alum nnyo nya nya, wahr belen etingitingi elkoro ni kpo lohko lim etingitingi.