2 Korint 6:10 - Ekajuk New Testament

¹⁰ E li ndon ndon, wo tvtv o, e kpo bel na eyebatahng ngare anyehng anyehng. E li akpak, wo tvtv o, e kpꞌlimi na ane gbalee, bo jo gbo afang. E kpimm ejumjum, wo tvtv o, wahr ebbel ejum ajehng ajehng.

2 Korint 6:10 ပူးပေါင်းရင်းမြစ်များ

Matiu 5:12

“Belen eyebatahng, wahn jo geere. Tibre eltuuru enahne ni li go ejahbetul Esowo kpꞌgbale. Ano wo bo jo tob nohk abanyehnamahr Esowo ba tohko jol, wahn kehm jini.

Matiu 5:4

“Elfuulu li ka ane ba jehk ndon ndon. Tibre bo bahke kake bo eltim.

NWER NYI LUK 6:21

“Elfuulu li ka wahn ji njal kp-n yame anv, tibre ḿ bahke wohngo. “Elfuulu li ka wahn ji kpꞌlingi anv, tibre ḿ bahke wolo asol.

NWER NYI JON 16:22

Mbang nyꞌnehm nyi, ń li go ndon anv, ḿ bahk-m kpe nyehn. Ngare nyio ntim enyahne bahke gbale go eyebatahng.

Eltum 16:25

Nlum atv, Pol, a Sailas kehm kehme ero kak, fere jo yim ase, jo tehk Esowo. Aneb agbekobo bako jo wuungu atung, jo wuk.

Eltum 3:6

Pita kehm bungu re, “Asilva, a agul n kpimm. Ji n kpi no, ji ji m bahk-a kake. N kp-a tongo go mbing nyi Jisos Kraist ji Nasaret re, Mehl, wo jen!”

Eltum 5:41

Abatiingetib Jisos kehm lohngo, ane bao sa ekpꞌkpa esub o, tahm ebo. Bo bele eyebatahng tib eji Esowo kpunu bo, bo nyehn erem bio bi esono tib go esi ji Jisos.

NWER NYI POL NYONO TV ANEB ERO BA LI GO ROM 11:12

Eji abiafem nya Israel ko afang ba ka njini, fvfo ekpak bi bo gbo no bi ma lim ane baka baka ma gbo afang, elfuulu bahke gbale sehng ngare nyi Israel kpee bahke feere goji Esowo.

NWER NYI POL NYONO TV ANEB ERO BA LI GO ROM 12:15

Jo tob belen eyebatahng a ane ba kpi eyebatahng, wahn tob jo ling a ane ba kpꞌlingi.

NWER NYI POL NYONO TV ANEB ERO BA LI GO ROM 15:13

Nong, Esowo bi li nfono ekunukpu gohr-n ruru eyebatahng, a elkoono tib eji ḿ ma taame tv-e, eji ekunukpu ejahne lꞌjo gbal asongo tib go nsahm Etingi Etohko.

NWER NYI POL NYONO TV ANEB ERO BA LI GO ROM 8:32

Ye ji ki nok Mmon ewe bum, á yak-e no ka tib go egahre esi, wahr ane kpee, anv, wahr á nehm tob ka nsol kpee buda?

NWER NYI POL NYONO TV ANEB ERO BA LI GO ROM 9:2

eltim ename ebgbal ndon ndon. Ala kpi-m nteele nteele.

1 Korint 1:5

Tib eji ń li ajehng a Jisos, owo wahnge ḿ ma fang go alum abungu kpee, a elkahne anehng anehng.

2 Korint 2:4

Eji n nyono nwer nyio, n joom bang, eltim jo gbiing-m sehng, n nyono a abonngo go amahr. N nyonem, eji ń lꞌjol na ndon ndon. N nyono, eji ń lꞌkahn elkohn egburu elkoro ni ń kp-m koro.

2 Korint 4:15

Nsol nyia kpee li tib go egahne esi, eji Esowo lꞌbel ellub tib go ege a nnoobo nyi ma gbal gbalee, eji ane gbalee kp-e kake saam.

2 Korint 4:7

Wahr ji kpi afang nyaa, e li ana atu, eji egburu nsahm nyio lꞌjol nyi Esowo, lꞌkꞌjol nyꞌnyahre.

2 Korint 8:9

Tibre ń kpꞌkahne nnoobo nyi Jisos Kraist Ntul ewahre. Jol eji á jolo efange nne, á fere gbo ekpak tib go egahne esi, eji ekpak ebe lꞌwahng, ń gbo afang.

Efesus 3:16

N kpꞌgboongo Esowo bi kpi afang nyao nya ellub ene re, á ka-n eko, eji ń lꞌbel atahne go egahne atahng tib go ege etohko,

Efesus 3:8

Jol eji me n li li nne no ga rede go ellong aneb Esowo, Esowo ma-m ka nnoobo nyi m bahke jo tong ane baka baka bade afang nya Kraist, nya nne lꞌkꞌma ko gare,

Filipai 2:17

Lꞌfere jol re bo bahk-m rodo, yaange ana alahb njom wohng go ejum njom, ji li elloko ni ń kpꞌloko Esowo bi ḿ ma taame tv-e, n kpꞌgeere, fere bel eyebatahng a nahne.

Filipai 4:4

Jo belen eyebatahng ngare anyehng anyehng, tib eji ń li ajehng a Ntul Esowo. N kpꞌkpeke bung re wahn bel eyebatahng.

Kolosa 1:24

Eltim kp-m yebe go egame erem bi n kpꞌnyehne tib go egahne esi. Tibre n kpꞌgohro nyehn erem bi Kraist nyehne no sa go egama ngubjing, tib go esi ji ngubjing enye nyi li aneb ero.

Kolosa 3:16

Nong, alum nya Kraist jol a nahne go egahne ellong gbꞌgbal. Jo tiben, wahn fere jo rehke atemtem go elkahne ni Esowo kpee, eji ń kpo yim ase Saams, fere yim ase ero, fere yim ase nyako nya etohko. Jo yimen go egahne atahng ka Esowo, a saam akake.

1 Tesalonaika 1:6

Owo wahnge ń kehm leeme eljini enahre, fere tob leeme ni Ntul a Jisos, eji ń ko alum Esowo go erem anyehne, Etingi Etohko ji wahng ka ń jo bel eyebatahng.

1 Tesalonaika 5:16

Jo belen eyebatahng ngare anyehng anyehng.

1 Timoti 4:8

Nne lꞌrod ngare nyi á kpi no, jo lim ji li ka ngubjing, nehm kang a ne. Á lꞌjol Esowo Esowo, á bahke bele elfuulu go elkpin ni á li a ni anv, a elkpin nehko ni kpꞌbake.

1 Timoti 6:18

Tong bo, bo jo lim nnoobo, eji bo lꞌgbo afang nya Esowo. Nong, bo jo ka gbalee a ntim a ntim ebo, fere jo wehr abo,

Hibru 10:34

Tibre aneb agbekobo jo fil-n ndon. Jol eji bo taar-n taare nsol enyahne go eko, ń yake na go eyebatahng ka go, eji ń kpꞌkahne re, wahnfono antahng kpi nsol nyi ga nob, nyi bahke jolo go njinanjini.

Jems 2:5

Wuungen atung, akor-m abonanee, Esowo ebyehke ane ba li akpak go njini nyia re bo gbo afang nya li eltaame ni bo ma taame tv-e, fere li etul ebe ana ejum elehke elkv ebo, ji á nyame tong ane re bo bahke bele, ba ye kpi bo kor.

1 Pita 4:13

Ga nob re wahn jo geere, eji ń kpꞌtob nyehn erem bi Kraist nyehne no, tib eji ń lꞌtob geere ngare nyi bo bahke lennge ellub ene.

Ellennge 2:9

“N kpꞌkahne erem eba bi a kpꞌnyehne. N kpꞌkahne ana a ma gbo ekpak, jol eji a li li efange nne. N kpꞌkahne abi nsol nya ane ba kpo lung elbo re, ‘Jus’ kpo bung tob-a, na nyehne, Jus sang, bo li ka nnehm.

Ellennge 21:7

“Nne awohng awohng no lꞌga anebekv ebe, á bahke lehke elkv nia. M bahke jolo Esowo ebe, ye bahke jolo mmon ewame.