2 Korint 5:17 - Ekajuk New Testament

¹⁷ Fvfo, nne awohng awohng no li ajehng a Kraist, ye nne a nfenfe wo. Akꞌkulu nsol ebmal, anv, nya nfenfe nya ma fere ba.

2 Korint 5:17 ပူးပေါင်းရင်းမြစ်များ

Matiu 12:33

“Re wahn kehm jo bong anoobo akab nti, lohngo re ḿ bahke bahme na nnoobo eti. Ń lꞌbahm ebi eti, ḿ bahke bongo abi akab. Tibre go akab nya kabe no nya, bo bahke liingi eti jio.

Matiu 24:35

Elbung abola ndi bahke tane, alum enyame nehm tiki tan.”

NWER NYI LUK 5:38

Amahm ma kpꞌfahle, bo bahke jo kak go eyahbe nfenfe.

NWER NYI JON 14:20

Efung bio bi ḿ bahke kahne re, me n wob Nsoo go atahng, wahn wob-m go atahng, me n tob wob-n go atahng.

NWER NYI JON 15:2

Mbꞌbo eti anyehng anyehng nyi tohko kab akab, á gbahk tub go. Mbꞌbo eti anyehng anyehng nyi lꞌkab akab, á kpo tele na sere, eji lꞌkpe kab akab gbalee budu.

NWER NYI JON 15:5

“Me wo li ekꞌkv eti, wahn ba li abꞌbo eti. Nne no lꞌya laak-m, ye wo m bahke tob laak-e, á bahke kabe akab gbalee. Tib tohko tiki jol re, ń ya laake me, ń nehm ma lim ejumjum.

NWER NYI JON 17:23

m bahke woomo go bo atahng ana wo wob-m go atahng, eji bo lꞌlohko jol na ajehng ana jꞌjehng. Ano wo bahke wahnge njini kahn re, wo li nne no tum-m no, fere kahn re, bo kp-a koro ana n kp-a koro.

NWER NYI JON 3:3

Jisos kehm-e faange re, “Etingitingi, n kpꞌbungu tong-a re, Tohko tiki jol re, nne kpe tuungu jini, á nehm tiki nyehn etul bi Esowo.”

NWER NYI JON 3:5

Jisos kehm faange re, “Etingitingi, n kpꞌbungu tong-a re, Tohko tiki jol re, nne kpe tuungu jini go alahb, a Etingi Etohko, á nehm nyehn etul bi Esowo.

NWER NYI POL NYONO TV ANEB ERO BA LI GO ROM 16:10

Kaken Apelles nnyo, ye ji ma lohko tib re, ye li ka Kraist. Kaken ane ba lene etahk Aristobolus nnyo.

NWER NYI POL NYONO TV ANEB ERO BA LI GO ROM 16:11

Kaken Herodion nnyo, ye ji tob li nne a Jus ana me. Kaken aneb Esowo nnyo, ba li etahk Narsisus.

NWER NYI POL NYONO TV ANEB ERO BA LI GO ROM 16:3

Kaken Priska, a Akwila nnyo, ba e kpo lim eltum anehng a bo, ni Kraist Jisos.

NWER NYI POL NYONO TV ANEB ERO BA LI GO ROM 16:7

Kaken Andronikus nnyo, a Junias, bo ji e wob ngbekobo ano, ba tob li Jus ana me, bo ji abatiingetib kpo kak bo. Bo ba gbo mbang taame tv Kraist ka me.

NWER NYI POL NYONO TV ANEB ERO BA LI GO ROM 16:9

Kaken Uranus nnyo, ji kpo tob lim eltum ni Kraist ana wahr. Kaken Stakis, ekpondahme ejame nnyo.

NWER NYI POL NYONO TV ANEB ERO BA LI GO ROM 7:6

Wo anv, wahr ebfor go atahm, eji e ma kpo, lohng go elwo ni ejum ji fil-r no, eji e lꞌkꞌkpe loko Esowo go nkꞌkula mbang ana nyi bo nyono go atahm, e lꞌfere lok-e go mbang nyi nfenfe nyi etohko ji Esowo kpo tib.

NWER NYI POL NYONO TV ANEB ERO BA LI GO ROM 8:1

Fvfo, ane ba li ka Kraist Jisos nehm kpe li ebi ajehng ajehng go esamahr bi Esowo.

1 Korint 1:30

Ye wo ka-n Jisos Kraist, eji ń lꞌjol go elkpin nꞌne. Kraist wo, Esowo m-e ko, lim-r e ma jol akahnkahn, fere li eno go ege esamahr, fere jol ejahre ejahre. Ye wo ma-r fak yake.

1 Korint 13:11

Eji n jolo mmonse, n jo bungu ana mmonse, fere jo tir ana mmonse, fere jo lim ese. Eji m ma gbal, jol nne, n kehm soro yake nsol ese nyio tv go.

2 Korint 12:2

N kpꞌkahne nne a Kraist, no bo m-e rod tahm a ne go nkpake elbung nyehko nyi biingi na era. Ewubu a nnya eni nyi ma kang a. Ma bo rod-e a ngubjing a ngubjing nji. Ma bo rod-e go etohko wo wo nji. Esowo bi kpꞌkahne.

2 Korint 5:16

E kpehme kpe ko ane ana bo li go njini nyia. Ngare anyehng e ko Kraist go eyaame ji nne. Wo anv, e nehme kpe lim ano.

2 Korint 5:19

Ji n kpꞌbungu a, lohngo re, Esowo woomo Kraist go atahng, fere lim njini jol go etem a ne, bi li re, á nehm kpe fange abiafem ebo. Ye wo ma yake etib bio ka-r, bi kpo tib ana e bahke jolo go etem a ne.

2 Korint 5:21

Tibre Kraist ji ki lim abiafem, ye wo Esowo ko-e lim ejum abiafem tib go egahre esi, eji e lꞌli eno go ege esamahr, e lꞌjol ajehng a Kraist.

Galesa 3:28

Anv, elyaange anehng anehng kpeem li, afi jolo aneb Jus, afi fere jolo ane baka baka, afi jolo aju, afi fere jolo ane ba ki li aju, afi jolo aneblum, afi fere jolo anebkal, wahn kpee li ajehng a Kraist Jisos.

Galesa 5:6

Go ejang bi Kraist, afi nne yehke nrur, afi á yehkem, nsehng anyehng anyehng limm. Nsehng li go eltaame ni nne kpo taame tv Jisos, eji á kpꞌlimi ejum ajehng ajehng go elkoro.

Galesa 6:15

Afi nne yehke nrur, afi á yehkem, ejumjum o limm. Ji li no li re, á jol nne a nfenfe.

Efesus 2:10

Wahr ba li eltum ni Esowo limi no. Á lim-r goji Kraist Jisos re wahr lim nnoobo nyi Esowo toobo bum wuku wuku re wahr jo lim.

Efesus 2:15

Elkv ni á kpo no go ngubjing ni wahnge e ki kpe li anebekv ba Esowo, ba kpo soodo atahm. Jisos wo ba range atahm, eji á lꞌlim njahm ebal ebal, bo jol ajehng, fere jol aneb nfenfe, ba ma bel elkoono a Esowo, tib eji bo li ajehng a ne.

Filipai 4:21

Kaken nne Esowo awohng awohng nnyo, no li ka Kraist Jisos. Abonanee ba li a name kp-n tob kak nnyo.