2 Korint 5:10 - Ekajuk New Testament

¹⁰ Tibre wahr ane kpee bahke yiimi go eti elam ji Kraist, eji nne awohng awohng lꞌbel ana ji á limi no ngare nyi á jolo go ngubjing nyia. Li ma jol ji kpꞌnobo, li ma jol ji kpꞌsabe.

2 Korint 5:10 ပူးပေါင်းရင်းမြစ်များ

Matiu 16:27

“Tibre Mmon no nne yahke ba elbake go ellub ni nde, a enjel enye. Owo á bahke tuuru nne awohng awohng jang jang ana á limi no.

Eltum 10:42

Á tong-r re wahr jo bung alum Esowo tong ane, fere jo yiimi ntianse re, ye wo Esowo m-e yehke re á lam aneb mbir mbir, fere lam ane ba ma kpo.

Eltum 17:31

Tibre yebkunu afung nya á bahke njini nyia kpee lam nob nob go nnyo mi nne no á ma yehke. Esowo eblennge jia ka nne awohng awohng, eji á nyahme nne noo go elkv.”

NWER NYI POL NYONO TV ANEB ERO BA LI GO ROM 2:16

Ano wo bahke jolo go efung bi Esowo bahke lame nsol nyi wob ane go atahng sehng goji Jisos Kraist. Ejum jia ji n kpo kono eltiingi go egama nnoobo etib.

NWER NYI POL NYONO TV ANEB ERO BA LI GO ROM 6:19

Mbang nyi nne nyi n kpꞌbungu a. Tibre n tohko bung ano, ń nehm kahn ana lohngo no. Wuku wuku ń yake agubjing enyahne ka, fere jol aju nya nsol nyi ki li saang, ń jo gbale go abꞌbi. Anv, yaken agubjing enyahne ka, wahn fere jol aju nya nsol nyi li go etingitingi, eji ń lꞌjol ejahne ejahne.

1 Korint 4:5

Owo wahng ka nobo re wahn kꞌjo lam nne awohng awohng, ngare nyio kehm rehnge, nyi Ntul ewahre bahke bake. Nsol nyi li mbehr mbehr go ejannge, á bahke lohngo a nyi go edi ji li gbuul. Nsol nyi wob go ntim ane, á bahke lennge, nne awohng awohng nyehn. Owo Esowo bahke kehm tehke nne awohng awohng ana fuumu re á tehk-e.

2 Korint 7:3

M bungem ana re me n ka-n ebi. Ana n tohko bung, ń wob-r go eltim, afi e kpo na, afi e li go elkpin, e bahke jolo ajehng.

Efesus 6:8

eji ń kpꞌkahne re, nnoobo anyehng anyehng nyi nne limi no, nyi nyi Ntul Esowo bahke feere a nyi ka-e, jol afi á jolo nju, afi nju á jolem.

Hibru 9:27

Ana nne awohng awohng bahke kpoko nkpelkpel anyehng, kehm song yiimi go eti elam ji Esowo,

1 Pita 4:5

Esowo bahke bahbe bo bade ejum ajehng ajehng ji bo limi no, ye ji ma toobo ebjing re á bahke lame aneb mbir mbir, fere lam ane ba ma kpo.

Ellennge 2:23

M bahke wulu abon ebe. Ano wo bahke wahnge aneb ero kpee kahn re, me wo li nne no kpo rab atahng ma nne. M bahk-n tuuru go nne awohng awohng jang jang ana ń limi no.

Ellennge 22:12

Jisos kpe bung re, “Kpuren, n kpꞌbake go elwaare. M bahke koko eltuuru ename ba a ni ba tuuru nne awohng awohng ana á limi no.