2 Korint 4:7 - Ekajuk New Testament

⁷ Wahr ji kpi afang nyaa, e li ana atu, eji egburu nsahm nyio lꞌjol nyi Esowo, lꞌkꞌjol nyꞌnyahre.

2 Korint 4:7 ပူးပေါင်းရင်းမြစ်များ

Matiu 13:44

“Etul bi Esowo tob li ana elkohl akpohko ni bo behre go egbe. Nne awohng kehm song nyehn, tuungu behr. Á bele eyebatahng sehng, kehm song gungu nsol enye kpee nyi á bele no, fere ba gunu edi egbe jio.

Matiu 13:52

Á kehm tongo bo re, “Owo wahnge ntꞌtibi no atahm awohng awohng no ma jol ntꞌtoono Esowo, no ma kpili bade etul bi Esowo, á li ana nfontahk no kpo yehke nsol afang enye go elkohl, nyindiki nsol nfenfe, nyindiki akꞌkulu nsol.”

NWER NYI JON 16:33

M bungu alum nyaa tong-n, eji ń lꞌbel elkoono tib go egame esi. Go njini nyia ḿ bahke jo bel afemfem. Kana jo tiiri, me n ga njini nyia.”

1 Korint 1:28

Esowo ebyehke nsol nyi li rede rede, nyi kil jo lub ane ba li go njini nyia, nyi bo kpo fere bung re, “Ejumjum o lohngem!” eji á lꞌrede nsol nyi njini kpo tir re li atahntahn nsol, eji lꞌkꞌkpe jol ejumjum.

2 Korint 10:10

Tibre bo kpo bung re, “Awer nya Pol kpi nsahm, kpo fere lub-r. Á lꞌjol a nahre, á kpo kooko sehng, alum enye kpehme tohko jꞌjol ejumjum.”

2 Korint 13:4

Jol eji bo kum-e kum go ekros ana nne no kpꞌleenge, anv, á li go elkpin tib go nsahm nyi Esowo. Eji e li ajehng a ne, e kpꞌleenge. E bahke jolo go elkpin a ne tib go nsahm nyi Esowo, e lꞌjol go egahne ellong.

2 Korint 4:1

Fvfo, eji Esowo ma-r ka eltum nia tib go ege a ndon, e nehm yini ekpu.

2 Korint 5:1

Tibre e kpꞌkahne re, ebkpatahk bi e wob a, bi li ngubjing enyahre nyi e li a nyi go njini nyia lꞌrannge, e kpi etahk ji Esowo si no, ji nne ki si go abo, ji bahke jolo go njinanjini go ejahbetul Esowo.

2 Korint 6:10

E li ndon ndon, wo tvtv o, e kpo bel na eyebatahng ngare anyehng anyehng. E li akpak, wo tvtv o, e kpꞌlimi na ane gbalee, bo jo gbo afang. E kpimm ejumjum, wo tvtv o, wahr ebbel ejum ajehng ajehng.

Efesus 2:5

á ma-r ka elkpin a Kraist, jol eji e jolo jol ane ba kpo no, tib go egahra nsoodo. Tibre nnoobo nyi Esowo nyi wahnge ḿ ma bel eltahre.

Efesus 3:8

Jol eji me n li li nne no ga rede go ellong aneb Esowo, Esowo ma-m ka nnoobo nyi m bahke jo tong ane baka baka bade afang nya Kraist, nya nne lꞌkꞌma ko gare,

Kolosa 1:27

ba á ma yehke re bo kahn afang nya ellub ni wob go ejum ji Esowo behre mahne mahne, ji li Kraist ji wob go egahne atahng, wahn ji li ane ba ki li Jus. Ye wo wahnge ekunukpu ejahne li re, ḿ bahke jolo go ellub ni Esowo.

Kolosa 2:12

Eji ḿ bele ewohngalahb, lohngo re, bo ma-n kpa kak a Kraist. Ewohngalahb ji ḿ bele no ebtob lohng re, wahn ebnyahme a Kraist tib go egahne eltaame, tibre wahn ebtaame tv nsahm nyi Esowo bi nyahm-e go elkv,

Kolosa 2:3

Goji Kraist wo Esowo behre afang nya elkahne ene kpee, ni á kpꞌkahne.

1 Tesalonaika 1:5

Etingitingi, nnoobo etib bi e ba tiing-n, e joom bung alum nnyo nya nya, ń fere nyehn nsahm nyio nyi Etingi Etohko, fere lohko kahn re, alum enyahre lohko li go etingitingi. Tibre ń kpꞌkahne elkpin ana ni e jolo a ni ngare nyi e jolo a nahne. E jo limi ano tib go egahne esi.

1 Tesalonaika 4:4

Nne awohng awohng ewahne nobo re á kahn ana á bahke jo bum ngubjing enye saang go mbang nyi bahke jo ka Esowo ellub.

2 Timoti 2:20

Go egburu etahk, ajoobo nsol nyaa gbalee, ana nkpingi, nyimongo bo limi go agul, nyimongo bo limi go asilva, nsol nyimongo bo ko nti lim, nsol nyimongo bo ko ndi lim, nsol nyimongo nyi nno nyi, nsol nyimongo kpꞌsabe.