2 Korint 4:16 - Ekajuk New Testament

¹⁶ Ano wo wahnge e lꞌkꞌyini ekpu. Jol eji agubjing enyahre kpꞌrꞌrannge asongo, atohko enyahre kpꞌjolo na nfenfe efung abehng abehng.

2 Korint 4:16 ပူးပေါင်းရင်းမြစ်များ

NWER NYI LUK 11:3

Jo ka-r nsol alehke nyi lꞌbiingi a nahre go efung efung.

NWER NYI POL NYONO TV ANEB ERO BA LI GO ROM 12:2

Kana jol jang jang ana njini nyia. Jo belen ntir atahng nyi nfenfe, eji elkpin enahne lꞌjo yaange. Ana wo ḿ bahke jo kahn mbang nyi Esowo, fere kahn ji kpꞌnobo, ji kpo kor Esowo, ji li go nseenga nseenge.

NWER NYI POL NYONO TV ANEB ERO BA LI GO ROM 7:22

Atahm nya Esowo kpo yeb-m go atahng.

1 Korint 15:58

Owo abonanee, nobo re wahn jo yiimi tꞌtahne, eji nne lꞌki-n ma nyeenge go mbang anyehng anyehng. Yelen kꞌkahb go eltum Esowo, wahn jo lim, eji ń kpꞌkahne re, eltum ni ń kpꞌlimi ka Ntul ewahre, ń nehme lim mbol mbol.

2 Korint 12:15

Atahng kp-m yebe re me n fad ejum ajehng ajehng ji n kpi no, kak a mefono antahng tib go esi ji atohko enyahne, jol eji elkoro ni n kp-n koro ki bꞌbik a ni wahn kpi me kor.

2 Korint 4:1

Fvfo, eji Esowo ma-r ka eltum nia tib go ege a ndon, e nehm yini ekpu.

Efesus 3:16

N kpꞌgboongo Esowo bi kpi afang nyao nya ellub ene re, á ka-n eko, eji ń lꞌbel atahne go egahne atahng tib go ege etohko,

Efesus 4:23

Nong, ntim enyahne, a ntir atahng enyahne jol nfenfe.

Kolosa 3:10

Wahn ebfere bel elkpin nfenfe ni Esowo bahke jo lim-n, ń jo jol nfenfe nfenfe ngare anyehng anyehng, tete ḿ biingi a ye jio ji lim-n no, ń fere kahn-e kpee.

Taitus 3:5

á ba tahr-r na. Wahr á tahrem tib eji e ma lim nsol nyi li go etingitingi. Á tahr-r tib go ege a ndon, eji á ru-r no go Etingi Etohko, e ma fere tuungu jini, fere jol aneb nfenfe.

1 Pita 3:4

Nobo re wahn bel ano nya li go atahng, nya lꞌkꞌtiki rannge. Belen eljini ni li soom, wahn fere jol fidemm, tibre a wo li ano nya kpꞌnobo go esamahr bi Esowo.

1 Pita 4:14

Elfuulu bahke jolo ka-n, bo lꞌsu-n tib eji ń kpꞌtoono Kraist. Tibre etohko ji Esowo ji kpi ellub jia a nahne.