2 Korint 4:14 - Ekajuk New Testament

¹⁴ Tibre e kpꞌkahne re, Esowo bi nyahme Ntul a Jisos go elkv, á bahk-r tob nyahme a Jisos, fere ko-r awahn awahn, song yiimi go ege esamahr.

2 Korint 4:14 ပူးပေါင်းရင်းမြစ်များ

NWER NYI LUK 21:36

Jo baaben ngare kpe kpe, wahn jo kak ero, eji ń lꞌbel eko ji ḿ bahke foro go nsol nyio kpee nyi bahke limi, wahn fere yiimi go esamahr bi Mmon no nne.”

Eltum 2:24

Esowo bi nyahm-e go elkv. Á yehk-e go erem bi elkv. Tibre elkv we maam kpan.

Eltum 2:32

“Jisos jꞌnehm o wo, Esowo lohk-e nyahme go elkv. Wahr kpee ba li atianse enye, tibre wahr nyꞌnyehn nsol nyio kpee.

NWER NYI POL NYONO TV ANEB ERO BA LI GO ROM 8:11

Etohko ji nne no nyahme Jisos go elkv lꞌwoom-n go egahne atahng, owo nne no nyahme Kraist Jisos go elkv bahke koko etohko eje ji wob-n go egahne atahng, ka agubjing enyahne nya bahke kpoko elkpin.

1 Korint 6:14

Esowo bi nyahme Ntul a Jisos go elkv, á bahke tob nyahm-r go ege a nsahm.

2 Korint 11:2

Tibre ala kpo teel-m tib wahn, ana Esowo, ala kpo teel-e. Tibre wahn ba li ana ngbahme nyi bo kala nꞌnoongo a ne, nyi m bahk-e koko song ka nlum ewe na awohng no li Kraist.

Efesus 5:27

Á limi ano, eji aneb ero lꞌyiimi a egburu ellub go ege esamahr, kꞌbel elem ajehng ajehng, a agbahnggenne, a ejum ajehng ajehng ji li go elfoongo nio, eji bo lꞌjol ebo ebo, kꞌbel egahme ajehng ajehng.

Kolosa 1:22

Anv, tib go elkv ni Jisos kpo go ngubjing ni wahnge Esowo ma-n lim re wahn jol go elkoono awahn a ne, eji á lꞌlim-n, ń jol saang, kꞌbel ebꞌbi ajehng ajehng, nne awohng awohng ki-n jo ma ka ebi, á fere ko-n ba a nahne go ege esamahr.

Kolosa 1:28

Ye wo, e kpo bung bada ne, fere jo rehke nne awohng awohng, fere jo tib-e ajoobo nsol nya elkahne, eji e lꞌko nne awohng awohng ba ka Esowo ana nne no ma gbal go ejang bi Kraist.

1 Tesalonaika 4:14

Ana e kpꞌtaame re, Jisos kpꞌkpo, fere nyahme, ano wo fvfo e kpꞌtob taame re, Esowo bahke sehnge goji Jisos, ko ane bao ba taame no tv-e, ba ma kpo, ba a bo.

Jems 5:15

Ero eltaame bio bahke tahre nne eyam noo. Ntul Esowo bahk-e tabe jehke. Lꞌjol nyi á limi abiafem, Esowo bahke tahme ka-e.

NWER NYI JUD 1:24

Nong, ellub, a agbal, a nsahm, a eko jol ka nne no bahk-n ma fili, ń kꞌgbo, fere ko-n je a nahne go ege esamahr bi ellub ene, eji ń lꞌjol ane ba ki kpi ebi ajehng ajehng, fere jo bel eyebatahng. Ye wo li Esowo ntahngtahng, bi jolo mahne mahne, bi li anv, bi bahke jolo go njinanjini, ye ji tahr-r no sehng go abo nya Jisos Kraist Ntul ewahre. Emen.