2 Korint 3:3 - Ekajuk New Testament

³ Eblohko tib re, wahn ba li nwer nyi Kraist ko-r nyon. Á nyonem go alahb nwer, á nyono go etohko ji Esowo bi li go elkpin. Á fikem go atal, á nyono kak go ntim ane.

2 Korint 3:3 ပူးပေါင်းရင်းမြစ်များ

Matiu 16:16

Saimon Pita kehm faange re, “Wo wo li Mesaya ji Mmon no Esowo bi li go elkpin.”

1 Korint 3:5

Nne awo li li Apollos? Nne awo li li Pol? Bo alokeltum Esowo ba, bo ba wahnge ń taame tv Esowo. Bo, nne awohng awohng kpꞌlimi eltum ni Ntul ka-e re á lim.

2 Korint 3:6

Esowo bi ma-r ka nsahm re wahr jol alokeltum ba egbanngalung ji nfenfe ji ki li go atahm abumu, ji li egbanngalung ji etohko. Tibre atahm kpo wul na, etohko ji kpo ka elkpin.

2 Korint 3:7

Ngare nyi egbanngalung ji Esowo ka atahm enye nya kpo ko elkv ba a ni, nya á fiki go atal, á tibi egburu ellub ene ni wahnge abone Israel ki jo ma seenge esamahr Moses tib go elnyane ni jo nyane. Elnyane nio jo remme na asongo.

2 Korint 6:16

Anv, bahke limi renan, etahk Esowo, a eblom kehm jolo jang jang? Tibre wahr ba li etahk Esowo bi li go elkpin. Ana Esowo bungu no re. “M bahke woomo go bo atahng, fere jo jen a bo. M bahke jolo Esowo ebo, bo bahke jolo ane ebame.”

1 Tesalonaika 1:9

Ane bao kpee kpo bung bade elvvrv ni ń vvr-r no ngare nyi e ba go egahne, fere bung bade ana ń yake eblom ajomo, fere kpꞌloko Esowo bi li go elkpin, ye ji li go etingitingi,

Hibru 10:16

“A wo li egbanngalung ji m bahke limi a bo. Afung nyao lꞌsehng, owo m bahke kake bo atahm enyame go bo a ntim, fere nyon go bo a ntir atahng. Ana wo Ntul Esowo bungu no.”

Hibru 8:10

Ntul Esowo kehm kpe bung re, “Egbanngalung ji a, ji m bahke limi a abone Israel afung nyao lꞌsehng. M bahke kake atahm enyame go bo a ntir atahng, fere nyon go bo a ntim. M bahke jolo Esowo ebo, bo bahke jolo ane ebame.

Hibru 9:14

Lꞌjol ano, anv, alung ma Kraist sang bahke ga ru ntir atahng enyahra, eji e lꞌyake nsol nyi ki lohng ejumjum, fere jo loko Esowo bi li go elkpina? Tibre á yake elne ka Esowo ana ejum njom ji ki kpi elem ajehng ajehng, tib go nsahm nyi etohko ji li go njinanjini.

Ellennge 2:1

“Nyon tv enjel nyi ero bi Efesus re, Alum nya ana, nya nne no fili elonlo na ebsehma go eboblum yahke bung, ye ji kpꞌjene go elka elka ni etꞌrekahng na ebsehma bi bo limi go agul.

Ellennge 2:12

“Nyon tv enjel nyi ero bi Pergamum re, “Alum nya ana, nya nne no kpi ekahngkahng bi kpo kong njahm ebal ebal yahke bung.

Ellennge 2:18

“Nyon tv enjel nyi ero bi Tiatira re, “Alum nya ana, nya Mmon no Esowo no kpi amahr ana eblikagun yahke bung, ye ji akpade enye li ana ekuungu ji li gele gele.

Ellennge 2:8

“Nyon tv enjel nyi ero bi Smirna re, Alum nya ana, nya nne no li ngbokambang, a nkahlanjahm yahke bung, ye ji kpo no, á ma fere jol go elkpin.

Ellennge 3:1

“Nyon tv enjel nyi ero bi Sardis re, “Alum nya ana, nya nne no kpi etohko na ebsehma bi Esowo, a elonlo na ebsehma yahke bung. “N kpꞌkahne eltum ena ni a kpꞌlimi. N kpꞌkahne ana bo kpo gahm-a re, wo noa go elkpin, na nyehne ga, wobkpo.

Ellennge 3:14

“Nyon tv enjel nyi ero bi Laodisea re, “Alum nya ana, nya nne no bo kpo lung-e re, ‘Emen’ yahke bung, ye ji li etingitingi ntianse nyi kpi ekakesehk. Ye wo li mbomannahb go nsol nyi Esowo limi no kpee.

Ellennge 3:22

“Nne no lꞌbel atung, nong, á wuk ji Etingi Etohko kpꞌbungu tong aneb ero.”

Ellennge 3:7

“Nyon tv enjel nyi ero bi Filadelfia re, “Alum nya ana, nya Mbarebara Nne Esowo no li Etingitingi Nne yahke bung, ye ji kpi egbokoro ji Devid. Á lꞌlennge, nnene limm, no bahke ma bam. Á lꞌbam, nnene limm, no bahke ma lennge.