2 Korint 3:18 - Ekajuk New Testament

¹⁸ Wahr ane kpee ba abomo ma-r laade go esamahr, e kpꞌseenge ellub ni Esowo. Esowo kpo yaang-r, bomo go ellub nehko, song rehng a ni ga gbal, ano ano tete e jol go ege elfoongo. Jia kpo lohng goji Ntul Esowo bi li Etingi Etohko.

2 Korint 3:18 ပူးပေါင်းရင်းမြစ်များ

NWER NYI JON 1:14

Ellum nio ni ba siingi nne, fere lene tob-r. Wahr ebnyehn ellub ene, ellub nio ni Nde ka Mmon mmon awohng ewe, no ma gbal go nnoobo, a etingitingi.

NWER NYI JON 12:41

Aisaya bungu alum nyaa, tibre á nyehne ellub ni Mesaya, fere bung bada ne.

NWER NYI JON 17:22

Ellub ni a ma-m ka, me n faake a ni ka bo, eji bo lꞌjol ajehng ana wahr li ajehng,

NWER NYI JON 17:24

“Nsoo, n kpꞌsebe re, ane ba a ka-m no jol a name edi ji n li no, eji bo lꞌnyehn ellub ni a ma-m ka, tib go ega elkoro ni n kor-a no ngare nyi njini kala jol.

NWER NYI POL NYONO TV ANEB ERO BA LI GO ROM 12:2

Kana jol jang jang ana njini nyia. Jo belen ntir atahng nyi nfenfe, eji elkpin enahne lꞌjo yaange. Ana wo ḿ bahke jo kahn mbang nyi Esowo, fere kahn ji kpꞌnobo, ji kpo kor Esowo, ji li go nseenga nseenge.

NWER NYI POL NYONO TV ANEB ERO BA LI GO ROM 13:14

Kaken Ntul a Jisos Kraist ana ewobo, wahn kꞌjo yehke ekpu kunu go ngubjing, eji ngubjing lꞌkꞌjo lim ji kp-e koro.

NWER NYI POL NYONO TV ANEB ERO BA LI GO ROM 8:29

Tibre ane ba á kahne bo wuku wuku, á tob yehke bo re bo jol go elfoongo ni mmon ewe, eji Mmon ewe lꞌjol ngbokambang a mmon go ellong abonanyehn ba li gbalee.

NWER NYI POL NYONO TV ANEB ERO BA LI GO ROM 8:4

Eji Esowo limi ano, á limi kpee ji atahm bungu no, biingi go nseenge ka-r, wahr ji kpꞌjene go mbang nyi etohko, e kil eljene go mbang nyi ngubjing.

NWER NYI POL NYONO TV ANEB ERO BA LI GO ROM 8:7

Tibre nne no lꞌyehke amahr enye kunu go nsol nyi li ka ngubjing, á li nnekv no Esowo. Á kpehme bum atahm nya Esowo, jol á nehm ma tiki bum.

1 Korint 13:12

Anv, e kpꞌfahnge go enyehn, jo nyehn advrehndv. Ngare nyio e bahke nyehne saang. Anv, ejang ji n kpꞌkahne. Efung bio bi m bahke kahne kpee, ana Esowo kp-m tob kahn kpee.

1 Korint 15:49

Ana e li anv go elfoongo ni nne no Esowo mong-e go ndi, ano wo fvfo e bahke tob jol go elfoongo ni nne ejahbetul Esowo noo.

2 Korint 3:17

Ntul Esowo, Etingi Etohko ji. Edi jio ji etohko ji Esowo li no, ane ebfor.

2 Korint 4:4

Bo li ane ba kil eltaame, owo wahnge ebꞌbi Ntul no njini nyia ma wa bo amahr, eji bo lꞌkꞌjo nyehn ellennge ni nnoobo etib bi ellub ni Kraist, ye ji li go elfoongo ni Esowo.

2 Korint 4:6

Tibre Esowo bꞌnehm bi bungu re, “Ellennge jol go ejannge,” bꞌnehm bi ma kak ellennge go egahra ntim, nio ni elkahne ni ellub ni Esowo go esamahr bi Kraist.

2 Korint 5:17

Fvfo, nne awohng awohng no li ajehng a Kraist, ye nne a nfenfe wo. Akꞌkulu nsol ebmal, anv, nya nfenfe nya ma fere ba.

Galesa 6:15

Afi nne yehke nrur, afi á yehkem, ejumjum o limm. Ji li no li re, á jol nne a nfenfe.

Kolosa 3:10

Wahn ebfere bel elkpin nfenfe ni Esowo bahke jo lim-n, ń jo jol nfenfe nfenfe ngare anyehng anyehng, tete ḿ biingi a ye jio ji lim-n no, ń fere kahn-e kpee.

1 Timoti 1:11

ni li nnoobo etib bi Esowo ma-m ka re me n song tiingi, nnoobo etib bio bi Esowo bi kpi ellub, a elfuulu.

Taitus 3:5

á ba tahr-r na. Wahr á tahrem tib eji e ma lim nsol nyi li go etingitingi. Á tahr-r tib go ege a ndon, eji á ru-r no go Etingi Etohko, e ma fere tuungu jini, fere jol aneb nfenfe.

Jems 1:23

Tibre nne awohng awohng no lꞌwuk alum nyao, kꞌfere lim, á li ana nne no seenge go enyehn, nyehn elne.

1 Jon 3:2

Akpondahme enyame, anv, wahr ebjol abon Esowo. Ka tiki lennge ana e bahke jolo. E kpꞌkahne re, Kraist lꞌba, e bahke yaange, jol ana ye. Tibre e bahk-e nyehne ana á li no.