2 Korint 13:9 - Ekajuk New Testament

⁹ Atahng kp-r yebe, eji e li lenge lenge, wahn kpꞌtahne. Ji e kpꞌkake ero bade li re, wahn tuungu ji ma rannge.

2 Korint 13:9 ပူးပေါင်းရင်းမြစ်များ

NWER NYI POL NYONO TV ANEB ERO BA LI GO ROM 15:2

Ga nob re wahr jo lim ji bahke jo kor mmonanne ejahre, eji lꞌjo nob a ne, á fere gbal go mbang nyi Esowo.

1 Korint 1:10

N kp-n rehke abonanee go mbing nyi Ntul a Jisos Kraist re wahn ane kpee jo bung, bum nnyo amehng, nyꞌyabe anyehng anyehng kꞌkpe jol go egahne ellong. Sahb jolen jol ajehng go eltim anehng, a ntir anyehng.

1 Korint 2:3

Eji n jolo a nahne, n leenge sehng, jo fahl, fere jo kꞌkahm.

1 Korint 4:10

Wahr agboolo ane ba tib go esi ji Kraist. Wahn akahnkahn ane ba go ejang bi Kraist. Wahr li lenge lenge, wahn kpꞌtahne. Wahr, bo kpo daang-r daange, wahn, bo jo kak-n.

2 Korint 11:30

Lꞌjol nyi m bahke woro nnyo, m bahke woro nnyo kunu nsol nyi kpo tib ana n kpꞌleenge.

2 Korint 13:11

Abonanee, anv, wahn jol me! Tuungen mbang enyahne, wahn jo bum alum enyame! Jo belen ntir atahng na anyehng, wahn jol go elkoono atemtem, owo Esowo bi elkoro, a bi elkoono bahke kehm jolo a nahne.

2 Korint 13:4

Jol eji bo kum-e kum go ekros ana nne no kpꞌleenge, anv, á li go elkpin tib go nsahm nyi Esowo. Eji e li ajehng a ne, e kpꞌleenge. E bahke jolo go elkpin a ne tib go nsahm nyi Esowo, e lꞌjol go egahne ellong.

2 Korint 4:12

Etingitingi, elkv wob-r go atahng, kpi eltum ene lim, ana elkpin wob-n go egahne atahng, kpi eltum ene lim.

2 Korint 7:1

Akpondahme enyame, eji Esowo ma nyam elkohn anyam ana nyaa tong-r, nong, wahr ru elnahre, yehke ndahn ndahn go egahre agubjing, a atohko enyahre, fere jol ejahre ejahre ka Esowo abo akpade akpade, tib eji e kpꞌjene go elfahle ni Esowo.

Kolosa 1:28

Ye wo, e kpo bung bada ne, fere jo rehke nne awohng awohng, fere jo tib-e ajoobo nsol nya elkahne, eji e lꞌko nne awohng awohng ba ka Esowo ana nne no ma gbal go ejang bi Kraist.

Kolosa 4:12

Epafras ji lohng go egahne ellong kp-n tob kak nnyo. Á tob li nlokeltum a Jisos Kraist, no kpo buum-n go ege ero bi á kpo kono elkake ngare anyehng anyehng. Á kpo kak ero, jo nok re wahn yiimi tꞌtahne, fere gbal, jo kahn ana ḿ bahke jo toono mbang nyi Esowo, kꞌbel nfaabe anyehng anyehng.

1 Tesalonaika 3:10

E kpo kak ero a ntim a ntim enyahre atv a njul re, wahr lub nyehn-n esamahr, gohr-n ka ji ma-n rin go egahne ekakesehk.

2 Timoti 3:17

eji nne Esowo lꞌjol nob nob, fere jo mal ellimi eltum anehng anehng ni nno.

Hibru 12:23

Wahn ebba nkon nyi ane ba bo gbo mbang jel bo, bo ji bo ma nyon abing ebo go ejahbetul Esowo. Wahn ebba goji Esowo bi li nne no bahke lame ane kpee. Wahn ebba goji atohko nya atingitingi ane ba bo ma lim bo re bo jol go nseenga nseenge.

Hibru 13:21

ka-n ejum ajehng ajehng ji kpꞌnobo, eji ń lꞌmal jo lim mbang enye, á fere lim eltum go egahne atahng, toono o, ń lim ji kp-e koro sehng goji Jisos Kraist. Nong, ellub jol ka-e go njinanjini. Emen.

Hibru 6:1

Fvfo, nobo re wahr yake agbokombang nsol nya Kraist go eltibi, fere soro asi, eji e lꞌgbal, kꞌkpe sa go nnahb ekahme, kꞌkpe jo tib bade ana nne bahke sennge njahm go nsol nyi ki lohng ejumjum, fere taame tv Esowo,

1 Pita 5:10

Eji ḿ ma nyehn erem mmongare ntiil, Esowo bi kpi nnoobo kpee, ye ji yehk-n no re wahn bel ellub ene, ni li go njinanjini, ni li goji Kraist, ye wo bahk-n limi, tete ḿ mal mbang enye go eltoono. Á bahk-n kake atahne, fere ka-n eko, eji nnene lꞌki-n nyeenge.