2 Korint 13:7 - Ekajuk New Testament

⁷ E kpꞌkake ero ka Esowo re, wahn kꞌlim ebi ajehng ajehng. E nehme seb re wahr tib re, wahr ebsehng mbahbe. E kpꞌsebe re wahn lim ji kpꞌnobo, jol eji li li ana e ma gbo mbahbe.

2 Korint 13:7 ပူးပေါင်းရင်းမြစ်များ

Matiu 6:13

Ka lim, e yel go elgaare. Jo tahr-r yehke go abiafem.

NWER NYI JON 17:15

N nehme kak ero re, wo yehke bo go njini nyia. N kpꞌkake ero re, wo baabe bo nob nob, eji abꞌbi lꞌkꞌyel go bo atahng.

NWER NYI POL NYONO TV ANEB ERO BA LI GO ROM 1:28

Bo joom seb re Esowo fili ntir atahng ebo. Owo wahnge á kehm yake bo re, abi ntir jo fili ntim ebo, eji bo lꞌfere jo lim ji ki fuumu re bo lim.

NWER NYI POL NYONO TV ANEB ERO BA LI GO ROM 12:17

Nne awohng awohng no lꞌlim-n ebi, kana jo ko ebi, feer-e. Jo garen ana ḿ bahke jo lim nsol nyi ane kpee kpꞌkahne re kpꞌnobo.

NWER NYI POL NYONO TV ANEB ERO BA LI GO ROM 13:13

Nong, wahr jo jen nob nob ana ane ba kpꞌjene ngara njul, ba ane kpi bo kpur. Kana jo jen, jo bahn ase yannge, fere jo wo amahm, jo lim ana kor-n no, fere jo kon anebkal, jo nok abohng, fere bel eteelala.

NWER NYI POL NYONO TV ANEB ERO BA LI GO ROM 16:10

Kaken Apelles nnyo, ye ji ma lohko tib re, ye li ka Kraist. Kaken ane ba lene etahk Aristobolus nnyo.

1 Korint 11:19

Tibre ḿ bahke tiki jol agꞌgabe agꞌgabe, eji bo lꞌliingi ane bao ba li atingitingi ane.

2 Korint 10:10

Tibre bo kpo bung re, “Awer nya Pol kpi nsahm, kpo fere lub-r. Á lꞌjol a nahre, á kpo kooko sehng, alum enye kpehme tohko jꞌjol ejumjum.”

2 Korint 10:18

Tibre nne no lꞌtehk elne, ye sang Esowo kpo ko-e, sehngem nne no Ntul Esowo tehk-e no, ye wo, Esowo kpo ko-e.

2 Korint 13:6

N kpꞌbumu re, ḿ bahke sebe kahn re, wahr ka gbo.

2 Korint 13:8

Tibre e nehm ma kpan etingitingi. E li ka etingitingi.

2 Korint 13:9

Atahng kp-r yebe, eji e li lenge lenge, wahn kpꞌtahne. Ji e kpꞌkake ero bade li re, wahn tuungu ji ma rannge.

2 Korint 6:4

E kpo tib elnahre go ejum ajehng ajehng re wahr alokeltum Esowo ba. E kpo kpuumu erem abehng abehng, afi e yele nfem, afi e yele ejahkjahk ajehng ajehng, afi ejum ajehng ajehng ji kpan-r,

2 Korint 8:21

Ntir enyahre ga li re, wahr kꞌjo lim ji kpꞌnobo go esamahr bi Esowo bi bi, tob li re, wahr tob jo lim ji kpꞌnobo go esamahr ane fvfo.

Filipai 4:8

Abonanee, alum nya a, nya ma-m gohro sa, nya m bahke gohro bung. Jo tiren bade ejum ajehng ajehng ji li go etingitingi, ji kpi ekpunu, ji li nseenge, ji li saang, ji kpi ano, ji kpi elgahm ni nno, ji kpꞌnobo, a ji ane kpo tehk.

1 Tesalonaika 5:23

Nong, Esowo bio bi elkoono lim-n, wahn sahb jꞌjol ejahne ejahne, fere lim atohko enyahne, a ntim enyahne, a agubjing enyahne fere jol saang, wahn kꞌbel egahme ajehng ajehng efung bi Jisos Kraist Ntul ewahre bahke bake.

1 Timoti 2:2

wahn tob jo kak ero ka atul, a atubesi ba kpo fili adi, eji e lꞌkꞌyel nfem anyehng anyehng, eji ejahbe ejahre lꞌjol soom, e fere jo jen go mbang nyi Esowo, fere jo lim eljini ni nno.

2 Timoti 2:15

Jo nok, eji a lꞌjol nlimeltum no nno go esamahr bi Esowo, ana nlimeltum no kil jo be ndon, eji á kpi eltum Esowo lim. Jol nne no kpo tooro atingitingi alum nya Esowo go nseenga nseenge.

2 Timoti 4:18

Esowo bahk-m tahre yehke go nfem anyehng anyehng, fere kp-m tahm a name go ejahbetul eje. Nong, ellub jol a ne go njinanjini. Emen.

Jems 1:12

Elfuulu li a nne no kpo kpuumu elgaare. Tibre eji á ma yiimi go elgaare nio, á bahke bele ekpasi ntul ji elkpin, ji Esowo ma nyam tong ane re bo bahke bele, ba ye kpi bo kor.

1 Pita 2:12

Jo limen eljini ni nno go ellong ane ba ki nyi Esowo. Bo lꞌjo bung abꞌbi bada nahne re wahn abi ane ba, bo bahke nyehne nnoobo enyahne, fere tehk Esowo efung bi á lꞌba.