2 Korint 13:11 - Ekajuk New Testament

¹¹ Abonanee, anv, wahn jol me! Tuungen mbang enyahne, wahn jo bum alum enyame! Jo belen ntir atahng na anyehng, wahn jol go elkoono atemtem, owo Esowo bi elkoro, a bi elkoono bahke kehm jolo a nahne.

2 Korint 13:11 ပူးပေါင်းရင်းမြစ်များ

Matiu 1:23

“Mmongungu a nnenkal, (Ngbahme nyi bo kala nꞌnoongo a ne) bahke sake ela, jel mmon no nlum, no bo bahke jo lung-e re Emanuel.” (Ji lohngo re, “Esowo li a nahre”).

Matiu 5:48

Jolen saang, wahn kꞌbel elem ajehng ajehng, ana Nso ejahne no li go ero li saang.

NWER NYI MAK 10:49

Jisos kehm yiimi, kehm bungu re, “Lungen ye tv-m!” Bo kehm lungu nwakamahr nyio re á ba. Bo kehm-e tongo re, “Bob eltim, wo tahm ba, á kp-a lungu.”

NWER NYI MAK 9:50

“Akang kpꞌnobo. Elyebe akang lꞌlohng, a bahke limi renan, kehm kpe yebe? Belen akang go egahne atahng. Jolen go elkoono atemtem!”

NWER NYI LUK 9:61

Owo nne noko kehm kpe bung re, “Ntul, m bahk-a toono. Nong, me n tohko gbo mbang song tong ane ebame re me n fio.”

NWER NYI JON 17:23

m bahke woomo go bo atahng ana wo wob-m go atahng, eji bo lꞌlohko jol na ajehng ana jꞌjehng. Ano wo bahke wahnge njini kahn re, wo li nne no tum-m no, fere kahn re, bo kp-a koro ana n kp-a koro.

Eltum 15:29

Kana jo li nsol nyi bo ma ko jom eblom, nyi ki li saang. Kana jo li alung. Kana jo li nnyam nyi bo kahn-e ekehd, á kpo. Jo jahngen asꞌsa. Ń tohko jo lim nsol nyia, ḿ bahke jolo nob nob. E ma-n kak nnyo.”

Eltum 18:21

Eji á jo tahm bo sa, á kehm bungu tong bo re, “Esowo lꞌtaame, m bahke feere egahne a.” A kehm kpe yel egbang o Efesus asongo.

Eltum 23:30

Eji bo lennge no ka-m re, Jus kpꞌlame kak-e, owo n kehm-e soro tum tv-a. N tongo ane ba jo ka-e ebi re, bo ba tooro tong-a ji wahnge bo kp-e kake ebi.”

NWER NYI POL NYONO TV ANEB ERO BA LI GO ROM 12:16

Jolen go ntir na anyehng! Kana jo nok re wahn lim nsol elgahm! Jo jenen a ane ba li rede rede. Kana jo geere kak elkahne enahne!

NWER NYI POL NYONO TV ANEB ERO BA LI GO ROM 12:18

Jo noken go mbang anyehng anyehng, eji limi limi kan, ń lꞌjol go elkoono a ane kpee.

NWER NYI POL NYONO TV ANEB ERO BA LI GO ROM 14:19

Nong, wahr jo noken, jo lim nsol nyi bahke koko elkoono ba a ni, fere jo kak atemtem ebo, eji e lꞌgbal.

NWER NYI POL NYONO TV ANEB ERO BA LI GO ROM 15:13

Nong, Esowo bi li nfono ekunukpu gohr-n ruru eyebatahng, a elkoono tib eji ḿ ma taame tv-e, eji ekunukpu ejahne lꞌjo gbal asongo tib go nsahm Etingi Etohko.

NWER NYI POL NYONO TV ANEB ERO BA LI GO ROM 15:33

Nong, Esowo bi elkoono jol a nahne, wahn ane kpee. Emen.

NWER NYI POL NYONO TV ANEB ERO BA LI GO ROM 16:20

Owo Esowo bi elkoono bahke kehm wade nnehm elwaare, wahn kun-e akpade. Nong, nnoobo nyi Ntul a Jisos Kraist jol a nahne.

1 Korint 1:10

N kp-n rehke abonanee go mbing nyi Ntul a Jisos Kraist re wahn ane kpee jo bung, bum nnyo amehng, nyꞌyabe anyehng anyehng kꞌkpe jol go egahne ellong. Sahb jolen jol ajehng go eltim anehng, a ntir anyehng.

2 Korint 1:4

Á kpo kak-r eltim go egahre afemfem kpee, eji e lꞌko ekakeltim eje ji á ma-r kak, fere tob jo mal kak ane eltim, ba wob go elkohn nfem anyehng anyehng.

2 Korint 13:9

Atahng kp-r yebe, eji e li lenge lenge, wahn kpꞌtahne. Ji e kpꞌkake ero bade li re, wahn tuungu ji ma rannge.

Efesus 4:12

eji aneb Esowo lꞌjol go nseenga nseenge, fere bel ejum ajehng ajehng ji bo bahke koko, jo loko Esowo, toono o, ngubjing nyi Kraist gbal,

Efesus 4:3

Jo noken, wahn soro asi, jo jol ajehng go etohko, tib go elkono ni Esowo ma-n jabbe kono re wahn jol ajehng.

Efesus 6:23

Nong, Esowo Nsoo, a Ntul a Jisos Kraist ka abonanee elkoono, a elkoro, a eltaame.

Filipai 1:27

Nong, eljini enahne fuumu a nnoobo etib bi Kraist, eji afi m ba na, ba nyehn-n, afi m maam ba, n lꞌwuk re, wahn baa, yim tꞌtahne go etohko na ajehng, fere kpꞌnoko a eltim anehng ka eltibi ni nnoobo etib bi e kpꞌtaame tv.

Filipai 3:16

Afi jolo elkohn ejum aji, nong, wahr soren asi, jo toono mbang nyi wuku wuku e bomo eltoono tete ba rehng anv.

Filipai 4:2

N kpꞌrehke Eyodia, a Sintike re bo jol go ntir anyehng ana abonanyehn nne go ejang bi Esowo.

Filipai 4:4

Jo belen eyebatahng ngare anyehng anyehng, tib eji ń li ajehng a Ntul Esowo. N kpꞌkpeke bung re wahn bel eyebatahng.

Filipai 4:9

Jo limen ejum ajehng ajehng ji ń kpili go egame, a ji ḿ bele go egame. Jo limen ajehng ajehng ji ḿ ma wuk, fere nyehn go egame. Owo Esowo bi elkoono bahke jolo a nahne.

1 Tesalonaika 3:10

E kpo kak ero a ntim a ntim enyahre atv a njul re, wahr lub nyehn-n esamahr, gohr-n ka ji ma-n rin go egahne ekakesehk.

1 Tesalonaika 4:1

Abonanee, ń jo kpili go egahre ana ḿ bahke jo lim eljini ni kpꞌkoro Esowo. Ano wo ń kpꞌlimi. Anv, n kp-n gohro gboongo, fere jo rehk-n go mbing nyi Ntul a Jisos re wahn jo lim sehnge ano.

1 Tesalonaika 4:18

Owo fvfo nobo re, wahn jo ko alum nyao, jo kak atemtem eltim.

1 Tesalonaika 5:13

Nong, bo jo sahb lub-n lub, fere jo kor-n, tib go eltum ni bo kpꞌlimi. Jolen go elkoono atemtem!

1 Tesalonaika 5:16

Jo belen eyebatahng ngare anyehng anyehng.

1 Tesalonaika 5:23

Nong, Esowo bio bi elkoono lim-n, wahn sahb jꞌjol ejahne ejahne, fere lim atohko enyahne, a ntim enyahne, a agubjing enyahne fere jol saang, wahn kꞌbel egahme ajehng ajehng efung bi Jisos Kraist Ntul ewahre bahke bake.

2 Tesalonaika 2:16

Jisos Kraist Ntul ewahre antahng antahng, a Esowo Nsoo ejahre no wahr kpo kor-e, ye jio ji ka-r alum nya ekakeltim nya li go njinanjini, fere ka-r ekunukpu ji nno tib go ege a nnoobo,

2 Tesalonaika 3:1

Abonanee, jo kaken ero ka-r, eji alum Esowo lꞌgulu elyeere, fere bel ellub, ana tob jol go egahne fvfo.

2 Tesalonaika 3:16

Nong, Ntul Esowo bi elkoono jo ka-n elkoono ene ngare anyehng anyehng go mbang anyehng anyehng. Nong, Ntul Esowo jol a nahne wahn ane kpee.

2 Timoti 2:22

Jo jahng nsol nyi kpo melle ajangkun go bo atahng re bo jo lim. Nok, eji a lꞌli eno go esamahr Esowo, fere bel ekakesehk, a elkoro, go elkoono, wo fere woomo go ellong ane ba kpo kak ero ka Esowo a ntim ebo saang.

Hibru 12:14

Jo noken, eji ń lꞌjo bel elkoono a nne awohng awohng, wahn fere jol ejahne ejahne. Nne awohng awohng no tohko jol ano, á nehm nyehn Ntul Esowo.

Hibru 13:20

Nong, Esowo elkoono bi nyahme Ntul a Jisos go elkv, ji li egburu mbaabebul tib go alung ma egbanngalung ji li go njinanjini

Jems 1:4

Nongen, elkpuumu nio lim eltum ni nno go egahne atahng, eji ń lꞌjol go nseenga nseenge, fere bel ejum ajehng ajehng eji ejum ajehng ajehng lꞌki-n jo rin.

1 Pita 3:11

á sennge njahm go abiafem alimi, fere jo lim nsol nyi kpꞌnobo. Nong, á jo nok, jo seb elkoono.

1 Pita 3:8

Esꞌkohro, nobo re wahn ane kpee, wahn jol go ntir ntir anyehng. Jo tiiren ane bako, wahn fere bel elkoro atemtem ana abonanyehn nne, ane bako jo fil-n ndon, wahn fere jo rede elnahne.

1 Pita 5:10

Eji ḿ ma nyehn erem mmongare ntiil, Esowo bi kpi nnoobo kpee, ye ji yehk-n no re wahn bel ellub ene, ni li go njinanjini, ni li goji Kraist, ye wo bahk-n limi, tete ḿ mal mbang enye go eltoono. Á bahk-n kake atahne, fere ka-n eko, eji nnene lꞌki-n nyeenge.

Ellennge 22:21

Nong, nnoobo nyi Ntul a Jisos Kraist jol a aneb Esowo kpee. Emen.