2 Korint 12:10 - Ekajuk New Testament

¹⁰ Esi ji Kraist ji wahnge eltim kp-m yebe, jol afi n leenge na, jol afi bo su-m na, jol afi n nyehne erem, jol afi bo nohk-m na, jol afi n wob go afemfem. Tibre n lꞌleenge, n kpꞌtahne na.

2 Korint 12:10 ပူးပေါင်းရင်းမြစ်များ

NWER NYI LUK 6:22

“Elfuulu li ka wahn, ane lꞌko-n ekv tib go esi ji Mmon no nne, fere yab a nahne, jo su-n, fere jo bung re, wahn abi ane ba.

NWER NYI JON 15:21

Bo bahk-n limi nsol nyia kpee tib go egame esi. Tibre bo nehme kahn nne no tum-m no.

Eltum 5:41

Abatiingetib Jisos kehm lohngo, ane bao sa ekpꞌkpa esub o, tahm ebo. Bo bele eyebatahng tib eji Esowo kpunu bo, bo nyehn erem bio bi esono tib go esi ji Jisos.

NWER NYI POL NYONO TV ANEB ERO BA LI GO ROM 5:3

Jol ano ano sang, e kpꞌtob geere kak erem ebahre, tibre e kpꞌkahne re, erem kpo ko elkpuumu ba a ni.

1 Korint 4:10

Wahr agboolo ane ba tib go esi ji Kraist. Wahn akahnkahn ane ba go ejang bi Kraist. Wahr li lenge lenge, wahn kpꞌtahne. Wahr, bo kpo daang-r daange, wahn, bo jo kak-n.

2 Korint 1:4

Á kpo kak-r eltim go egahre afemfem kpee, eji e lꞌko ekakeltim eje ji á ma-r kak, fere tob jo mal kak ane eltim, ba wob go elkohn nfem anyehng anyehng.

2 Korint 10:18

Tibre nne no lꞌtehk elne, ye sang Esowo kpo ko-e, sehngem nne no Ntul Esowo tehk-e no, ye wo, Esowo kpo ko-e.

2 Korint 12:9

Wo, Ntul Esowo faang-m re, “Nong, nnoobo enyame jo gbal-a. Tibre nsahm enyame bahke gbale, biingi go nseenge goji ane ba kpꞌleenge.” Fvfo, atahng kp-m yebe re me n geere kak elleenge ename ni n kpꞌleenge, eji nsahm nyi Kraist lꞌba lene tob-m.

2 Korint 13:4

Jol eji bo kum-e kum go ekros ana nne no kpꞌleenge, anv, á li go elkpin tib go nsahm nyi Esowo. Eji e li ajehng a ne, e kpꞌleenge. E bahke jolo go elkpin a ne tib go nsahm nyi Esowo, e lꞌjol go egahne ellong.

2 Korint 13:9

Atahng kp-r yebe, eji e li lenge lenge, wahn kpꞌtahne. Ji e kpꞌkake ero bade li re, wahn tuungu ji ma rannge.

2 Korint 4:17

Tibre erem bi e kpꞌnyehne a, li ntiil, bahke male. Wo, erem bia bahk-r kake egburu ellub ni li go njinanjini, ni nne lꞌkꞌma ko gare a ejum ajehng ajehng,

2 Korint 4:5

Alum Esowo nya e kpo bung, e kpehme bung re, wahr atul ba. E kpo bung re, Jisos Kraist wo li ntul, wahr alokeltum ebahne ba tib go esi ji Jisos.

2 Korint 5:15

Á kpo, ka ane kpee, eji ane ba li go elkpin lꞌkꞌkpe jol ka elbo antahng. Á kpo, eji bo lꞌjol ka nne no kpo no, fere nyahme tib go bo esi.

2 Korint 5:20

Anv, wahr ba li ane ba Kraist ma-r kak eltum, ba Esowo ma-r ko kpꞌrehke ane, fere jo gboongo bo go esi ji Kraist re, “Limen etem a Esowo!”

2 Korint 6:4

E kpo tib elnahre go ejum ajehng ajehng re wahr alokeltum Esowo ba. E kpo kpuumu erem abehng abehng, afi e yele nfem, afi e yele ejahkjahk ajehng ajehng, afi ejum ajehng ajehng ji kpan-r,

2 Korint 7:4

N kp-n sahb bꞌbum go etingitingi. N kpꞌsahb gꞌgeere kak-n. Esowo ma-m kak eltim gbalee. Tvtv go erem abehng abehng bi e kpꞌnyehne, n kpꞌbele na eyebatahng budu.

Efesus 6:10

Abonanee, esꞌkohro elbungu ename ni a, ni li re wahn bel atahne nyao nya Esowo, nya lohng go nsahm nyi agbal enye.

Filipai 1:29

Tibre Esowo ebyake eltum ni ḿ bahke jo loko Kraist ka-n, ni li re wahn taame tv-e, fere tob jo nyehn erem tib go ege esi,

Kolosa 1:24

Eltim kp-m yebe go egame erem bi n kpꞌnyehne tib go egahne esi. Tibre n kpꞌgohro nyehn erem bi Kraist nyehne no sa go egama ngubjing, tib go esi ji ngubjing enye nyi li aneb ero.

2 Tesalonaika 1:4

Owo wahnge e kpo wor nnyo kun-n goji aneb Esowo ba li go aro nyako. Tibre wahn ebsoro asi go ekakesehk, fere kpꞌkpuumu, jol eji bo kp-n gbꞌgbak, fere jo kak-n erem.

2 Timoti 3:11

A nyꞌnyehn ana bo jo gbak-m, fere nyehn ana n jo nyehn erem go Antiok, a Ikonium, go Listra, fere nyehn ana n kpuumu elgbake nio kpee. Ntul Esowo ma-m tahre yehke go nsol nyio kpee.

Jems 1:2

Abonanee, jo bumen ana ejum eyebatahng, ngare anyehng anyehng nyi ń lꞌjo yel go elgaare ni li nkohn a nkohn.

Ellennge 2:3

Wobnyehn erem go egame esi, fere kpuumu. Eltum wa tikem kpen.