2 Korint 12:1 - Ekajuk New Testament

¹ M bahke tiki wor nnyo, jol nsehng anyehng anyehng limm, nyi m bahke lehke. Anv, m bahke soro asi, jo bung bade akpokosi nsol nya Ntul Esowo ma-m lim re me n nyehn, a nsol nyi á ma lennge ka-m.

2 Korint 12:1 ပူးပေါင်းရင်းမြစ်များ

NWER NYI JON 16:7

N kp-n tongo etingitingi re, bahke nobo a nahne sehng, n lꞌtahm. N tohko tahm, Nkakebo nehm ba. N lꞌtahm, m bahk-e tumu tv-n.

NWER NYI JON 18:14

Kayafas wo jolo nne no tubu Jus elle re, “Nobo re nne awohng kpo go esi ane kpee.”

Eltum 18:9

Atv amehng Ntul Esowo kehm bungu a Pol go nkpokosi a mbang re, “Ka fahl! Jo bung, ka belle!

Eltum 23:11

Etoono atv mako, Ntul a Jisos kehm lohngo ba yiimi kohlo Pol, kehm bungu re, “Bob eltim! Wobyiimi ntianse ka-m go Jerusalem. A bahke tob kpe yiimi ntianse go Rom fvfo.”

1 Korint 10:23

Ane bandiki kpo bung re, “Wahr ebfor. E li ma jo lim ejum ajehng ajehng ji kor-r no.” Ee, lohko li ano. Wo, nsol kpee sang kpo kak nne ebo. Wahr ebfor. E li ma jo lim ejum ajehng ajehng. Lohko li ano. Fvfo, nsol kpee sang li nsol nyi kpo lim nne gbal.

1 Korint 14:6

Abonanee, n lꞌba go egahne, fere jo ba bung go ajahbe nyandiki, nnoobo anyi m bahk-n kake? Sehngem re no, m ba, ba tiing-n etib bi Esowo ma lennge ka-m, fere ka-n elkahne, fere ba nyehn amahr tong-n, fere jo tib-n.

1 Korint 6:12

Nne nondiki li ma tong re, “N li ma lim ejum ajehng ajehng, nsahde limm.” Nsol kpee sang kpo kak nne ebo. Etingitingi, n li ma lim ejum ajehng ajehng, sehngem re, n nehme seb re, me n jol nju go eyaame ajehng ajehng.

2 Korint 12:11

Me n jol egboolo nne. Wahn ba ma-m lim re me n jo wor nnyo. Tibre wahn ba kehn jol jo yiim-m njahm. Tibre ajꞌjok abatiingetib bao gbalem sehnge me nkpel anyehng anyehng, jol eji n ki lꞌli ejumjum.

2 Korint 12:5

M bahke woro nnyo kunu nne noo. N nehm wor nnyo kunu elname, sehngem elleenge ename ni ni m bahke jo wor nnyo kunu.

2 Korint 12:7

Esowo ma-m jahm ejoongo go egama ngubjing, eji n lꞌkꞌjo kuudu tib go akpokosi nsol gbalee nya á ma lennge ka-m. Ejoongo jio, enjel nyi nnehm nyi, nyi kpo dv-m, eji n lꞌkꞌgeere.

2 Korint 12:9

Wo, Ntul Esowo faang-m re, “Nong, nnoobo enyame jo gbal-a. Tibre nsahm enyame bahke gbale, biingi go nseenge goji ane ba kpꞌleenge.” Fvfo, atahng kp-m yebe re me n geere kak elleenge ename ni n kpꞌleenge, eji nsahm nyi Kraist lꞌba lene tob-m.

2 Korint 8:10

Elle ni n kp-n tubu ni a. Bahke nobo a nahne, ń lꞌgohro lim eltum nio ni ń toobo no re wahn lim, ni ḿ ma bom ellimi, ma kang elya.

Galesa 1:12

N koom goji nne, jol nne sang tib-m no. Jisos Kraist antahng antahng wo lennge no ka-m.

Galesa 2:2

N je, tib eji Esowo lennge ka-m re me n je. Eji e song kono edi ajehng a atubesi ero wahr wahr, owo n kehm tooro tong bo ana nnoobo etib bi n jo tiingi ane baka baka li no. N joom seb re eltum ni n jo lim wuku wuku, a ni n kpꞌlimi anv jol mbol mbol.

Efesus 3:3

Esowo lennge ntoobo nyi á toobo mbehr mbehr ka-m, ana m ma tohko nyon abon alum bade.

1 Tesalonaika 4:15

Tibre alum nya e kpꞌbungu tong-n ana, alum Ntul Esowo nya. Wahr jia ji kpeke li go elkpin, efung bio bi Ntul a Jisos bahke bake, e nehm gbo mbang ka ane ba ma kpo.

1 Jon 5:20

Wahr kpꞌkahne re, Mmon Esowo ebba, ba ka-r elkahne, eji e lꞌkahn Esowo bio bi li go etingitingi. E wob nne nno no li go etingitingi go atahng, a Jisos Kraist Mmon ewe. Ye wo li etingitingi Esowo, a elkpin ni li go njinanjini.