2 Korint 11:9 - Ekajuk New Testament

⁹ Ngare nyi n jolo a nahne, eji nsol rin-m no, n tokkem nne awohng awohng. Tibre ejum ajehng ajehng ji rin-m no, abonanee ba lohngo go Masedonia ba, bo ba ba ka-m. Eji n ki-n tokko go mbang anyehng anyehng, ano wo n lꞌki-n tiki tokko tete asongo.

2 Korint 11:9 ပူးပေါင်းရင်းမြစ်များ

Eltum 18:3

Á song jolo a bo, bo jo limi eltum edi ajehng. Tibre elkohn eltum nꞌnehm ni bo jo lim. Eltum ni bo jo lim, bo jo ko atapul, jo jamme kpee, ko jo si ntahk.

Eltum 18:5

Eji Sailas, a Timoti lohngo go Masedonia ba kpiri Pol go Korint, Pol rodo ngare enye kpee kak go alum Esowo abungu, fere jo yiimi ntianse tong Jus re, Jisos wo li Kraist.

Eltum 20:33

N ka baare nne awohng awohng amahr re á ka-m akpohko, jol á ka-m abomo.

NWER NYI POL NYONO TV ANEB ERO BA LI GO ROM 15:26

Tibre aneb ero ba li go Masedonia, a Akaya ebkor bo re bo tahb akpohko nya bo bahke kake aneb Esowo ba li go Jerusalem, ba li akpak.

1 Korint 16:17

Eltim ma-m yebe sehng, eji Stefanas, a Fortunatas, go Akaikus bo ma ba. Tibre bo ba li ane ba limi re, me m bel eyebatahng, eji ń ki li.

2 Korint 6:4

E kpo tib elnahre go ejum ajehng ajehng re wahr alokeltum Esowo ba. E kpo kpuumu erem abehng abehng, afi e yele nfem, afi e yele ejahkjahk ajehng ajehng, afi ejum ajehng ajehng ji kpan-r,

2 Korint 9:12

Tibre ekakebo ji ń kpꞌkake a, ń kpꞌkake aneb Esowo ebo go nsol nyi ma lehng bo. Jio tob li re, ane gbalee jo sahb kꞌkak Esowo saam.

Filipai 2:25

N tiri re, nꞌnob re me n tum mmonanne Epafroditus tv-n, ye ji e kpꞌlimi eltum a ne ano. Á tob li nne a nsoja no Kraist ana me. Ye wo li nne no ń tum-e re, á ba kak-m ebo.

1 Tesalonaika 2:6

E kpehme seb re ane jo tehk-r, afi jolo wahn, afi jolo ane bako. Jol kehn e kpꞌkpi nsahm nyi e bahke ma ko nsol go egahne, wahr ji li abatiingetib Kraist.

1 Tesalonaika 2:9

Etingitingi, abonanee, ń kpꞌbuumu elgbehde ni e jo gbehd, jo lim eltum. Eji e jo tiing-n nnoobo etib bi Esowo, e jo bade, jo lim eltum atv a njul, eji e lꞌkꞌjo tokko nne awohng awohng.

Hibru 11:37

Bandiki, bo jo tuubu bo atal. Bandiki, bo jo ko ntahme amahn, jo kiimi bo ekpidi ebbal. Bandiki, bo jo wulu bo go ekahngkahng. Bo jo kake agunyam ejoro, a nya ebul, jo yannge. Bo gbo ekpak, fere woomo go efemfem, bo fere jo nohk bo.