2 Korint 11:23 - Ekajuk New Testament

²³ Anv, bo alokeltum Kraist baa? N kpꞌkpeke bung ana ngbokesahl. Me wo ga li nlokeltum no nno sehnge bo. Me n lim eltum sehnge bo. Me wo ga woomo ngbekobo sehnge bo. Bo ma-m dv gbalee. Nkpel tvv elkv jo jol a name kpidi kpidi.

2 Korint 11:23 ပူးပေါင်းရင်းမြစ်များ

Eltum 14:19

Jus jindiki lohngo go Antiok ji Pisidia, bandiki lohng go Ikonium, ba sennge ane bao ntim, feere goji bo. Bo tuubu Pol atal, tohng-e, lohng a ne go esi mbang. Tibre bo jo tiri re, yebkpo.

Eltum 20:23

Ajehng ji n kpꞌkahne li re, go ejahbe ajehng ajehng ji n sehnge no Etingi Etohko ji jo tong-m re, ngbekobo nyia go esꞌsong kp-m siki, a erem.

Eltum 21:11

Eji á ba no, ba rehng egahre, á kehm rodo egbaange ji Pol, gbade elne abo, a akpade, kehm bungu re, “Ejum ji ana, ji Etingi Etohko ma bung re, ‘Ana wo Jus ji li go Jerusalem bahke gbake nfono egbaange noa, rod-e kak ane baka baka go ebo.’ ”

Eltum 25:14

Eji bo ma kang abon afung ntiil o, Festus kehm jo lennge elam ji Pol ka bo re, “Nne awohng li ana, no Feliks tahm-e no sa go ngbekobo.

Eltum 27:1

Eji bo toobo no re, wahr yel go egbang tahm go Itali, bo kehm koko Pol, a aneb agbekobo bako, kak ntubesi a nsoja awohng go ebo, no bo jo lung-e re Julius ji woomo go ellong nsoja nyi bo jo lung re, ellong nsoja nyi ntul Agostos.

Eltum 28:16

Eji e song rehng go Rom, bo kehm yake Pol re á jol edi jꞌje eje eje, a nne a nsoja awohng no jo baab-e.

Eltum 28:30

Pol kange nnya ebal go etahk ji á yaame no. Á jo gbaame ane kpee ba jo ba, ba nyehn-e.

Eltum 9:16

M bahk-e tibi ajoobo arem nya á bahke nyehne tib go egame esi.”

NWER NYI POL NYONO TV ANEB ERO BA LI GO ROM 8:36

Ana nwer Esowo bungu no re, “Tib go ega esi wo e kpꞌkpoko efung kohro kohro. Bo kp-r bumu ana ejoro bi bo bahke wulu.”

1 Korint 15:10

Nnoobo nyi Esowo nyi wahnge n li ana li li a. Nnoobo nyi á ka-m no, me á kaam mbol mbol. Ń lꞌfere nyehn, ga, me n lim eltum sehnge nne awohng awohng go ellong abatiingetib Jisos. Jol me sang na, nnoobo nyi Esowo nyi li a name nyi.

1 Korint 3:5

Nne awo li li Apollos? Nne awo li li Pol? Bo alokeltum Esowo ba, bo ba wahnge ń taame tv Esowo. Bo, nne awohng awohng kpꞌlimi eltum ni Ntul ka-e re á lim.

1 Korint 4:1

Nobo re nne ko-r ana alokeltum Kraist, ba Esowo ma kak bo nsol enye go ebo, nyi á behre no.

1 Korint 4:11

Tete sik anv, e kpo jen njal njal, alahb fere jo kor-r. E kpo kak ajakensol go ngubjing. Bo kpo dv-r. Ekehnge ajehng ajehng e kpimm.

1 Korint 4:9

Li re Esowo ma-r lim re, wahr jol akahlenjahm ane, wahr ji li abatiingetib ebe, ana ane ba bo kpꞌgohro lam esꞌkohro elam ji bo bahke wulu bo. Tibre bo kp-r sono go elkab ane, fere son-r go esamahr bi babenjel, a esamahr ane kpee.

2 Korint 10:7

Ń kpo kpur ane ana bo li ga njahm elatahk! Nne awohng awohng no lꞌbum elne re, ye li ka Kraist, nong, á tir antahng re, ana ye li ka Kraist, ano wo fvfo wahr tob li ka-e.

2 Korint 11:5

Me m bum re, me sang ga se sehnge ajꞌjok abatiingetib ebahne.

2 Korint 3:6

Esowo bi ma-r ka nsahm re wahr jol alokeltum ba egbanngalung ji nfenfe ji ki li go atahm abumu, ji li egbanngalung ji etohko. Tibre atahm kpo wul na, etohko ji kpo ka elkpin.

2 Korint 4:11

Eji e kpeke li go elkpin, e li ane ba kpi ntaame ntaame elkv tib go esi ji Jisos, eji ane lꞌnyehn elkpin ni Jisos go egahre agubjing nya bahke kpoko.

2 Korint 6:9

Bo kpo ko-r ana ane ba bo ki nyi bo, na nyehne ga, ane kpee kp-r kahne. Bo kpo ko-r ana ane ba kpꞌkpoko, na ga, e li go elkpin. Bo kp-r kake erem, jol e ka tiki kpo.

Galesa 6:17

Bomo anv asongo, nong, nne awohng awohng ki-m kpe jo gbiingi. Tibre n kpi nliingi nyi Jisos go egama ngubjing.

Efesus 3:1

Me Pol, n li nne a ngbekobo no Kraist tib go egahne esi, wahn ane baka baka.

Efesus 4:1

Me ji li nne a ngbekobo tib go esi ji Ntul a Jisos, n kp-n gboongo re, wahn ji Esowo ma-n lung, belen elkpin ni biingi ana ni Esowo kpꞌsebe re wahn bel.

Efesus 6:20

bi wahnge Esowo kak-m eltum. Jo kaken ero tv-m, eji n lꞌjo bung esahb esahb ana fuumu re me m bung, jol eji n wobo wob ngbekobo.

Filipai 1:13

Abꞌbaabe ba etahk ntubesi, a egom ane bako kpee ebkahn re, n wob ngbekobo tib go esi ji Kraist.

Filipai 2:17

Lꞌfere jol re bo bahk-m rodo, yaange ana alahb njom wohng go ejum njom, ji li elloko ni ń kpꞌloko Esowo bi ḿ ma taame tv-e, n kpꞌgeere, fere bel eyebatahng a nahne.

Kolosa 1:24

Eltim kp-m yebe go egame erem bi n kpꞌnyehne tib go egahne esi. Tibre n kpꞌgohro nyehn erem bi Kraist nyehne no sa go egama ngubjing, tib go esi ji ngubjing enye nyi li aneb ero.

Kolosa 1:29

Nsol nyia nyi wahnge n kpo gbehd, fere jo nꞌnok go nsahm nyi Kraist ka-m no, nyi li egburu nsahm go egame atahng.

1 Tesalonaika 3:2

fere tum mmonanne ejahre Timoti ji kpo lim eltum a nahre ni nnoobo etib atiingi bi Kraist, re á ba lim-n, wahn yiimi tꞌtahne go mbang nyi Esowo, fere jo rehk-n,

1 Timoti 4:6

A lꞌko erehke jia ana, fere jo rehke aneb Esowo, a lohko li nnooba nlokeltum no Jisos Kraist, ana a ma le elna go alum nya ekakesehk, a eltibi ni nno a nno, ni a kpꞌtoono.

2 Timoti 1:16

Nong, Ntul Esowo tib ndon enye go etahk Onesiforus. Me á nyaarem. Á jo ba nkpel a nkpele, ba kak-m eltim, jol eji n wobo wob ngbekobo.

2 Timoti 1:8

Owo wahnge nobo re wo kꞌjo be ndon nyi ntianse ayiimi ka Ntul ewahre. Ka ma jo nyaare, tib eji n wob ngbekobo go ege esi. Ga nob re wo tob taame erem tib esi jio ji nnoobo etib, ana Esowo ma-a ka eko,

2 Timoti 2:9

Nnoobo etib bi n kpo tiingi bi wahnge n kpꞌnyehne erem bia, a agbekobo go abo ana ebi nne. Alum Esowo, agbekobo wobem.

2 Timoti 3:11

A nyꞌnyehn ana bo jo gbak-m, fere nyehn ana n jo nyehn erem go Antiok, a Ikonium, go Listra, fere nyehn ana n kpuumu elgbake nio kpee. Ntul Esowo ma-m tahre yehke go nsol nyio kpee.

Failimon 1:9

n kp-a lub gboongo na tib esi ji elkoro, me Pol ji li nnenkul, anv, m ma fere jol nne a ngbekobo tib go esi ji Kraist Jisos.

Hibru 10:34

Tibre aneb agbekobo jo fil-n ndon. Jol eji bo taar-n taare nsol enyahne go eko, ń yake na go eyebatahng ka go, eji ń kpꞌkahne re, wahnfono antahng kpi nsol nyi ga nob, nyi bahke jolo go njinanjini.